Joɛl 2:32 - Kazambale lé Sebe Sauunu 1979

³² Yé ’bɛ bléyi va, dé miomian Gakelebale tɔ laa, é dan si lɛ we gi. Yé sile we gi é dan kɛlɛ lɛ Siɔn gɔ nwiin valé Jérusalɛm, Gakelebale a fe fɛan zo, a zo. Yé munu lé Gakelebale wo si a va, wo dan kɛlɛ lɛ siéwegimunu va.

Joɛl 2:32 ပူးပေါင်းရင်းမြစ်များ

Wepélisiananu 4:26

Sɛt né yaa gɔné nya é ziin, yé é tɔ pa a ma Énɔs. ’Bɛ bléyi va lé munu kun Gakelebale tɔ laale ma.

Lɛrɛvɔ Sɛbɛ 50:15

Kleble yi nya i an ’laa; Maa dan i si lɛ munu lee, yé i dan an tɔ zin bɔ lɛ.

Ézai 10:22

Izraɛloo, Izraɛl, dé ilé munu kɛlɛ kiɛre bélé wɛyi gɔɔn ma nyéné zo, a pɔné lé wo vo, wo saa ɛ dan da lɛ wo pa gi; é dan wo guru zana lɛ a gi kpɔ, yé bɛ lé we ma lé wo dan we tegele kɛlɛ lɛ kiɛre.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 11:16

Alé munu pɔnénu lé wo vo yé wo so Asirinu lee, é dan zi pla lɛ wo lɛ bélé fɛan zo lé é zi pla Izraɛlnu lɛ wo fwiyi la Éjipiti tɛrɛ la, a zo.

Ézai 4:2

’Bɛ bléyi va, Gakelebale lé fɛ gɔn é dan bɔ lɛ; é dan kɛlɛ lɛ Izraɛl ’lɛrɛfɛ valé a tɔbɔle nya. Yee fɛ gɔn lé tɛrɛ a bɔra bɛ, Izraɛl lé munu lé wo si we gi, é dan kɛlɛ lɛ wo tɔbɔmafɛ valé wo nyɛɛfɛ nya.

Ézai 46:13

Anlé wetegele kɛlɛle a biéna, é ’ka baa lo. Anlé mi sile we gi ’ka dan mɔn lɛ lo. Maa dan Siɔn munu si lɛ we gi, Yé maa dan anlé fuasan zén lɛ Izraɛl ta.

Jérémi 31:7

Naa, Gakelebale léma: ’Ka siaa ginanale nya Jakɔb lé we ma, Ka lé ka ke bɛnnu ’lɛ, ’ka siaa ginanale blɛn nya; ’Ka dére nwa, ’ka Bale tɔmagyɛ‐lɛrɛ vɔ, yé ’ka fe léma: Gakelebale, ’ilé munu si we gi, Izraɛl munu lé wo vo, wo lé.

Jérémi 33:3

’I an tɔ laa yé an dan we lɛ; we blɛnblɛnnu valé weyɔɔlenu lé i ’ka wo dɔɔa lo, maa dan wo lɛ kini lɛ i lɛ.

Amɔs 9:8

Ka ye, Mizan Gakelebale yuɛ a é dɔle bɛntɛrɛ lé we a gyɛ, a ta; maa dan a sɛrɛ lɛ tata tɛrɛ ta, duowo, maa ’ka dan Jakɔb lé munu kulu ga lɛ tata lo. Yee lé Gakelebale a fe.

Abudias 1:17

Naa, sile we gi é dan kɛlɛ lɛ Siɔn gɔ nwiin; é dan kɛlɛ lɛ sauun, Yé Jakɔb lé munu é dan ’wolé tɛrɛ si lɛ é ziin.

Abudias 1:21

Mi siéwegizannu é dan vɔ lɛ Siɔn gɔ nwiin, Ézau lé gɔ la munu lé weblele we ma; Yé Gakelebale é dan pla lɛ munu nwiin.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Zakari 13:9

Maa dan a lɛ do ’ko vɔ lɛ kyɛ va, yé maa dan wo kɛlɛ lɛ tegele fɛan zo lé woo gɔɔlifu kɛla tegele, a zo, yé maa dan wo gi dan lɛ bélé kyan selele zo. Wo dan an tɔ laa lɛ, yé maa dan we lɛ wo lɛ. Maa dan a fe lɛ léé: Anlé munu lé, yé wo dan a fe lɛ léé: Gakelebale a kolé Bale nya.

WENÉNÉ LE JAN A GYE (Évangile selon Jean) 10:16

’Bla bɛnu a é ziin anzé nya, ’té wo ’ka gɔrɔ ’ko gi ’blanu nya lo. ’Bɛnu é ziin, é a lé an da wo nya; wo dan an dére ’ma lɛ yé wo dan kɛlɛ lɛ trubɛ do kpen nya yé ’blatabinzan é dan kɛlɛ lɛ do kpen.

WENÉNÉ LE JAN A GYE (Évangile selon Jean) 4:22

Fɛ lé ka ’ka a dɔɔa lo, yee lé ka bɔa; naa, ko, fɛan ko dɔɔ, yee lé ko bɔa. Naa, mi sile we gi éé sié Juifinu va.

Kelewenu 15:17

Mi pɔnénu lé Mizambale naginile we gi, É valé bɛnnu faa lé, an tɔ ke wo ma, wo nya. Mizambale lé é we ’konu kɛlɛ,

Kelewenu 2:39

Blivolɛdére a ’kaa valé kalé nénu koo, munu lé wo ke baa koo, kazé nya. Munu ’lééan Mizan kozé Bale é dan wo laa lɛ, wo ’léé duo lé.

Rom munu 11:26

’Ko zo lé Izraɛl faa é dan si lɛ we gi, é a é gyɛle sɛbɛ gi fɛan zo, a yɛrama; wo léé: Misiéwegizan é dan si lɛ Siɔn Yé é dan Kazambale lé zi ma wenyané fele si lɛ Jakɔb ’léé;

Rom munu 11:5

A zo duo lé, kyɔ é ziin, munu ’léé sɛ lé Bale wo si a va élé zin yɛrama, wo ana tan.

Rom munu 11:7

’Té mɛ léé? Fɛ lé Izraɛl ke a ginina, é ’ka a ye lɛ lo, naa, munu lé Bale wo si a va, wo ɛ ye; yé mi pɔnénu tɔné gi kɛlɛ yuyu,

Rom munu 9:24

’Bɛ gi léé, kaanu. É sɔ a lɛ léé, élé fuasan nagɔɔn kaa ɛ lɛ. É ko laa Juifinu méléna; ’bɛ saa kaan lo, é ka laa bɛn bɛnu méléna é ziin,

Rom munu 9:27

Ézai é ziin, é siaa Izraɛl lé we ma, léé: Dé Izraɛl benu ’léé kɛlɛ wɛyi ma nyéné zo, A ’léé kiéné ɛ dan si lɛ we gi.

1 Korent munu 1:2

’Kaa Kazambale lé léglizigimunu lé ka ke Korɛnt, ’té Kazambale ka pa é yɛrama Jézu Krist gi, yé é ka laa ka kɛlɛle alé munu nya we gi bɛ, ko we ka va. ’Kaa faa lé ka Kaazan Jézu Krist tɔ laan, dé ka a fɛofɛana, ko we ka va. Sɛbɛ ’ko a kazé nya é ziin.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,