Joɛl 2:31 - Kazambale lé Sebe Sauunu 1979

³¹ Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Joɛl 2:31 ပူးပေါင်းရင်းမြစ်များ

Jérémi 4:28

Amalé tɛrɛ ’ko ta munu faa a gyɛ bona, Yé gunu dɔra la gi loru, Naa, maa a fe, yé an suni wɔra. Maa ’ka dan an bli nɔla lɛ lo; maa ’ka dan gyɛ lɛ an zuo lo.

Ézékiɛl 32:7

Dé maa a i dirina bléyian va, maa dan fɛ bua lɛ lanu yara, yé maa dan gunu dɔra lɛ lagi monénénu yara. Maa dan lati zén lɛ yiri yara yé moné ’ka dan bi lɛ é dɛrɛ lo.

Joɛl 2:1

’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Joɛl 2:10

Tɛrɛ ma éé nyɔɔn‐an wo ’lɛ, Lanu ma éé nyɔɔn‐an, Gunu éé dɔraan yiri valé moné yara, Monénénu éé daan bile ma.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Joɛl 3:1

Naa, ka ye, ’bɛ yinu la, ’bɛ bléyi va, Juda munu valé Jérusalɛm munu lé wo go wo nya luu gi, dé an da wo nya wo pa gi,

Joɛl 3:15

Gunu é dan dɔra lɛ yiri valé moné yara, Yé monénénu é dan daan lɛ bile ma.

Zakari 14:6

’Bɛ yi la, fɛna fu ’ka dan kɛlɛ lɛ é dɛrɛ lo; dunu valé glasé é dan vɔ lɛ.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Malasi 4:5

Ka ye, maa dan balelayezan Éli pa lɛ ka lɛ zia Gakelebale lé kana?-?mayi blɛn bɔle ’lɛ.

Matio 24:29

Naa, ’bɛ nyanébleyi ’konu zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo, yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.

Matio 27:45

É sia yiéyi yiri ma, ’té gunu a é dɔrale tɛrɛ faa la fɔɔ yé é bɔ yiri tɛnlale plɛplɛ ma.

WENÉNÉ LÉ LUK A GYE (Évangile selon Luc) 21:25

Tɔmasenu é dan kɛlɛ lɛ yiri koo, moné koo, monénénu koo, wo ma. Tɛrɛ la ’ko, bɛnnu é dan nyané ble lɛ kaii, yé wɛyi nwale valé é vun wele blɛn lé we ma, munu ’ka wo dɔnama yé wo lee lo.

Kelewenu 2:20

Gunu é dan dɔra lɛ yiri yara Yé moné é dan kɛlɛ lɛ bélé nyɛ zo Mizan dayi blɛn tɔbɔle ’lɛ.

Wegɔɔnle 8:12

Lanje ziɛnzan béli fɛn yé é yiri fén yaazan diri yé é moné fén yaazan diri, yé é monéné yaa yaa va monéné do do diri, yé fɛna fu ta yuo vɔ sɛ, yé béli gunu taa dɔra.