Joɛl 2:28 - Kazambale lé Sebe Sauunu 1979

²⁸ ’Bɛ zuo, an dan an Léli zén lɛ mi faa ta; Ka benu valé ka lunu é dan balelawe fe lɛ, Kalé mi kwanu é dan nyɛ gyɛ lɛ, Yé kalé pɛniɛnu wo dan wenu ye lɛ yuɛzi gi.

Joɛl 2:28 ပူးပေါင်းရင်းမြစ်များ

Wegɔnévɔlenu 1:23

’Ka nɔla anlé wepladére ’male we gi. Ka ye, maa dan an léli zén lɛ ka ta. Maa dan an dére paa lɛ ka gi.

Ézai 32:15

Fɔɔ yé léli é si la gi yé é zén ko ta, yé bwi la tɛrɛ é nɔla tɛrɛ lé éé fɛ dɔa di, a nya, yé ’bɛ tɛrɛ é kɛlɛ bélé pɔrɔ zo.

Ézai 40:5

Yé Gakelebale lé fua ta é dan bɔra lɛ, Yé mi faa é dan a ye lɛ a bléyi duo nya; Maa Gakelebale ɛ fe, azama.

Ézai 44:3

Naa, an dan ’yi zén lɛ tɛrɛ wiéwié ta, Maa dan ’yi yoro lɛ tɛrɛ gale ta; Maa dan an léli zén lɛ i bɛn ta, Maa dan i kulu drɔɔ vo lɛ.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 54:13

I benu faa é dan kɛlɛ lɛ Gakelebale zuozannu nya, Yé wenu nyian é dan wo lɛ i benu lɛ kiɛre.

Jérémi 23:25

Balelayezannu lé woo balelawe fé vié nya an tɔ gi, we lé wa fe, maa ’ma. Wo léma: Maa nyɛ do gyɛ, maa nyɛ do gyɛ.

Jérémi 23:28

Balelayezan lé é nyɛ gyɛ, ’élé nyɛ gi fe ma, yé mian é an dére ’ma, ’é a gi fe yarapalale nya ma. Mɛmalé ka ’sapɛɛ valé ’sawɔlɛ vɔɔ?-?aan? Maa Gakelebale ɛ ke a fena.

Ézékiɛl 36:27

Maa dan an léli nyana lɛ ka gi, yé maa dan a kɛlɛ lɛ léé, ka an déretawenu kɛlɛ, yé ka anlé bélidɔwenu lɛdɔma yé ka wo ta tawo.

Ézékiɛl 37:14

Maa dan an léli pa lɛ ka gi, yé ka dan nwa lɛ é yuɛma. Maa dan ka nyana lɛ kalé tɛrɛ la é ziin, yé ka dan a gi dɔɔ lɛ léé, maa Gakelebale, maa ɛ fe, maa ɛ kɛlɛ. A zo lé Gakelebale a fe.

Ézékiɛl 39:29

yé maa ’ka dan an yara yɔɔ lɛ wo ma é dɛrɛ lo. Naa, maa dan an léli zén lɛ Izraɛl munu ta. A zo lé Mizan Gakelebale a fe.

Daniɛl 7:1

Babilɔn minwiinzan blɛn Bɛlsasaa plale mi nwiin lɛɛ vininzan nya, Daniɛl nyɛ gyɛ yé é yuɛziwenu ye, ’té é a é yiale. ’Bɛ zuo yé é yee nyɛ gyɛ sɛbɛ ta, yé é a va we blɛnnu zuo fe.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

Mi Nɔnɔle 11:17

Maa dan zun lɛ ’bɛna yé maa dan we fe lɛ i lɛ, yé bli lé é ke i gi, maa dan ’bɛ zoɛ bli vɔ lɛ wo gi, léé, wo bɔ i va munu ’ko kɔné sile nya, té i kɔné ’ko si i do lo we ma.

Mi Nɔnɔle 12:6

Yé é léé: ’Ka tɔné dɔ an dére lɛ é zima. Dé balelayezan kɛlɛ ka méléna, maa, Gakelebale, maa dan anbozen nagɔɔn lɛ ’bɛzan lɛ yuɛzi gi, maa dan we fe lɛ a lɛ nyɛ fla.

WENÉNÉ LÉ LUK A GYE (Évangile selon Luc) 1:67

Léli Sauun Jan ti Zakari kun, yé é balelawe fe dére ’konu nya léé:

WENÉNÉ LÉ LUK A GYE (Évangile selon Luc) 3:6

Yé mi faa é dan Bale lé mibélile ye lɛ.

WENÉNÉ LE JAN A GYE (Évangile selon Jean) 7:39

É we ’ko fe munu lé wo dan ’wo bli vo lɛ a lɛ, Kazambale Léli lé wo dan a ye lɛ, alé we ma. Jézu ’ka tan wɔra lɛ élé fua gi lo; bɛwemalé Bale ’ka tan ’é Léli nɔ lɛ munu lɛ lo.

Kelewenu 2:33

Kazambale a nwa aan wo é bɛyi nya, yé Léli Sauun lé a Ti a nɔle lé we fe a lɛ é kyɛn, é a ye a va, yé é a zén ko ta, fɛan zo lé ka a ye yé ka a ’ma, a zo.

Kelewenu 2:39

Blivolɛdére a ’kaa valé kalé nénu koo, munu lé wo ke baa koo, kazé nya. Munu ’lééan Mizan kozé Bale é dan wo laa lɛ, wo ’léé duo lé.

Kelewenu 21:9

A lu ziɛn a blɛnnu nya yé woo balelawe fé.

Galasi munu 3:28

Juifi mi valé Grɛki mi ’ka é dɛrɛ lo; luu valé migɔné ’ka é dɛrɛ lo; gɔné valé le ’ka é dɛrɛ lo, naa, ka faa a mi do nya Jézu Krist gi.

Ébrunu 1:1

É kyɛn Kazambale we fe kaa tranu lɛ gɔnɔ kiɛre valé bɛ kiɛre ma, balelayemunu lɔlu nya.

1 Samuɛl 19:20

Saul munu nwunvɔ David kunle we gi. Naa, wo balelayemunu ye balelawe fena aan wo, ’té Samuɛl a wo ’lɛzan nya, Bale Léli Saul lé nwunvɔmunu kun, yé wo é ziin wo kun balelawe fele ma.

1 Samuɛl 19:21

Wa zuo fe Saul lɛ, yé é mi bɛnu pa zia yé ’bɛnu é ziin, ’bɛnu balelawe fe. É munu pa zia a gɔnɔ yaazan nya yé ’bɛnu wo é balelawe fe é ziin.

1 Samuɛl 28:6

Saul we laa Gakelebale lee; yé dé é a nyɛ fla nyaoo, dé é a urim nyaoo, dé é a balelayezannu nyaoo, Gakelebale ’ka a zi pa lɛ ’bɛ do nya lo.