Joɛl 2:27 - Kazambale lé Sebe Sauunu 1979

²⁷ Yé ka dan a gi dɔɔ lɛ léé, maa a Izraɛl munu va. Maa ɛ ke Gakelebale, kalé Bale nya, yé bale bɛ do kpen ’ka ana lo. Yé yara ’ka dan anlé munu gyɛ lɛ é dɛrɛ lo.

Joɛl 2:27 ပူးပေါင်းရင်းမြစ်များ

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Wegɔnévɔlenu 1:23

’Ka nɔla anlé wepladére ’male we gi. Ka ye, maa dan an léli zén lɛ ka ta. Maa dan an dére paa lɛ ka gi.

Ézai 12:6

’Kaa Siɔn munu, ’ka siaa ginanale blɛn nya, Naa, Izraɛl lé Mi Sauun a blɛn ka va, azama.

Ézai 44:3

Naa, an dan ’yi zén lɛ tɛrɛ wiéwié ta, Maa dan ’yi yoro lɛ tɛrɛ gale ta; Maa dan an léli zén lɛ i bɛn ta, Maa dan i kulu drɔɔ vo lɛ.

Ézai 44:8

Té ka kana lo, té ka ma é nyɔɔn lo; Maa ’ka a fe lɛ ka lɛ é li é kyɛn loo? Ka a anlé wenayezannu nya; Dé é ’ka maa nya lo, Bale bɛ aa? Gɔlɛgɔ bɛ ’ka lo, maa ’ka a do kpen dɔɔa lo.

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

Ézai 45:5

Maa a Gakelebale nya, a bɛ ’ka lo, Dé é ’ka maa nya lo, Bale bɛ ’ka lo. Maa plɛplɛ nɔ i lɛ, ’té i ’ka tan an dɔɔ lɛ lo.

Ézai 45:6

Maa we ’ko kɛlɛ léé, É sia yirinwana ma fɔɔ yé é bɔ yirivɔna ma, Munu faa a gi dɔɔ léé, Dé é ’ka maa nya lo, Bale bɛ ’ka lo. Maa ɛ ke Gakelebale nya, ’bɛ bɛ do kpen ’ka lo.

Ézai 46:9

Wenu lé wo kɛlɛ é kyɛn bɛ, wo sele ’é dɔ ka gi ma; Naa, maa a Bale nya, ’bɛ bɛ ’ka lo, Maa a Bale nya, an bɔmazan ’ka lo.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

Ézékiɛl 37:6

Maa dan miin sɛsɛnénu nɔ lɛ ka lɛ, yé maa dan nɛ zén lɛ ka ma. Maa dan mi kɔlɛ zén lɛ ka ta; maa dan léli pa lɛ ka gi yé ka kɛlɛ é yuɛma. Yé ka dan a gi dɔɔ lɛ léé, maa ɛ ke Gakelebale nya.

Ézékiɛl 39:22

É sia ’bɛ yi ma fɔɔ yé é bɔ bléyi voélanu ma, Izraɛl munu é dan a gi dɔɔ lɛ léé, maa lé ke Gakelebale wolé Bale nya.

Ézékiɛl 39:28

Yé wo dan a gi dɔɔ lɛ léé, Gakelebale wolé Bale lé é go wo nya luu gi bɛnnu va, yé é wo zén ékeva wo pa gi ’wolé tɛrɛ la, maa a a nya; maa ’ka dan wo vazan do kpen vo lɛ ’bɛnu va lo,

Ézékiɛl 39:29

yé maa ’ka dan an yara yɔɔ lɛ wo ma é dɛrɛ lo. Naa, maa dan an léli zén lɛ Izraɛl munu ta. A zo lé Mizan Gakelebale a fe.

Joɛl 2:26

Ka dan fɛ ble lɛ yé ka dan kan lɛ, Yé ka dan Gakelebale, kalé Bale tɔ ma gyɛ lɛ. Yee ɛ dan we blɛnnu kɛlɛ lɛ ka lɛ, Yé yara ’ka dan anlé munu gyɛ lɛ é dɛrɛ lo.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Joɛl 3:21

Wo nyɛ lé wa zana, yé maa ’ka tan a lɛgi pa lɛ lo, maa dan a lɛgi pa lɛ, Yé maa, Gakelebale é dan nyana lɛ Siɔn.

Sofoni 3:11

’Bɛ yi la, i kɛlɛwenu faa ’ka dan i gyɛ lɛ yara nya lo; i kɛlɛwenu lé i wenyané kɛlɛ an ma wo nya, woo lé. Naa, ’bɛ bléyi va, munu lé wo gi éé nanaan boblɛn dére nya turu bɛ, maa dan wo si lɛ ka méléna, yé i ’ka dan ibo kɛlɛ lɛ blɛn anlé gɔ tinle nwiin é dɛrɛ lo.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Zakari 2:9

Ka ye, an bɛ nwa wo ma, yé munu lé ka ke é plale wo wuo turu, wo dan kɛlɛ lɛ kalé gulizarafɛnu nya. Yé ka dan a gi dɔɔ lɛ léé, lai sunyanu lé Gakelebale ɛ an pa zia.

Mi Nɔnɔle 11:29

Moizi a zi pa a lɛ léé: I a maawona wo va anlé we maa? Gakelebale lé munu faa ’é kɛlɛ balelawefemunu nya ma, yé Gakelebale ’é léli zén wo ta ma.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

2 Korɛnt Munu 6:16

Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.

Bélidɔwesɛbɛ Fiézan 23:14

Naa, Gakelebale kalé Bale a tawona ka va, ka takuunle valé ka nyanézannu pale ka lee we gi; bɛwemalé é a lé kalé fla ’é kɛlɛ é zima, té Gakelebale é fɛ tiridɔle do kpen ye ka va lo, dé é da si ka va.

1 Piɛri 2:6

Naa, é a é gyɛle Kazambale lé sɛbɛ gi léé: Ka ye, maa kɔnsungɔlɛ wezan si a va yé maa a pla Siɔn; Mi lé é bli voo a lɛ, ’bɛzan gi ’ka dan vuru lɛ é ma monomono lo.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.