Joɛl 2:26 - Kazambale lé Sebe Sauunu 1979

²⁶ Ka dan fɛ ble lɛ yé ka dan kan lɛ, Yé ka dan Gakelebale, kalé Bale tɔ ma gyɛ lɛ. Yee ɛ dan we blɛnnu kɛlɛ lɛ ka lɛ, Yé yara ’ka dan anlé munu gyɛ lɛ é dɛrɛ lo.

Joɛl 2:26 ပူးပေါင်းရင်းမြစ်များ

Wepélisiananu 33:11

Blan lé maa a nɔ i lɛ, bé si, naa, Kazambale zin kɛlɛ an lɛ kiɛre yé fɛ do kpen ’ka vuru lɛ an ma lo. É Ézau tunu amalé ’bɛ a si.

Néémi 9:25

Wo kɛlɛ fla plɛplɛnu valé fɛdɔtɛrɛ zin nwiinzannu nya; kɔnnu lé ke é fanle fɛ zin gɔnɔ faa nya, wa ye é pla; ’yigurunu koo, dɔrɔféinu koo, ɔliviféinu koo, porobaayili kiɛre koo, wa ye é pla. Wo fɛ ble yé wo kan yé wo bua, yé ilé zin blɛn gi wolé tɛrɛla kɛlɛ néné.

Lɛrɛvɔ Sɛbɛ 103:5

Yee ɛ i kaan fɛ zima zima nya i kwala gi, Yee ɛ i nɔlaan mi boroné nya é ziin bélé gola kwakwa éé nɔlaan é sua nya fɛan zo, a zo.

Lɛrɛvɔ Sɛbɛ 116:7

An boen, ’i go, ’i flin, Naa, Gakelebale wezin kɛlɛ i lɛ.

Lɛrɛvɔ Sɛbɛ 13:6

Maa, an paan ilé zin ta. I an si we gi, an bli fan gi nanale baba nya; Gakelebale wezin kɛlɛ an lɛ, amalé an lɛrɛ vɔa a lɛ.

Lɛrɛvɔ Sɛbɛ 22:26

Bii tɔ zin lé maa dan a fe lɛ zén‐ékevamunu gu blɛn va; Maa dan anlé Bale kunle lɛ sɔɔ lɛ munu lé woo kanaan i lee, wo yuɛ va.

Lɛrɛvɔ Sɛbɛ 37:19

Yara ’ka dan wo gyɛ lɛ we tɔntɔn bɔyi nya lo. Yé lɔrɔ dɔbléyi va wo dan kan lɛ.

Lɛrɛvɔ Sɛbɛ 67:5

Bɛnnu gi a é nanale, ginanale blɛn nya; Naa, i munu lé we blé tegele, Yé i zi gɔɔn‐an bɛnnu lɛ tɛrɛ la. Ka ye do.

Lɛrɛvɔ Sɛbɛ 72:18

’Wo Gakelebale, Izraɛl lé Bale drɔɔ vo ma. Yee do kpen ɛ we blɛnblɛn kɛla!

Wegɔnévɔlenu 13:25

Mi tegele éé fɛ blé yé lɔrɔ éé sié a ma, naa, lɔrɔ éé mi nyané gya.

Wegɔné Ma Lɛrɛ 5:1

An buru, an bwɛ, an wɔra anlé féi, An mirélia valé bla ginzannu so, Maa anlé zɔrɔnyɔnɔ valé a yoduo ble, Maa anlé dɔrɔ valé nɔnɔ mini. — An béénu, ’ka ble, ’ka mini, sɔlɛle ’é ka gyɛ bélé nwɛ zo.

Ézai 25:1

Gakelebaleoo Gakelebale, i a anlé Bale nya; Maa dan i kɛlɛ lɛ blɛn, ’té maa i tɔ ma gya, Naa, i migisanmawenu kɛlɛ; Wenu lé wo dɔ i gi a bléyi ’lɛ, i wo lɛ sɔɔ yarapalale nya.

Ézai 29:22

Bɛwemalé Gakelebale lé é Abraam tabo, é lé Jakɔb kululazannu lɛ léé: Sin, Jakɔb yuɛ ’ka dan tana lɛ é dɛrɛ lo. Sin, a yara nyɔnɔ é dan kɛlɛ lɛ ana yifaama.

Ézai 45:17

Gakelebale ma lé Izraɛlnu si we gi, Sile we gi lé a glɛ ’ka lo, yee lé. Yaragyɛwe ’ka dan bɔ lɛ ka ma lo, yé yara ’ka dan ka gyɛ lɛ lo, Fɔɔ, lɛɛfaama, a glɛ ’ka dɔa lo.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Ézai 55:2

Mɛmalé ka gɔɔli sɛra fɛ lé é ’ka fɛblele nya lo, a maa? Mɛmalé ka nyanama paan fɛ lé é ’ka ka kaan lo, a maa? Amalé ’ka tɔné dɔ an lɛ yé ka dan fɛ zin ble lɛ, Yé fɛ lé a néné éé mi ’léli selean é ’léé, i gi é dan nana lɛ a blele ma.

Lévinu 25:19

Tɛrɛ é dan baa lɛ ka lɛ, ka dan fɛ ble lɛ yé ka kan, yé ka dan nyana lɛ ana duaa.

Lévinu 26:26

Kadɔplɛplɛfɛ lé ke kalé fɛblele nya, dé maa ’bɛ si ka lee, le vu é dan bɔ dɔne lɛ bɔ do gi, yé wo dan a guli lɛ ka ma, yé ka dan a ble lɛ yé ’bɛ ’ka dan ka kan lɛ lo.

Lévinu 26:5

Dé ’sagyɛle ’ka tan nyaa lɛ lo, ’té kalé dɔrɔnu tin, yé ka dan vo lɛ a poro sona fɔɔ yé féipabléyi bɛ é bɔ; ka dan fɛ ble lɛ yé ka kan, yé ka dan nyana lɛ duaa kalé tɛrɛ la.

Misé 6:14

Ka dan fɛ ble lɛ yé ka ’ka kaan lo, ’té lɔrɔ a ka ma duowo. Ka dan fɛ tadɔ lɛ yé é ’ka dan vo lɛ ana lo, yé fɛ lé é vo ana, maa dan ’bɛ nɔ lɛ gwɔun lɛ.

Sofoni 3:11

’Bɛ yi la, i kɛlɛwenu faa ’ka dan i gyɛ lɛ yara nya lo; i kɛlɛwenu lé i wenyané kɛlɛ an ma wo nya, woo lé. Naa, ’bɛ bléyi va, munu lé wo gi éé nanaan boblɛn dére nya turu bɛ, maa dan wo si lɛ ka méléna, yé i ’ka dan ibo kɛlɛ lɛ blɛn anlé gɔ tinle nwiin é dɛrɛ lo.

Zakari 9:15

Lai sunyanu lé Gakelebale é dan wo tabin lɛ; Wo dan fɛna faa ble lɛ, wo dan paalu gi gɔlɛnénu kele lɛ; Wo dan nyɛ mini lɛ, yé wo vun é dan we lɛ bélé nwɛgyɛzannu zo; Wo dan fan lɛ a nya bélé wi nyɛ zéngikana zo, Bélé balebanna sunlanu zo.

Zakari 9:17

Yiba! we nyian é wo mi lɛ ’bɛ zoo? Fɛ nɔnɔmi a ’bɛ zoo? ’Sa é dan pɛniɛnu tin lɛ Yé dɔrɔ dɛrɛ é dan blɛnnu tin lɛ.

Rom munu 10:11

Miomian é é bli voo a lɛ, yara ’ka dan ’bɛzan gyɛ lɛ lo.

Rom munu 5:5

yé bli kɛlɛle fɛ lɛ ’ka ko gya yara nya lo; Léli Sauun lé Bale a nɔ ko lɛ, é Kazambale lé sɔlɛle wɔra ko bli nya bélé nyɔnɔbɔ zo, azama.

Rom munu 9:33

we lé é ke é gyɛle Bale lé sɛbɛ gi, a yɛrama; wo léé: Ka ye, maa misaangɔlɛ plaan Siɔn gɔ nwiin; Yee lé ke midiéragɔlɛ nya; Naa, mian é bli vo a lɛ, yara ’ka dan a gyɛ lɛ lo.

Bélidɔwesɛbɛ Fiézan 11:15

Gakelebale léé, é dan lu tuu lɛ kalé trubɛnu zé nya; ka dan fɛ ble lɛ yé ka dan kan lɛ.

Bélidɔwesɛbɛ Fiézan 12:12

’Bɛna lé ka koo, ka benu valé ka lunu koo, ka wuogɔnénu valé ka wuolomu koo, ka gi é dan nana lɛ Gakelebale, kalé Bale ’lɛ; dé Lévimi a ka va, yee koo é ziin, naa, azé fɛ do ’ka ka va lo, yé ka valé wonu lé tɔnɔ ’ka ékeva lo, ’bɛzama.

Bélidɔwesɛbɛ Fiézan 12:18

Naa, ka dan ’bɛnu ble lɛ Gakelebale, kalé Bale ’lɛ, fɛ lé Gakelebale, kalé Bale é dan a si lɛ a va, ana; ka koo, ka benu valé ka lunu koo, ka wuogɔnénu valé ka wuolomu koo, Lévimi lé ke ka va koo, ’ka a ble wo nya; Gakelebale, kalé Bale ’lɛ lé ka gi é dan nana lɛ, fuafɛnu faa lé ke ka lee, wo ma.

Bélidɔwesɛbɛ Fiézan 12:7

Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Bélidɔwesɛbɛ Fiézan 8:10

Dé ka fɛ ble, dé ka kan, ka dan Gakelebale, kalé Bale drɔɔ vo lɛ, tɛrɛ zin lé é a nɔ ka lɛ, alé we ma.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

1 Jan 2:28

Sin, né kiénénu, ’ka vo Jézu gi, yé dé é bɔra kaa yuɛ va yé kaa bli ta dɔ plɛplɛ, yé dé a dabléyi bɔ yé yara ’ka kaa gya yé é kaa si ’é ma baa lo.