Joɛl 2:23 - Kazambale lé Sebe Sauunu 1979

²³ Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Joɛl 2:23 ပူးပေါင်းရင်းမြစ်များ

1 Minwiinzannu 8:36

’bé ’ma lanu gi ma, ’i i wuozannu valé ilé munu Izraɛl ma we vo ma. Zi zima lé é a lé wo a ta tawo, ’bé gɔɔn wo lɛ ma; yé ’i lɛɛ da, tɛrɛ lé bé nɔ ilé munu lɛ wolé tɔnɔ nya, a ta ma.

JOB (Job) 33:23

Naa, dé é muun pa lanje do ye ézé nya, Lanje wuru soru lé, Woo munu lé tawozi gɔɔn‐an wo lɛ, wo vazan do nya,

JOB (Job) 37:13

É a bélé vlewɔlɛ lé élé tɛrɛ blaan a nya, a zo. Éé wo bɔraan é ziin élé sɔlɛle tɔmase nya.

Lɛrɛvɔ Sɛbɛ 104:34

An dérenu ’é kɛlɛ néné a tɔné gi ma, Maa a a va léé, an gi ’é nana Gakelebale gi.

Lɛrɛvɔ Sɛbɛ 147:8

Yee ɛ la gi sɔɔlaan latinu nya, Yee ɛ lɛɛ dan tɛrɛ la, Yee ɛ lu gɔn bɔa gɔblɛnnu ta.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 28:7

Gakelebale a anlé plɛplɛ valé an takuunzan nya, An bli a a lɛ, yé éé bɔa an va; Ginanale lé éé giéan é glɛ ta, é a an bli gi, Yé maa a tɔ zin fé anlé lɛrɛvɔlenu nya.

Lɛrɛvɔ Sɛbɛ 32:11

’Kaa mi tegelenu, ka gi ’é nana Gakelebale gi, yé ginanale lé a glɛ ’ka lo, ’é kɛlɛ ka gi ma. ’Kaa faa lé ka bli ke tegele, ’ka siaa gi nanale nya ma.

Lɛrɛvɔ Sɛbɛ 84:6

Munu lé wolé plɛplɛ éé sié i va, wozé a néné. Zi lé wa pla, wa yé wo bli gi.

Wegɔnévɔlenu 16:15

Minwiinzan blɛn yara drɔɔ éé mi bélié, yé alé zin a bélé lɛɛ vinin dale zo mi lɛ.

Ézai 30:21

Dé ka nɔla ka bɛyilaziaoo, dé ka nɔla ka bɛbolaziaoo, dére do é dan we lɛ ka zuo, ’té ka a maan, a fele nya léé: Zi lé ke ’ko, ’ka tawo yee zi ’ko ɛ ta.

Ézai 30:23

Yé Bale é dan lɛɛ da lɛ fɛwɔlɛ lé ka vɔ, a ta, yé kalé tɛrɛ é dan fɛ dɔ lɛ, yé a néné é dan ka bua lɛ, yé a bléyi duo nya kalé trubɛnu é dan fɛ ble lɛ trubɛ blena blɛn na.

Ézai 41:16

I dan wo fɛɛ lɛ yé fu é dan go lɛ wo nya, Yé barikoko é dan wo fwila lɛ. Naa, bii, i gi é dan nana lɛ Gakelebale gi; I dan ibo tɔ bɔ lɛ Izraɛl lé Mi Sauun gi.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Jérémi 3:3

Amalé lɛɛné ’ka da lɛ lo yé lɛɛné vininnu vuru ka ma. Yé ka kɛlɛ yuɛmaplɛplɛ?-?zannu nya bélé gɔnégini le zo, yé yara ’ka ka gyɛ lɛ lo.

Jérémi 5:24

Wo ’ka a fé wo bli gi léé: Kaa kana Gakelebale kolé Bale lee, lo. Bale lé éé lɛɛ paan zia lɛɛdabléyi va, ’té éé lɛɛ vininzan valé lɛɛ voélazan dan, ’té éé bléyi kenu no ko lɛ kolé féifɛnu gyɛle we ma, wo ’ka kanaan yee Bale lee lo.

Jérémi Lé Wuvɔ Sɛbɛ 4:2

É vinin, woo Siɔn munu tɔbɔle yé Bélé kyan tegele zo, Naa, sin, woo wo yé bélé tɛrɛbɔnu lé Bɔdɔzan a dɔ, a zo.

Ézékiɛl 34:26

Maa dan wo drɔɔ vo lɛ, wo valé anlé gɔ zi fɛnanu nya; maa dan lɛɛ da lɛ ’é dabléyi va yé é dan wo drɔɔ vo lɛ.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Lévinu 26:4

maa dan lɛɛ da lɛ é dabléyi va, yé tɛrɛ é dan fɛ dɔ lɛ yé kalé féiyilinu é dan ’wo poro baa lɛ.

Amɔs 4:7

Yé maa lɛɛ nyané kɛlɛ ka lɛ, ’té kalé fɛgyɛmoné vo yaa; maa lɛɛ da fla do la, yé maa ’ka lɛɛ da lɛ fla do ta lo. Maa lɛɛ da féi do ta, yé féi lé maa ’ka lɛɛ da lɛ ’bɛ ta lo, ’bɛ ga.

Zakari 10:1

’Ka lɛɛ laa Gakelebale lee, ’ka lɛɛ vininzan laa a lee. Gakelebale é dan lɛɛ yuɛ wuo vɔ lɛ nuu, yé é dan lɛɛ blɛn pa lɛ ka lɛ zia; é dan fɛ dɔ lɛ ka faa do do lé féi.

Zakari 10:7

Éfraim é dan kɛlɛ lɛ bélé gulidan nyanazan zo; Wo gi é dan nana lɛ bélé nwɛ lé wa mini, Wo benu é dan a ye lɛ yé wo gi é dan nana lɛ kaii; Wo gi é dan nana lɛ Gakelebale gi.

Zakari 9:13

Juda lé ke anlé sa nya, maa gana, ’Té Éfraim ɛ ke anlé sawɔlɛ nya; Bii Siɔn, maa dan ilé munu nwa lɛ Bii Javan lé munu ma. Yé maa dan i kɛlɛ lɛ bélé nyanazan lé gwɔun zo.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Kelewenu 14:17

naa, duowo wezin kɛlɛle ka lɛ ma lé éé a nagɔɔn‐an ka lɛ yifaama léé, ’yee ɛ ke ana. Éé lɛɛ paan ka lɛ zia yé éé kalé féi dɔa di, yé éé fɛblele no ka lɛ kiɛre yé éé ka faan gi nanale nya.

Bélidɔwesɛbɛ Fiézan 11:14

Gakelebale léé, é dan lɛɛ da lɛ kalé tɛrɛ la é dabléyi va, lɛɛ vininzan valé lɛɛ voélazan nya; ka dan kalé ’sa gyɛ lɛ, ka dan kalé dɔrɔ’yi vinin kɛlɛ lɛ, ka dan kalé nyɔnɔ kɛlɛ lɛ;

Bélidɔwesɛbɛ Fiézan 28:12

Gakelebale é dan élé fɛwezan zinnu lɛ so lɛ la gi, yé é dan lɛɛ da lɛ kalé tɛrɛ la a dabléyi nya, yé é dan kalé nyanama faa drɔɔ vo lɛ; ka dan vɛɛn pa lɛ bɛn kiɛre ma yé ka ’ka dan vɛɛn si lɛ wo va lo.

Bélidɔwesɛbɛ Fiézan 32:2

Anlé weplale ’é sɔɔla tɛrɛ la bélé lɛɛ zo, An dére ’é zana bélé fli zo ma, Bélé lɛɛ lé kalugoro dale zo luyɛ ta, Bélé bakinima lɛɛ dale zo lu ta.

Filip munu 3:1

Yé sin, bwenu, ka gi ’é nana Mizan gi ma. We ’konu duo gyɛle ’ka ’naan an ma lo, yé é a wezin nya kazé nya.

Filip munu 3:3

Naa, kaa lé kaa Kazambale bɔa Kazambale Léli nya, ’té kaabo ze vɔa Jézu Krist gi, ’té kaa bli ’ka voo mi kɛlɛwe lɛ monomono lo, kaa ɛ ke ganedɔmunu bozen nya.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.