Joɛl 2:21 - Kazambale lé Sebe Sauunu 1979

²¹ Tɛrɛ, té i kana lo, Yéri ’é pa i lɔ ma, yé i gi ’é nana ma. Naa, Gakelebale éé we blɛnblɛnnu kɛla.

Joɛl 2:21 ပူးပေါင်းရင်းမြစ်များ

Wepélisiananu 15:1

We ’konu bɔle zuo, Gakelebale we fe Abram lɛ yuɛzi gi, yé é léé: Abram, té i kana pelo. Maa a i takuunfɛ nya, yé maa dan i gooli pa lɛ blɛn.

Lɛrɛvɔ Sɛbɛ 71:19

I kɛlɛwe tegele éé goo fɔɔ yé é zun la ma; I we blɛnblɛnnu kɛlɛ; oo Bale, de ɛ ke i bɔmazan nyaa?

Lɛrɛvɔ Sɛbɛ 98:8

Yuunu ’wo bɛ gyɛ ma, Gɔblɛnnu faa ’é siaa ginanale nya

Ézai 35:1

Bwi valé tɛrɛ gale gi é dan nana lɛ; Fɛ é dan bɔra lɛ nyéné saa lé fɛna yé a vwi é dan bi lɛ gulimagyan zo.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 54:4

Té i kana lo, naa, i gi ’ka dan blin lɛ i ma lo, Té i yuɛ é tana lo, naa, i yuɛ bɛ ’ka dan tana lɛ é dɛrɛ lo; Yara lé é i gyɛ i boronéla bléyi va, i gi é dan san lɛ ’bɛ ma, Yara lé ke i ’wuo ma, i kɛlɛle gyɛzarale nya we ma, a sele ’ka dan dɔ lɛ i gi é dɛrɛ lo.

Ézai 55:12

Iin, ka dan bɔra lɛ ginanale nya, Yé maa dan go lɛ ka nya drɔɔ; Gɔblɛnnu valé gɔpanénu é dan fan lɛ ginanale nya ka ’lɛ, Yé féi yilinu faa é dan wo bɛ gyɛ lɛ.

Jérémi 33:3

’I an tɔ laa yé an dan we lɛ; we blɛnblɛnnu valé weyɔɔlenu lé i ’ka wo dɔɔa lo, maa dan wo lɛ kini lɛ i lɛ.

OZÉ (Osée) 2:21

Maa dan kɛlɛ lɛ ka zana nya lɛɛfaama; maa dan ka kɛlɛ lɛ an na nya we tegele koo, we drɔle koo, zin koo, nyanai zénle koo, wo gi;

Joɛl 2:20

Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Joɛl 2:26

Ka dan fɛ ble lɛ yé ka dan kan lɛ, Yé ka dan Gakelebale, kalé Bale tɔ ma gyɛ lɛ. Yee ɛ dan we blɛnnu kɛlɛ lɛ ka lɛ, Yé yara ’ka dan anlé munu gyɛ lɛ é dɛrɛ lo.

Zakari 8:15

a zo duo lé sin, an bli nɔla, yé é a an gi léé, an wezin kɛlɛ ’kaa Jérusalɛm valé Juda munu lɛ sin. Té ka kana lo.

Bélidɔwesɛbɛ Fiézan 4:32

We namɔnle kwakwa kyɛn lé é kɛlɛ, ’té wo ’ka tan ka yaa lɛ lo, é sia yian nya lé Kazambale mi kɛlɛ tɛrɛ la, yé é sia la glɛ do ma yé é bɔ a glɛ koɛ ma, ’ka nagini yé ’ka fe: ’bɛ zo we blɛnblɛnnu bɔ é vinin doo? wo ’bɛ zo we vinin ’maa?

1 Samuɛl 12:16

’Ka lɛbɛn é ziin ’ko, yé we blɛnblɛn lé Gakelebale é dan kɛlɛ lɛ ka yuɛ va yé ka a ye.

1 Samuɛl 12:24

Naa, ’ka kana Gakelebale lee ma, yé ’ka a bɔ tɔnégidrɔɔ valé ka bli faa nya ma; we plɛplɛ lé é a kɛlɛ ka méléna, ka a yé loo?