Joɛl 2:20 - Kazambale lé Sebe Sauunu 1979

²⁰ Ka nyanézan lé éé sié yirinwana bɛbolazia, maa dan a bin lɛ ka ma baa, Maa dan a bin lɛ yé é go tɛrɛ lé a nyɔnɔ ’ka lo, ’té mi do kpen ’ka ana lo, ana. Maa dan alé gulizilɛzannu bin lɛ fɔɔ yé wo bɔ yirinwanazia wɛyi va; Maa dan zi zuo sunyanu bin lɛ é ziin fɔɔ, yé wo bɔ yirivɔnazia wɛyi ta; Wo gin é dan nwɛɛn lɛ, Yé wo goi é dan sɔɔla lɛ fɛfaana; Wo we blɛnblɛnnu kɛlɛ, azama.

Joɛl 2:20 ပူးပေါင်းရင်းမြစ်များ

2 Minwiinzannu 8:13

Azaɛl léé: I wuozan lé ke blén nya, é a de nya yé é ’bɛ zo we blɛnblɛn kɛlaa? Yé Élizé léé: Gakelebale a nagɔɔn an lɛ léé, i dan kɛlɛ lɛ Sirinu nwiinzan blɛn nya.

Lɛrɛvɔ Sɛbɛ 126:3

Gakelebale we blɛn kɛlɛ ko lɛ weboen nya, Amalé ko gi éé nanaan.

Fwile 10:19

Gakelebale fu ’lɛ plɛplɛ si yirivɔnazia, yé é gangannu sia yé é wo zén Wɛyi Sɔɔn va. A wɔlɛ do kpen ’ka vo lɛ Éjipiti tɛrɛ faa ta lo.

Fwile 8:14

Yokɛlɛzannu ’wolé yo kɛlɛ gɔanu bɔrale we gi, naa, wo ’ka bɔ lɛ a lɛ lo. Gɔanu vo munu valé winu ma.

Ézai 34:3

Wo galenu a é nwɛɛnle, wo galenu goi dɔ, wo nyɛ é dan yoro lɛ gɔnu ma.

Ézékiɛl 47:18

Alé yirinwanazia glɛ é kɛlɛ Juudɛn yuu nya, Avran koo, Damas koo, Galaad koo, Izraɛl tɛrɛ koo, wo méléna. ’Ka a glɛ danle sia yirinwana bɛbolazia zé glɛ ma, fɔɔ yé é bɔ yirinwanazia wɛyi ma, ’bɛ ɛ ke alé yirinwanazia zé glɛ nya.

Amɔs 4:10

Maa ka gyɛ migyɛgyɛ nya bélé Éjipiti tɛrɛ la zé zo; maa kalé pɛniɛnu gyɛ gwɔun nya, yé maa zi nɔ léé, wo kalé wisoonu si. Maa ka nyanana gin dɔ ka nyé gi; dé an ’bɛ kɛlɛoo, ka ’ka da lɛ an va ka pa gi lo. A zo lé Gakelebale a fe.

Zakari 14:8

’Bɛ yi la, ’yi zin é dan si lɛ Jérusalɛm, yé a lɛ do é dan yoro lɛ yirinwana wɛyi vazia, yé a lɛ do é dan yoro lɛ yirivɔna wɛyi vazia. É dan kɛlɛ lɛ a zo lɛɛdabléyi valé yiribibléyi va.

Malasi 3:11

Maa dan féisɛrɛfɛnu si lɛ ka ma; wo ’ka dan kalé féifɛnu ble lɛ lo; kalé dɔrɔyilinu ’ka dan vo lɛ é pla lo. A zo lé lai sunyanu lé Gakelebale a fe.

Bélidɔwesɛbɛ Fiézan 11:24

Fɛ faa lé ka dan ka gane zun lɛ ana, é dan kɛlɛ lɛ kazé nya; kalé tɛrɛ glɛ do é dan kɛlɛ lɛ Liban lé bwi nya, yé kalé tɛrɛ glɛ do é dan kɛlɛ lɛ Yufrat yuu nya, yé kalé tɛrɛ é dan go lɛ fɔɔ yé é bɔ wɛyi lé ke yirivɔnazia, a ma.