Joɛl 2:2 - Kazambale lé Sebe Sauunu 1979

² Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Joɛl 2:2 ပူးပေါင်းရင်းမြစ်များ

Lɛrɛvɔ Sɛbɛ 10:6

É lé é bli gi léé, ’é sɔnéwɔlɛ ’ka saan lo. É a é yɔɔle yifaama we tɔntɔn lee.

Lɛrɛvɔ Sɛbɛ 97:2

Latinu valé gunutinu a é dirile a zi, Alé plale mi nwiin pun lé ke wetegele valé wedrɔle nya.

Fwile 10:14

Gangannu da Éjipiti tɛrɛ la, yé wo zana Éjipiti tɛrɛ faa la; ’bɛ zo gangan kiɛre ’ka tan da lɛ tɛrɛ la lo, yé ’bɛ zo gangan kiɛre ’ka dan da lɛ é ziin monomono lo.

Fwile 10:6

ilé kɔnnu koo, i wuozannu faa lé kɔnnu koo, Éjipiti munu faa lé kɔnnu koo, wo dan wo fan lɛ. É sia bléyian va lé ka tinu valé ka tranu nyanale pélisia Éjipiti tɛrɛ la, a ma, fɔɔ kyɔ, wo ’ka tan ’bɛ zoɛ we ye lɛ lo. Moizi si Faraɔn va yé é bɔra.

Fwile 20:21

Munu vo baa; naa, Moizi bié lati lé Kazambale ke a gi, a va.

Ézai 5:30

’Bɛ yi la é dan nyana vɔ lɛ élé wi ta bélé wɛyi vun wele zo. Dé mi tɛrɛ nagini, gunuti saa lé éé a yé, ’té munu éé nyané blé; dé é a la nya, gunu a é dɔrale ’bɛ gi.

Ézai 8:22

’Bɛ zuo wo dan ’wo yuɛ vɔ lɛ tɛrɛ va, yé bé ye, nyanéblele koo, gunuti koo, kleblele blɛn koo, wo saa ɛ ke ana; yé wo dan go lɛ gunuti tiritirinu va.

Jérémi 13:16

’Ka fua nɔ Gakelebale kalé Bale lɛ A dale gunutinu nya ’lɛ, Ka gane sɔnéwɔlɛ sanle gɔnu ma gunutinu va ’lɛ. Ka dan san dale lɛbɛn lɛ, Yé é dan san ’ko nɔla lɛ gafurɔ nya. É dan a nɔla lɛ gunuti tiritiri nya.

Jérémi 13:6

Yi kenu giéle zuo, Gakelebale lé an lɛ léé: ’I nwa, ’i go Yufrat yuu ba gi yé kyɛsidi lé bé yɔɔ yi la ’bɛna an dére ta bɛ, yé bé si.

Jérémi Lé Wuvɔ Sɛbɛ 1:12

Maa a wefena ka lɛ, ka faa lé ka ke giéna ’ko, ka lɛ. ’Ka nagini, ’ka ye, nyané lé maa a blena ’ko, ’Bɛ zoɛ nyanéblele bɛ aa? Gakelebale bli fli baba yi nya é kle pa an ta.

Ézékiɛl 32:7

Dé maa a i dirina bléyian va, maa dan fɛ bua lɛ lanu yara, yé maa dan gunu dɔra lɛ lagi monénénu yara. Maa dan lati zén lɛ yiri yara yé moné ’ka dan bi lɛ é dɛrɛ lo.

Ézékiɛl 34:12

’Blapazan a élé ’bla fwilalenu méléna fɛan zo, ’té éé wo ginian bɛ, a zo lé maa dan anlé ’blanu gini lɛ, yé fɛana lé wo kini ékema yé wo go, yian nya lé fɛna gunu dɔra yé té yiri ’ka bié lo bɛ, maa dan wo si lɛ ’bɛna yé maa da wo nya an va.

Ézékiɛl 38:9

I dan nwa lɛ wo ma, i dan bié lɛ wo ma bélé fu plɛplɛ zo, i dan kɛlɛ lɛ bélé lati lé é bié tɛrɛ sɔnɔ, a zo, bii valé ilé mi palunu faa koo, é valé mi ’léé kiɛre lé wo ke i va koo, wo nya.

Daniɛl 12:1

’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

Daniɛl 9:12

Dérenu lé é a fe ko valé ko nwiinzannu lé woo zi gɔɔn‐an ko lɛ, kolé we nya, é wo lɛ sɔɔ. É we tɔntɔn blɛn bɔ ko ma. We lé é bɔ Jérusalɛm ma, ’bɛ zo we ’ka bɔ lɛ tɛrɛ la fɛ bɛ do kpen na lo.

Joɛl 1:6

Migɔnɔ lé wo nɔnɔ ’léé ’ka lo, ’té wo ke plɛplɛ, Wo da ’wii lɛ anlé tɛrɛ la, Wo suiɛnu a bélé golizra suiɛnu zo, Wo puo a bélé golizra tina puo zo.

Joɛl 2:25

Zalogan koo, nanikpénnɛ koo, yuuwɔlɛnu koo, flɛflɛ koo, Wa anlé sunya gu blɛn lé maa a pa ka ma zia, a nya, Yé féifɛnu lé wa ble lɛɛ kiɛre gi, Maa dan wo lɛgi nɔ lɛ ka lɛ.

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Joɛl 2:5

Wo vun éé wé bélé gulidangoronu lé woo vlanburuwo Gɔnu nwiin, wo vunwele zo, Bélé kyɛnɛnɛ lé é ke ’sapɛɛ kyɛblena, A vunwele zo. Wa bélé gulidan sunyanu lé wo ke ’wo ma’lɛrɛna Gulidanle we gi, wo zo.

Joɛl 3:4

Tii valé Sidɔn munu, ’kaa valé Filisitinu faa, Ka a a va léé, ka mɛ kɛlɛ an lɛɛ? Ka a a va léé, ka we lɛgi pa an maa? Dé é sɔ ka lɛ léé, ka we lɛgi pa an ma, Maa dan kalé we lɛgi pale nɔla lɛ ka ma é kele.

Amɔs 4:13

Naa, mi lé é gɔ blɛnnu kɛlɛ yé é fu kɛlɛ, Yé éé bɔn‐in bɔrɔmawe gɔɔn‐an blami lɛ, Yee lé éé tu kinile nɔlaan gunu nya, ’Té éé tawoo tɛrɛ la fɛna nwalenu na, yee lé ke bɛ; A tɔ lé Gakelebale, lai sunyanu lé Bale.

Sofoni 1:7

’Ka tadɔ Mizan Gakelebale ’lɛ; naa, Gakelebale lé yi bɔ é pu, naa, Gakelebale élé saraka ma’lɛrɛ, élé sarakabofɛ blezannu si a va é kyɛn.

Zakari 14:6

’Bɛ yi la, fɛna fu ’ka dan kɛlɛ lɛ é dɛrɛ lo; dunu valé glasé é dan vɔ lɛ.

Matio 24:21

Naa, nyanéblele é dan kɛlɛ lɛ tɔntɔn fɔɔ é sia tɛrɛ pélisia bléyi va fɔɔ yé é bɔ bléyi ’ko va, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

Maak 13:19

Yi ’konu lé nyanéblele é dan kɛlɛ lɛ blɛn fɔɔ é sia Kazambale lé tɛrɛkɛlɛ?-?bléyi va fɔɔ é bɔ kyɔ ma, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

Bélidɔwesɛbɛ Fiézan 32:7

Bléyi kyɛn sele ’é dɔ ka gi ma, ’Ka lɛɛ kyɛnnu giwenu zuo fe é ke zuo é ke zuo, ’I we laa i ti lee yé é dan we paa lɛ i gi, ’I we laa mi kwanu lee yé wo dan a fe lɛ i lɛ.

Ébrunu 12:18

Ka ’ka é bielé tɛrɛla gɔ lé mi a yé, ’té kyɛ éé blé a nwiin bɛ, a sɔnɔ lo; lati koo, gunutinu koo,

SEBE LÉ JUD A GYE (Épitre de Jude) 1:13

Wa bélé wɛyi nwale plɛplɛnu lé, woo ’wo buiɛ tiridɔlenu nwɛɛn‐an, wo zo; wa bélé monéné saanlenu lé, gunutinu ke é tadɔle wozé nya lɛɛfaama, ’té a glɛ ’ka lo bɛ, wo zo.

Wegɔɔnle 9:2

yé é a lɛ so. Kyɛgoi nwa guru ’ko gi, bélé ’furu blɛn lé kyɛgoi zo; yiri valé lagi gunu dɔra guru gi kyɛgoi nya.