Joɛl 2:17 - Kazambale lé Sebe Sauunu 1979

¹⁷ Balebanmunu lé Wo ke Gakelebale wuozannu nya, ’Wo wuvɔ ’kɔn lɛɛ valé balebanna worona, Yé ’wa fe léé: Gakelebale, ’i nyanai zén ilé munu ta. Té i yaragyɛwe bɔ ilé munu ma lo, Té bɛnnu é we nana wo ma lo. Mɛmalé wa fé bɛngɔnɔnu méléna léé: Wolé Bale a kyɛɛn?

Joɛl 2:17 ပူးပေါင်းရင်းမြစ်များ

1 Minwiinzannu 6:3

Kɔn lɛɛ lé ke kɔn ’léé, a sangi a mɛtrɛ vu, bélé kɔn ’wuola zo yé a gi a mɛtrɛ soru kɔn ’léé.

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

2 Minwiinmunu lé Wezuofe Sɛbɛ 7:20

maa dan ka si lɛ anlé tɛrɛ lé maa a nɔ ka lɛ, a ta, yé kɔn ’ko lé maa a pa é yɛrama an tɔ gi, maa dan a si lɛ an yuɛ gi, yé maa dan a kɛlɛ lɛ yérisiémafɛ valé gɔnévɔmafɛ nya bɛnnu faa va.

2 Minwiinmunu lé Wezuofe Sɛbɛ 8:12

Balebanwinu lé wa kyɛ blé, Salomɔn a nɔ Gakelebale lɛ, Gakelebale banna lé é a kɛlɛ kɔn lɛɛ ’lɛ, ana.

Néémi 9:36

Yé kyɔ, ko a luu nya ’ko. Tɛrɛ lé bé nɔ ko tranu lɛ léé, wo gi ’é nana a tafɛnu valé alé zinnu ma, ko a kyɔ ana luu nya ’ko.

Lɛrɛvɔ Sɛbɛ 115:2

Mɛmalé bɛnnu a fé léé: Kalé Bale a kyɛɛn?

Lɛrɛvɔ Sɛbɛ 42:10

Bale, anlé gɔlɛgɔ, maa lé i lɛ léé: Mɛmalé i gi saan an maa? Mɛmalé é a lé maa tawoo bli kyɛdɔle nya, ’Té an nyanézan éé yaan an taa?

Lɛrɛvɔ Sɛbɛ 42:11

Dé nyanépa‐antazannu a an sɔnɔna, ’té wa fé an lɛ yifaama léé: Izé Bale a kyɛɛn? É so an wɔlɛ zi.

Lɛrɛvɔ Sɛbɛ 42:3

Bale, Bale yuɛmale, i lɔrɔ an boen gya. Mɛ yi la léé, maa dan go lɛ yé maa Bale yara yee?

Lɛrɛvɔ Sɛbɛ 42:4

An yuɛyi kɛlɛ anlé fɛblele nya é yiéyi valé é béli, ’Té wa fé an lɛ bléyi faa ma léé: Izé Bale a kyɛɛn?

Lɛrɛvɔ Sɛbɛ 74:10

Baleoo, Bale, yaamitazan é dan ko sɔnɔ lɛ fɔɔ bléyi kyɛn vaa? Ko nyanézan é dan serele bo lɛ i tɔ ma yifaamaa?

Lɛrɛvɔ Sɛbɛ 79:10

Mɛmalé bɛnnu é dan a fe lɛ léé, wozé Bale a kyɛɛn? É a lé wa gi dɔɔ ko yuɛ va, bɛnnu méléna Léé, ko, i wuozannu nyɛ lé wa zana bɛ, bé lɛi paan.

Lɛrɛvɔ Sɛbɛ 79:4

Ko kɛlɛ serelebomazannu nya ko punmazannu yuɛ gi, Yé munu lé wo ko zi lɛ sɔɔ, woo ko ma we nanaan, ’té woo yéri sié ko ma.

Lɛrɛvɔ Sɛbɛ 89:41

I alé brikigɔrɔnu faa sɛrɛ, I alé kɔn plɛplɛnu guru zana a gi.

Lɛrɛvɔ Sɛbɛ 89:51

Mizan, serele lé wa bo i wuozannu ma, a sele ’é dɔ i gi ma; Sɔnɔ faa lé munu kiɛre a woo, wa an gi;

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Ézai 37:20

Sin, Gakelebale kolé Bale, ’i ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya.

Ézékiɛl 20:9

Naa, duowo, maa we kɛlɛ an tɔ lé we ma, léé, bɛnnu lé Izraɛlnu ke é nyanale wo méléna bɛ, ’té maa wo si Éjipiti tɛrɛ la ’bɛnu yuɛ va anbo nagɔɔnle nya wo lɛ bɛ, té an tɔ é sɛrɛ ’bɛnu va lo.

Ézékiɛl 8:16

Yé é go an nya Gakelebale lé kɔn gɔrɔ gi. Yé ka ye, Gakelebale lé kɔn ’léé valé balebanna méléna, dé mi yɔ do wɔlɛ soru léé? wana. ’Té wo nwunzi a é dɔle Gakelebale bangikɔn la, ’té wo yara a é dɔle yirinwanazia, ’té woo diaan ’wo bli la yirinwanazia yiri ’lɛ.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Joɛl 1:9

Blɛ valé baleban’yi ’ka é dɛrɛ Gakelebale lé kɔn gi lo; Balebanzannu, Gakelebale wuozannu a gyɛbona.

Amɔs 7:2

Yé gangannu ’ko a tɛrɛ la lu faa blena aan wo, maa léma: Mizan Gakelebale, ilé zanté, Jakɔb é dan vo lɛ ana kaa? Naa, é a tɔɔtɔɔ.

Amɔs 7:5

Yé maa léé: Mizan Gakelebale, é sɔ. Jakɔb é dan vo lɛ ana kaa? Naa, é a tɔɔtɔɔ.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Malasi 1:9

Sin, ’ka bazoro Gakelebale lɛ léé, a nyanai ’é zén ko ta. É dan ka si lɛ é zimaa? É si ka ɛ va. A zo lé lai sunyanu lé Gakelebale a fe.

Mi Nɔnɔle 25:6

Yé bé ye, Izraɛlnu va mi do da Madian le do nya é bwenu va, Moizi valé Izraɛlnu yuɛ va, ’té wa wuvɔna zén‐ékevasɔkɔn ’léé.

Matio 23:35

weanwiinlomunu nyɛ faa lé munu a zana tɛrɛ la, a we dɔle ka nwiin we gi; é sia mi tegele Abɛl ma fɔɔ yé é bɔ Barasi be Zakari lé ka a gyɛ Balebangikɔn valé balebanna worona bɛ, a ma, wo nyɛ lé é zana, a we a ka nwiin.

Matio 27:43

Ébo bɛ pa Kazambale lee, naa, dé é sɔ Kazambale lɛ, ’bɛ a si we gi sin ma. Jézu a fe é kyɛn léé, ’é a Kazambale Be nya, amalé wa fe.

Bélidɔwesɛbɛ Fiézan 28:37

Munu faa lé Gakelebale é dan go lɛ ka nya wo va, ka dan kɛlɛ lɛ wo givuruzannu koo, ka bomayérisi?-?zannu koo, plalazannu koo, wo nya.

Bélidɔwesɛbɛ Fiézan 32:27

Naa, an kanaan nyanézan lé sɔnɔ lee, An kanaan léé, dé wo nyanézannu é da ’wo lɔlu plɛn an ma, Yé wa fe léé, ko bɛ a plɛplɛ, Yé ’té Gakelebale an, ’bɛ we ’konu faa kɛlɛ lo.

Jozué 7:9

Kanaannu koo, munu faa lé ke é nyanale wolé tɛrɛ la koo, dé wa ’ma, wo dan ko zi lɛ sɔɔ lɛ, yé wo dan ko tɔ si lɛ tɛrɛ la, yé i dan a kɛlɛ lɛ kaa i tɔ blɛn lé we maa?