Joɛl 2:16 - Kazambale lé Sebe Sauunu 1979

¹⁶ ’Ka bɛngɔnɔnu zén ékeva, ’ka zén‐ékeva sauun kɛlɛ, ’Ka mi segelenu zén ékeva, ’Ka nénu zén ékeva, Dé é a nyɔ ma nénu nyaoo, woo lé é ziin. Lesizan ’é bɔra élé kɔn gi ma, Yé bosizan ’é bɔra é yiina ma.

Joɛl 2:16 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 20:13

Judanu dɔ loru Gakelebale ’lɛ, wo valé wolé né kiénénu koo, wo nanu koo, wo benu koo, wo nya.

2 Minwiinmunu lé Wezuofe Sɛbɛ 29:5

yé é lé wo lɛ léma: ’Kaa Lévinu, ’ka tɔné dɔ an lɛ. Sin, kabo kɛlɛ tegele, ’ka Gakelebale, ka tranu lé Bale lé kɔn ’lɛ dɔ é pa gi, yé fɛnu lé wo ’ka tegele lo, ’ka a si fɛna sauunna yé ’ka a bɔra béera.

2 Minwiinmunu lé Wezuofe Sɛbɛ 30:17

Munu lé wo zén ékeva bɛ, wo va mi kiɛre ’ka tegele lo, amalé é a lé Lévinu é Taboyi lé winu gyɛ, munu faa lé wo ’ka tegele lo, wolé we ma, yé ’wo wo kɛlɛ tegele Gakelebale zé nya.

2 Minwiinmunu lé Wezuofe Sɛbɛ 30:19

munu faa lé wo bli ta dɔ plɛplɛ léé, ’wo Bale, wo tranu lé Bale naginian, dɔlé ’té wo ’ka ’wobo kɛlɛ lɛ tegele lo, ’i wo ma we vo.

2 Minwiinmunu lé Wezuofe Sɛbɛ 35:6

’Ka Taboyi lé wi gyɛ, ’ka kabo kɛlɛ tegele, yé ’ka Taboyi ma’lɛrɛ ka bwenu zé nya, Gakelebale dére lé Moizi a fe, ’ka a kɛlɛ ’bɛ yɛrama.

JOB (Job) 1:5

Dé fɛtikɛlɛyinu gié Job éé benu laan léé, ’é wo kɛlɛ tegele. Éé nwaan bladi tutu, yé balebanwi lé wa kyɛ blé, éé Bale baan é benu tɔ ma do do a nya, naa, Job léé: Dé an benu wenyané kɛlɛ yé wo Kazambale ’namawe kɛlɛ wo bli gii? Job kɛlɛwe lé ke bɛ.

Lɛrɛvɔ Sɛbɛ 19:5

Naa, duowo, wo vunwelenu éé bɔa tɛrɛ faa la, Wo fewenu éé bɔa tɛrɛ glɛ sina. ’Bɛna lé é yiri lé sɔkɔn dɔ

Fwile 19:10

Gakelebale lé Moizi lɛ léé: ’I go munu va; ’i wo kɛlɛ é zima kyɔ valé tɛlɛ; ’wo ’wolé sɔnu zuru ma.

Fwile 19:15

É lé munu lɛ léé: ’Kabo ma’lɛrɛ yi yaazan lé we ma; té ka yia le do kpen va lo.

Fwile 19:22

Balebanzannu lé woo biéan Gakelebale va, ’wobo kɛlɛ é zima é ziin, dé Gakelebale é da wo gyɛ.

Joɛl 1:14

’Ka lɔrɔsɔnle valé zén‐ékeva plɛplɛ zana dɔɔ. ’Ka mi segelenu valé tɛrɛ ’ko la munu faa zén ékeva Gakelebale, kalé Bale lé kɔn gi, Yé ’ka siaa Gakelebale lɛ.

Matio 21:16

Wo lé a lɛ léé: We lé wa fena, bé ’maa? É lé wo lɛ léé: Iin. É a é gyɛle Kazambale lé sɛbɛ gi léé, bii a fe léé, nunukénénénu valé nyɔmanénu ’é tɔ zin fe. Ka ’ka dére ’konu ta fe lɛ Kazambale lé sɛbɛ gi loo?

Matio 9:15

Jézu lé wo lɛ léé: Dé ledɛrɛsizan a é béénu va, wo bli kyɛ éé dɔa kaa? Bléyi do é dan bɔ lɛ yé wo dan ledɛrɛsizan si lɛ wo va; ’bɛ bléyi nya lé wo dan lɔrɔ sɔn lɛ.

1 Korent munu 7:5

Dé ka dére kɛlɛ do yé ka kini ékema bléyi ke nya bazorole nya, ’bɛ do; dé ’bɛ kaan lo, té gɔné valé é na é kini ékema lo ma. ’Bɛ zuo, ’ka zén ékeva, dé ’bɛ kaan lo, dé ka ’ka bɔa kabo kunle lɛ lo, dé Satan é da ka sɛrɛ ka ke gi.

Jozué 7:13

’I nwa, ’i munu kɛlɛ é zima. Bé fe léé: ’Ka kɛlɛ é zima tɛlɛ lé we ma; naa, Gakelebale, Izraɛl lé Bale léma: Oo Izraɛl, fɛ lé wo bale pa a ma, é a ka lee. I ’ka bɔalɛ léé, i dɔ i nyanézannu ’lɛ lo, fɔɔ ’té ka balepamafɛ si é wo ka méléna.

Jozué 8:35

Dére faa lé Moizi a gyɛ bélidɔwe nya, Jozué a faa ta fe Izraɛlnu faa zénle ékeva lɛ, lomu valé nénu koo, bɛnnu lé wo ke tawona wo va koo, wo lɛ; é ’ka dére do kpen vo lɛ lo.

1 Samuɛl 16:5

É a zi pa léé: Iin, an da saraka bo lɛ Gakelebale lɛ. ’Kabo kɛlɛ tegele yé ’ka da an va saraka bona. É lé Izai valé é benu lɛ léé, ’wo kɛlɛ tegele é ziin, yé é wo laa saraka bona.