Joɛl 2:14 - Kazambale lé Sebe Sauunu 1979

¹⁴ Dé é dan da lɛ ka va é ziin, yé é bli nɔlaa? Dé alé drɔɔvole é dan vo lɛ a pa gii? Dé é dan Gakelebale, kalé Bale lé blɛnu valé baleban’yinu vo lɛ é pa gii? De ɛ ’bɛ gi dɔɔ?

Joɛl 2:14 ပူးပေါင်းရင်းမြစ်များ

2 Samuɛl 12:22

É a zi pa léé: Bléyian va lé né a tan é yuɛma maa lɔrɔ sɔn‐o, ’té maa wuvɔa, naa, dé Gakelebale nɔdan é nyanai zén lɛ an ta yé né é vo é yuɛmaa? dé ɛ gi dɔɔ?

2 Samuɛl 16:12

Dé Gakelebale é dan anlé nyané blele ye lɛ, yé é wezin kɛlɛ an lɛ kyɔ zé bale pale an ma pa gii?

2 Minwiinzannu 19:4

Dérenu lé Rabasaké a fe, ’té azan, Asirimunu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Fwile 32:30

’Bɛ é tu kini, Moizi lé munu lɛ léé: Ka wenyané blɛn kɛlɛ. Sin, maa dan go lɛ Gakelebale va loru; dé an zanté vɔ, dé é dan a nyi si lɛɛ?

Ézai 65:8

Gakelebale léma: Dé wo dɔrɔporo do ye, ’té a ’yi a a gi, wo léé: Té bé sɛrɛ lo, naa, mi drɔɔvofɛ lé. Yee duo yɛrama lé maa dan a kɛlɛ lɛ, an wuozannu sɔle an lɛ we ma, léé, maa ’ka dan wo faa kulu ga lɛ lo.

Jérémi 18:8

Naa, bɛn lé maa a mawe fe, dé é daan élé we lɛrɛlɛrɛ kɛlɛle ma, wenaané lé ke an bli gi léé, maa kɛla a lɛ, maa dan an bli si lɛ ’bɛ lɛ.

Jérémi 26:13

Sin, ’ka ka kɛlɛwenu valé ka panyanama nɔla. ’Ka tɔné dɔ Gakelebale, kalé Bale dére lɛ. Yé wenaané lé Gakelebale a fe léé, é dan bɔ lɛ ka ma, é dan é bli nɔla lɛ a kɛlɛle ma.

Jérémi 26:3

Dé wo dan wo tɔné dɔ lɛɛ? Dé wo faa do do é dan si lɛ ’wo kɛlɛwe naanénu zuoo? Dé wa kɛlɛ, wenaané lé é a an gi léé, maa dan a bɔ lɛ wo ma wo kɛlɛwe naanénu lé we ma bɛ, maa dan an bli nɔla lɛ ’bɛ kɛlɛle ma.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Joɛl 1:16

Wo ’ka fɛblele sia lɛ ko wuo loo? Ginanale valé ginanale blɛn ’ka san lɛ kolé Bale lé kɔn gi loo?

Joɛl 1:9

Blɛ valé baleban’yi ’ka é dɛrɛ Gakelebale lé kɔn gi lo; Balebanzannu, Gakelebale wuozannu a gyɛbona.

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Jonas 1:6

’Yitagoro vɔzan go a vuo lɛ, yé ’bɛ lé a lɛ léé: Mɛmalé i a yigyɛnaa? ’I nwa, ’ilé Bale tɔ laa, dé é dan é gi bɔrɔ lɛ ko ma yé ko ’ka zamaga wo loo?

Jonas 3:9

Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Agajé 2:19

’Sa a tan boo laa? Dɔrɔféi koo, bɔrɔyili koo, grénadéyili koo, ɔliviyili koo, wo poro do kpen ’ka baan turu lo. Naa, é sia kɔngane vɔyi ma, maa dan wo faa drɔɔ vo lɛ.

2 Timoté 2:25

Munu lé woo za vɔa a lɔ ma, é a lé é we pla wo lɛ bli drɔɔ nya, ’té a bli a a lɛ léé, Kazambale é dan wo bli nɔla lɛ yé wo webozen dɔɔ,

Jozué 14:12

Amalé gɔ ’ko lé Gakelebale alé we fe ’bɛ yi la, bé nɔ an lɛ; naa, bé ’ma lé Anak munu ana, yé ana flanu a blɛn yé wa plɛplɛ. Dé Gakelebale é dan kɛlɛ lɛ an vaa? yé an dan wo bin lɛ, Gakelebale a fe fɛan zo, a zo.

1 Samuɛl 6:5

’Ka kyan gyɛ flanbɔragyɛ foto valé ’monénu lé ke tɛrɛ sɛrɛna, wo foto nya, yé ’ka Izraɛl lé Bale tɔ bɔ, ɛɛ, dé é dan é bɛ nyané si lɛ ka koo, kalé balenu koo, kalé tɛrɛ koo, wo taa?