Joɛl 2:13 - Kazambale lé Sebe Sauunu 1979

¹³ Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Joɛl 2:13 ပူးပေါင်းရင်းမြစ်များ

Wepélisiananu 37:29

Rubɛn da é ziin ’yiguru ta, ’té Jozɛfu ’ka guru gi é dɛrɛ lo. Yé é ’élé sɔnu fia,

Wepélisiananu 37:34

Yé Jakɔb élé sɔnu fia yé é bɔlɔ dɔ é gyɛn, yé é mɔn ’é be gyɛ bona.

2 Samuɛl 1:11

David kun élé sɔ ma yé é a fia yé munu lé wo ke a sɔnɔ wo faa yee duo kɛlɛ.

1 Minwiinzannu 21:27

Akab dére ’konu ’ma Éli ta aan wo, élé sɔnu fia, yé é bɔlɔ zén é ta sɔ nya yé é lɔrɔ sɔn; é yii bɔlɔ ’ko nya é ta yé é tawo wɔɔɔ.

2 Minwiinzannu 22:11

Minwiinzan bélidɔwe sɛbɛ gi dérenu ’ma aan wo, élé sɔnu fia.

2 Minwiinzannu 22:19

Guru zana a gi dére valé bale pa mi ma dére lé maa fe tɛrɛ ’ko valé a tamunu ma, bé ’ma aan wo, i bli kyɛ dɔ yé ibo kɛlɛ kiéné Gakelebale ’lɛ, ilé sɔnu fia yé i wuvɔ an ’lɛ, bɛwemalé maa é ziin, maa ’ma; yee lé Gakelebale a fe.

2 Minwiinzannu 5:7

Dé Izraɛl minwiinzan nyaa sɛbɛ tafele nya tɔɔn, ’élé sɔnu fia yé é léé: Maa a bale do nya, mi gyɛle valé mi vole é yuɛma we gi, yé éé a fé an lɛ léé, maa pantɛn si mi maa? ’Ka gini do, yé ’é dɔ ka gi léé, é a an ’léé wɛɛna.

2 Minwiinzannu 6:30

Minwiinzan lezan ’ko dére ’ma aan wo, élé sɔnu fia, ’té éé giéan flagɔrɔ ta; yé munu a ye léé, bɔlɔ a a ma, alé sɔ wuo.

2 Minwiinmunu lé Wezuofe Sɛbɛ 6:27

’bé ’ma lanu gi ma, ’i wuozannu valé ilé munu Izraɛl ma we vo ma. Zi zima lé é a lé wo a ta tawo, bé gɔɔn wo lɛ ma; yé ’i lɛɛ da, tɛrɛ lé bé nɔ ilé munu lɛ wolé tɔnɔ nya, a ta ma.

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

JOB (Job) 1:20

Yé Job nwa, élé sɔ fia, yé é nwin puiɛ; ’bɛ zuo yé ébo vuli tɛrɛ va yé é dia é bli la

Lɛrɛvɔ Sɛbɛ 103:8

Gakelebale nyanai éé zén‐é, yé é mi mawe dɔɔ, A bli ’ka flian é kele lo, yé alé zin a blɛn;

Lɛrɛvɔ Sɛbɛ 106:45

Wolé we ma lé alé gipawe sele dɔ a gi; Alé zin blɛn yɛrama lé é nyanai zén wo ta.

Lɛrɛvɔ Sɛbɛ 34:18

Dé mi tegelenu siaa, Gakelebale a maan, Yé éé wo sié wolé kleblelenu faa gi.

Lɛrɛvɔ Sɛbɛ 51:17

Mizan, ’i an ’léé fuo, Yé an dan i tɔ zin fele zana dɔɔ lɛ.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 58:5

’Bɛ zo lɔrɔsɔnle ’ko, ’bɛ an gi nanaan? Yé ’bɛ zo lé mi ébo kɛla kiénéé? Ka ’wuo tua bélé blawɔlɛ zo yé ka yia bɔlɔ valé kyɛyee zénle nya ka ta. ’Bɛ a Gakelebale sɔlɛyi nya é wo laa, yé ka a laa lɔrɔsɔnlee?

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 41:5

mi yɔ ziɛn lé wo si Sisɛm koo, Silo koo, Samari koo, wona, wo da ana, ’té wo puomagun a é bole yé wolé sɔnu a é fiale, ’té wo kɔlɛ ma a é mianle. Wo da blannu valé lasikɔrɔpo nya a plale Gakelebale lé kɔn gi we ma.

Jérémi 42:10

Dé ka vo tɛrɛ ’ko la, maa dan ka nyana lɛ ana kli, maa ’ka dan ka kulu ga lɛ lo; maa dan ka suni wɔra lɛ, maa ’ka dan ka dia lɛ lo, naa, wenaané lé maa a kɛlɛ ka lɛ, an bli si ’bɛ lɛ.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

Jonas 3:9

Dé Bale é dan é bli nɔla lɛ yé é bli flile plɛplɛ vo, yé ko ’ka zamaga wo loo?

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Naum 1:3

Gakelebale bli ’ka flian é kele lo, yé alé plɛplɛ a blɛn; Éé we lɛdɔa mi gi kpɔ. Gakelebale éé tawoo fu plɛplɛ gi, éé tawoo barikoko gi, Latinu ɛ ke a gane ma vungoi nya.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

Éfez munu 2:4

Naa, Kazambale nyanai éé zén‐é é baba yé ko va sɔlɛle a a gi blɛɛn, amalé ko lé ko ke é gale kolé we sɛrɛlenu ma, é ko béli ékeva Krist nya. Kazambale lé zin ma lé é ka si we gi.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.