Joɛl 2:12 - Kazambale lé Sebe Sauunu 1979

¹² Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Joɛl 2:12 ပူးပေါင်းရင်းမြစ်များ

2 Samuɛl 24:10

David bli kyɛ dɔ munu nɔnɔle zuo. Yé é lé Gakelebale lɛ léé: ’Bɛ kɛlɛle nya lé an wenyané blɛn kɛlɛ. Sin, Gakelebale, ’i yara nɔla an ta yé ’i i wuozan lé weple ma zanté nyi si, naa, an ’tugyɛwe kɛlɛ tegele!

2 Minwiinmunu lé Wezuofe Sɛbɛ 30:6

Nwunvɔzannu go minwiinzan blɛn valé alé mi segelenu lé sɛbɛ nya wo lee Izraɛl valé Juda tɛrɛnu faa la. Yé minwiinzan blɛn dére lé é a fe, wa fe munu lɛ, léé: Izraɛl munu, Gakelebale lé ke Abraam koo, Izak koo, Izraɛl koo, wolé Bale nya, ’ka da a va ka pa gi, léé, ka lé ka so Asirinu nwiinzan blɛn lee, yé yee Bale ’é da ka va é ziin.

2 Minwiinmunu lé Wezuofe Sɛbɛ 6:27

’bé ’ma lanu gi ma, ’i wuozannu valé ilé munu Izraɛl ma we vo ma. Zi zima lé é a lé wo a ta tawo, bé gɔɔn wo lɛ ma; yé ’i lɛɛ da, tɛrɛ lé bé nɔ ilé munu lɛ wolé tɔnɔ nya, a ta ma.

Esitɛɛ 4:16

’I go, Juifinu faa lé wo ke Suz, ’i wo zén ékema, yé ’ka lɔrɔ sɔn wo nya anlé we ma. Té ka fɛ ble lo, té ka fɛ mini lo, é béli valé é yiéyi fɔɔ yi yaa. Maa é ziin, maa valé an wuolomu é dan lɔrɔ sɔn lɛ a zo. ’Bɛ zuo, dé bélidɔwe aoo, dé é ’ka looo, an dan wɔra lɛ minwiinzan blɛn va. Dé an gaan‐oo, ’té an gaan é wo.

Fwile 33:5

Yé Gakelebale lé Moizi lɛ léé: Bé fe Izraɛl lé nénu lɛ léma: Ka a wemaplɛplɛzannu nya, dé maa go ka va bléyi do kpen nya, maa dan ka guru zana lɛ a gi. Sin, ’ka ka ’lɛrɛfɛnu si ka ta, yé we lé maa dan a kɛlɛ lɛ ka lɛ yé maa dan a ye lɛ.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Ézai 58:4

Ka ye, ka lɔrɔ sɔn‐o zavɔle valé we siale we gi, yé ka fɔlɛ duun‐an bli nyané nya. Ka ’ka lɔrɔ sɔn‐o lɔrɔsɔnbɛ yɛrama lo; ka kɛla léé, wo ka dére ’ma loru baa.

Jérémi 3:22

’Kaa nwamimazannu, ’ka da ka pa gi. Maa dan ka ma we vo lɛ ka yuɛgiblanle ma. Yé wa zi pa léé: Ko lo, ko da i va. Naa, i a Gakelebale kolé Bale nya.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 4:1

Gakelebale léma: Izraɛlmunu, dé ka da an va, dé ka da an va ka pa gi, dé kalé bozowenu si an yuɛ gi, ka ’ka dan vo lɛ nɔɔna lo.

Jérémi 4:2

Dé ka bale ’nyɔɔn léé, Gakelebale a é yuɛma, dé ka a ’nyɔɔn webozen koo, wedrɔle koo, we tegele koo, wo nya, ’té bɛnnu drɔɔ é dan vo lɛ Bale gi, ’té wo dan ’wo tɔ bɔ lɛ a gi.

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Daniɛl 9:3

An yara nɔla Mizambale va bazorole valé we laale a lee we gi, ’té maa lɔrɔ sɔn‐o, ’té bɔlɔ valé kyɛyee a é zénle an ta.

OZÉ (Osée) 12:6

Gakelebale a lai sunyanu lé Bale nya. A tɔ lé Gakelebale.

OZÉ (Osée) 12:7

Bii, ’i da ilé Bale va; ’i a lɔrɔ pa, yé ’i we tegele kɛlɛ. I bli ’é vo ilé Bale lɛ yifaama.

OZÉ (Osée) 14:1

Izraɛl, ’i da Gakelebale, ilé Bale va, naa, i dia ilé weplenu gi.

OZÉ (Osée) 6:1

Munu léé: ’Ka da, kaa go Gakelebale va é ziin. É ko wi kini ékema, naa, é dan ko béli lɛ; é ko bla, naa, é dan fɛ vuru lɛ ko tuonanu ta.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Zakari 7:3

yé wa laa lai sunyanu lé Gakelebale lé kɔn gi Balebanmunu valé balelayemunu lee léé: É a lé ko wuvɔ moné soruzan nya yé ko lɔrɔ sɔn fɛan zo lé ko kɛlɛ lɛɛ kiɛre nya, a zoo?

Zakari 7:5

Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

Malasi 1:9

Sin, ’ka bazoro Gakelebale lɛ léé, a nyanai ’é zén ko ta. É dan ka si lɛ é zimaa? É si ka ɛ va. A zo lé lai sunyanu lé Gakelebale a fe.

Kelewenu 26:20

Maa we fe munu lɛ léé, ’wo bli nɔla yé ’wo zi nɔla yé ’wo da Kazambale va yé ’wo blinɔlale lé kɛlɛwe kɛlɛ ma. É vinin maa fe Damas munu lɛ, ’bɛ zuo maa fe Jérusalɛm valé Judé munu faa lɛ, bɛn bɛnu koo, maa a fe ’bɛnu é lɛo.

Weblezannu 2:4

Dé Gakelebale lé lanje dére ’konu fe Izraɛl lé munu faa lɛ, munu wo dére nwa yé wo wuvɔ.

Weblezannu 20:26

Izraɛl munu faa nwa yé wo go Bétɛl; wo wuvɔ yé wo vo mi Gakelebale ’lɛ; wo yiri vɔ lɔrɔsɔnle nya, yé wo Gakelebale ban, wi lé wa kyɛ blé, a nya, yé wo bɔvɔ sarakanu bo a lɛ.

1 Samuɛl 7:3

Samuɛl lé Izraɛl munu faa lɛ léé: Dé ka bli faa nya lé ka da Gakelebale va é ziin, ’ka bɛnnu lé balenu valé Asataténu si ka méléna, ’ka bli drɔ Gakelebale vazia tegele yé ’ka yee do kpen ɛ bɔ; yé é dan ka si lɛ Filisitinu lee.

1 Samuɛl 7:6

Wo ’yi tɔ yé wa zana Gakelebale ’lɛ yé wo lɔrɔ sɔn yi ’ko nya a fele nya léé: Ko wenyané kɛlɛ Gakelebale ma. Samuɛl Izraɛl lé nénu lé wenu ble Misipa.