Joɛl 2:11 - Kazambale lé Sebe Sauunu 1979

¹¹ Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Joɛl 2:11 ပူးပေါင်းရင်းမြစ်များ

Lɛrɛvɔ Sɛbɛ 18:14

Gakelebale we lagi bélé zagele banle zo, Lagiloruzan dére zuoi éé goo wele nya, Goowɔlɛlɛɛ valé kyɛnyɛnu nya.

Lɛrɛvɔ Sɛbɛ 46:6

Kazambale a yee fla méléna; a ma ’ka nyɔɔnma lo; Bale é bɔle sian a va bladi tukini gunu nya.

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Ézai 13:4

’Ka tɔné dɔ. Fɛ vun a wena gɔ nwiin bélé mi gu vun wele zo. Bɛntɛrɛnu lamunu valé bɛnnu lé wo zén ékeva, wo vun wele lé. Sunyanu lé wo dan guli dan lɛ, wa ’wolé gulili sina lai sunyanu lé Gakelebale ’lɛ.

Ézai 42:13

Gakelebale éé goo ’é ’lɛ bélé nyanazan zo, Ébo nwa bélé gulidanzan zo; Éé dére nwaan plɛplɛ, éé siaan plɛplɛ, É élé plɛplɛ nagɔɔn‐an é nyanézannu lɛ.

Ézai 7:18

’Bɛ yi la, Gakelebale é dan ’furu fɛn lɛ nyɔnɔtoronu lé wo ke Éjipiti tɛrɛ la yuunu nyaana, wo valé zɔrɔnu lé wo ke Asiri tɛrɛ la, wo lɛ.

Jérémi 25:30

Yé bii Jérémi, i dan we ’konu faa fe lɛ wo lɛ balelawefele nya; bé fe wo lɛ léma: Gakelebale é dan siaa lɛ la gi plɛplɛ, É dan siaa lɛ é nyanana sauun na, yé a dére zuogi é go wele nya; É dan siaa lɛ plɛplɛ é nyanana ma, É dan siaa lɛ tɛrɛlamunu faa ta, Bélé munu lé woo dɔrɔ zɔn‐o wo gane nya, wo zo.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Jérémi 50:34

Naa, wo lɛgipazan a plɛplɛ; yee lé wa tɔ laama lai sunyanu lé Gakelebale. Naa, é dan dɔ lɛ wo zuo, léé, é flinle nɔ wo lɛ wolé tɛrɛ la, yé Babilɔn munu ma ’é nyɔɔn.

Ézékiɛl 22:14

Dé maa a we kɛlɛna i lɛ yian nya, i bli ta é dan dɔ lɛ plɛplɛɛ? I bɛnu é dan dɔ lɛ plɛplɛɛ? Maa Gakelebale, maa ɛ fe; maa dan we kɛlɛ lɛ i lɛ.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Joɛl 1:6

Migɔnɔ lé wo nɔnɔ ’léé ’ka lo, ’té wo ke plɛplɛ, Wo da ’wii lɛ anlé tɛrɛ la, Wo suiɛnu a bélé golizra suiɛnu zo, Wo puo a bélé golizra tina puo zo.

Joɛl 2:1

’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Joɛl 2:25

Zalogan koo, nanikpénnɛ koo, yuuwɔlɛnu koo, flɛflɛ koo, Wa anlé sunya gu blɛn lé maa a pa ka ma zia, a nya, Yé féifɛnu lé wa ble lɛɛ kiɛre gi, Maa dan wo lɛgi nɔ lɛ ka lɛ.

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Joɛl 3:14

Mi gu blɛn lé. Mi wuru é wuru gu blɛn lé. Wa gɔworona lé wa laama weblena, ana; Naa, Gakelebale lé yi bɔ é pu Weblena gɔ worona.

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Amɔs 1:2

É léé: Gakelebale dére a wena Siɔn bélé golizra zo, ’Té éé wé Jérusalɛm. Trubɛ tabinzannu lé trubɛ blena a gyɛ bona, Kaamɛl gɔ bɛlo nwiin a é gale.

Amɔs 5:18

Munu lé é sɔ wo lɛ léé, Gakelebale lé yi ’é bɔ, we tɔntɔn a wozé nya. É dɔ ka gi léé, mɛ we ɛ dan bɔ lɛ ka ma Gakelebale lé yi nyaa? É dan kɛlɛ lɛ gunudɔrayi nya, fɛnafu ’ka dan kɛlɛ lɛ lo.

Amɔs 5:20

Gakelebale lé yi ’ka gunudɔrayi nya lo ’naan, é a fɛnafu yi nyaa? É ’ka yɛrɛyeyi nya lo, é a gunu tiritiri ɛ dɔrayi nya.

Abudias 1:15

Naa, Gakelebale lé yi bɔ é pu, bɛnnu faa zé nya. I we kɛlɛ fɛan zo, a zo duo lé wo dan izé kɛlɛ lɛ. I kɛlɛwenu é dan dia lɛ i ta;

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Malasi 3:2

A dayi nya ’naan, de ɛ dan dɔ lɛ a wuoo? Dé é da, de ɛ dan vo lɛ loru é dɔlee? Naa, é dan kɛlɛ lɛ bélé kyan selekyɛ zo, bélé sɔgibɔzan lé sabli kɛlɛ gwɛn zo.

Mi Nɔnɔle 24:23

Balaam balelawe fe yé é léé: Yiba! dé Bale we ’ko kɛlɛ, de ɛ dan vo lɛ é yuɛmaa?

1 Tɛsalɔnik munu 4:16

Naa, dé tɔmase do bɔ, dé lanjenuzan siaa, dé Kazambale lé béli we, ’bɛ bléyi nya tɔɔn, ’té Mizan bozen é dan si lɛ la gi yé é zun, yé munu lé wo ga Krist gi, wo dan nwa lɛ é vinin.

Wegɔɔnle 18:8

Bɛwemalé, yi do nya bawurumawe ’konu é dan bɔ lɛ a ma: ga koo, gyɛbole koo, lɔrɔ koo, woo lé, yé a kyɛ é dan ble lɛ. Mizambale lé, é alé we ble, é a plɛplɛ.

Wegɔɔnle 6:17

naa, wo blifliyi blɛn bɔ yé mi kyɛn ɛ bɔa dɔle lɛɛ?