Joɛl 2:10 - Kazambale lé Sebe Sauunu 1979

¹⁰ Tɛrɛ ma éé nyɔɔn‐an wo ’lɛ, Lanu ma éé nyɔɔn‐an, Gunu éé dɔraan yiri valé moné yara, Monénénu éé daan bile ma.

Joɛl 2:10 ပူးပေါင်းရင်းမြစ်များ

Lɛrɛvɔ Sɛbɛ 114:7

Tɛrɛoo, tɛrɛ, i ma ’é nyɔɔn Mizan ’lɛ ma. I ma ’é nyɔɔn Jakɔb lé Bale ’lɛ ma;

Lɛrɛvɔ Sɛbɛ 18:7

Anlé kleblele gi an Gakelebale laa, Maa siaa anlé Bale lɛ; É a élé fuakɔn gi, ’té éé an dére maan, Yé an siaale bɔ a tɔné gi.

Ézai 13:10

Naa, lagi monénénu valé pɔrɔ kunnu monénénu wo ’ka dan bi lɛ é dɛrɛ yé wo wo san ye lo. Dé yiri nwa tɔɔn, ’té gunu dɔra a ta yé moné ’ka dan bi lɛ é dɛrɛ lo.

Ézai 34:4

Lai sunyanu faa kini ékema; lanu plin bélé saa zo, yé wolé sunyanu faa dia bélé dɔrɔlaa zo, bélé bɔrɔyili laa zo.

Ézai 5:30

’Bɛ yi la é dan nyana vɔ lɛ élé wi ta bélé wɛyi vun wele zo. Dé mi tɛrɛ nagini, gunuti saa lé éé a yé, ’té munu éé nyané blé; dé é a la nya, gunu a é dɔrale ’bɛ gi.

Jérémi 4:23

Maa tɛrɛ nagini, ’té tɛrɛ a mlauun, ’té fɛ do kpen ’ka ana lo; Maa lanu nagini, ’té wo vakinifɛnu san.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Joɛl 3:4

Tii valé Sidɔn munu, ’kaa valé Filisitinu faa, Ka a a va léé, ka mɛ kɛlɛ an lɛɛ? Ka a a va léé, ka we lɛgi pa an maa? Dé é sɔ ka lɛ léé, ka we lɛgi pa an ma, Maa dan kalé we lɛgi pale nɔla lɛ ka ma é kele.

Amɔs 5:8

É Pléiade valé Orion monénénu kɛlɛ; Éé gunu ti nɔlaan tukinile nya, Éé fɛnafu kɛla gunu nya béli tanle we gi; Éé wɛyi laan, Yé éé wo sɔɔlaan tɛrɛ la; A tɔ lé Gakelebale.

Naum 1:5

Gɔnu ma éé nyɔɔn‐an a ’lɛ, Gɔpanénu ’yi éé boo, Tɛrɛ éé wuo vɔa a yuɛ va, Tɛrɛ valé é ta munu nya.

Matio 24:29

Naa, ’bɛ nyanébleyi ’konu zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo, yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.

Matio 27:51

Yé bé ye, Balebangikɔn gi sɔ lé wa kɛlɛ kɔnmi nya, a fee bo, é sia loru yé é bɔ tɛrɛ, yé tɛrɛ ma nyɔɔn, yé gɔlɛ blɛnnu fee gyɛ,

Kelewenu 2:20

Gunu é dan dɔra lɛ yiri yara Yé moné é dan kɛlɛ lɛ bélé nyɛ zo Mizan dayi blɛn tɔbɔle ’lɛ.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 6:12

É zɔrɔkaanyɔɔ suiɛdozan bɔi aan wo, maa a naginina, yé tɛrɛ manyɔɔn blɛn, yé yiri kɛlɛ é ti bélé wikyɛɛ bɔlɔ zo, yé moné yara faa kɛlɛ bélé nyɛ zo,

Wegɔɔnle 8:12

Lanje ziɛnzan béli fɛn yé é yiri fén yaazan diri yé é moné fén yaazan diri, yé é monéné yaa yaa va monéné do do diri, yé fɛna fu ta yuo vɔ sɛ, yé béli gunu taa dɔra.

Wegɔɔnle 9:2

yé é a lɛ so. Kyɛgoi nwa guru ’ko gi, bélé ’furu blɛn lé kyɛgoi zo; yiri valé lagi gunu dɔra guru gi kyɛgoi nya.