Joɛl 2:1 - Kazambale lé Sebe Sauunu 1979

¹ ’Ka béli fɛn Siɔn; A dére zuogi ’é we anlé gɔ plɛplɛ nwiin ma. Tɛrɛlamunu faa ma ’é nyɔɔn ma. Naa, Gakelebale lé yi a dana; naa, é bɔ é pu.

Joɛl 2:1 ပူးပေါင်းရင်းမြစ်များ

Minwiinzannu lé Wezuofe Sɛbɛ 15:28

Izraɛlnu faa go Gakelebale lé gipawe pagikɛsu nya ginana siaale nya, ’té woo béli gɔnɔ fié fɛɛn, ’té woo kɔanu gya, ’té woo gitaanu valé kɔnɔnu gya.

Lɛrɛvɔ Sɛbɛ 119:120

Kana blɛn zén an gi ilé we ma, yé an ma éé nyɔɔn‐an, Yé an kanaan ilé weblelenu lee.

Lɛrɛvɔ Sɛbɛ 87:1

Koré kulunu lé lɛrɛ lé. Pisɔmé lé. Bale tɔbɔlɛrɛ lé. Wo Siɔn pa gɔblɛn sauun nwiin.

Fwile 10:14

Gangannu da Éjipiti tɛrɛ la, yé wo zana Éjipiti tɛrɛ faa la; ’bɛ zo gangan kiɛre ’ka tan da lɛ tɛrɛ la lo, yé ’bɛ zo gangan kiɛre ’ka dan da lɛ é ziin monomono lo.

Ézai 13:6

’Ka dunnu, naa, Gakelebale lé yi bɔ é pu; Plɛplɛfaazan lé fɛ sɛrɛle a dana.

Ézai 13:9

Ka ye, Gakelebale lé yi bɔ. Yi nyané lé, blifliyi valé wɛwɛbabané yi lé. É dan wenyanékɛlɛzannu kulu ga lɛ yé tɛrɛ ta é dan vo lɛ tété.

Ézai 2:12

Naa, yi do ana lai sunyanu lé Gakelebale zé nya, ’bɛ yi la é dan nwa lɛ boblɛnzannu faa valé mi gini é yuɛzuozannu ma, yé miomian ébo kɛlɛ blɛn, Bale é dan nwa lɛ ’bɛzan ma, a tuale we gi.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Ézai 66:5

Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

Jérémi 16:10

Dé i we ’konu faa fale vɔ munu ’ko lɛ, wo dan a fe lɛ i lɛ léma: Mɛmalé Gakelebale bon‐ɛn ko nya a fele nya léé, ’é we tɔntɔn blɛn ’konu bɔa ko maa? Mɛ weple lé ko kɛlɛɛ? Mɛ wenyané lé ko kɛlɛ Gakelebale, kolé Bale maa?

Jérémi 16:7

Wolé gyɛbole gi, wo ’ka dan fɛ ble lɛ mi do lé alé mi ga, a tɔrɔ paale we ma lo. Dé mi do bu léé? dé a ti léé? dé é ga, wo ’ka dan a tɔrɔ paa lɛ nwɛ nya lo.

Jérémi 4:5

’Ka we lɛ kini Juda tɛrɛ la, yé ’ka a zana dɔɔ Jérusalɛm, léé: ’Ka béli fɛn tɛrɛ la, ’Ka siaa dére plɛplɛ nya léma: ’Ka zén ékeva yé kaa go nyanamunu lé fla.

Jérémi 5:22

Gakelebale léma: Ka ’ka kanaan an lee loo? Ka ma ’ka nyɔɔn‐an an ’lɛ loo? Maa ɛ wɛyi glɛ dɔ nyéné nya, a glɛ lé wɛyi ’ka bɔa a kinile lɛ monomono lo, yee lé. Dé é fɔrɔoo, plɛplɛ ’ka a lee lo, dé é gi gunu oo, é ’ka a kinié lo.

Ézékiɛl 12:23

Amalé, bé fe wo lɛ léma: Mizan Gakelebale léma: Maa dan mi ma wenanadére ’konu yi ga lɛ; wo ’ka dan wo fe lɛ é dɛrɛ Izraɛl tɛrɛ la lo. Bé fe wo lɛ léé: É ’ka ’bɛ zo lo. Yuɛziwenu faa lɛsɔɔyinu a biéna.

Ézékiɛl 21:12

Yé dé wa laa i lee léé: Mɛmalé i dunnuaan? Bé zi pa wo lɛ léé, naa, we do é dan bɔ lɛ yé wo dan a zuo fe lɛ, azama. Kana é dan zén lɛ munu faa gi, Munu faa bɛnu é dan kɛlɛ lɛ tɔɔtɔɔ, Munu faa boen fuu é dan si lɛ ’wo ta, Munu faa powuo é dan gié lɛ é ke gi. Ka ye, é a dana. É da. A zo lé Mizan Gakelebale a fe.

Ézékiɛl 30:3

Naa, a yi a biéna, Gakelebale lé yi a biéna. Gunudɔrayi lé. É dan kɛlɛ lɛ bɛnnu zé bléyi nya.

Ézékiɛl 33:3

dé yee mi ’ko a ye léé, wa dana gwɔun nya yee tɛrɛ la, é a lé é béli fɛn yé é we ’ko lɛ kini munu lɛ.

Ézékiɛl 33:6

Dé flataginizan gwɔunzan ye dana, yé é ’ka béli fɛn lɛ lo, dé munu ’ka we do ’ma lɛ a ta lo, yé gwɔunzan da yé é mi do gyɛ, mi ’ko é dan zamaga wo lɛ élé weple ma, naa, maa dan a we dɔ lɛ flataginizan nwiin.

Ézékiɛl 7:10

Bé ye, a yi lo; bé ye, é bɔ. Izé bɔ. Yili vwi bi. Boblɛn foe.

Ézékiɛl 7:12

A bléyi bɔ, a yi bɔ é pu; té fɛlɔzan gi é nana lo, té fɛdanzan bli kyɛ é dɔ lo. Naa, bliflile nwa mi gu blɛn faa ma.

Daniɛl 6:26

Maa munu béli dɔ anlé tɛrɛ faa la léé, munu ’é kana Daniɛl lé Bale lee, yé di blɛn ’é kini wo gi alé we ma. Naa, yee ɛ ke Bale yuɛmale nya, yé éé voo ana lɛɛfaama, a glɛ ’ka lo. Alé plale mi nwiin ’ka sɛra lo, yé é dan vo lɛ mi nwiin fɔɔ yé é bɔ a ’wuo plana.

Daniɛl 9:16

Mizan, ilé bliflile valé i wɛwɛ dɔle ’é si ilé fla Jérusalɛm valé ilé gɔ plɛplɛ ma ma, i nyanai zénle blɛn yɛrama. Naa, kolé wenyanénu valé ko tranu lé weplenu kɛlɛle ma lé Jérusalɛm valé ilé munu kɛlɛ serelebomazannu nya munu faa lé ke wo zi, wo yuɛ gi.

Daniɛl 9:20

An vo wefena ’té an bazoroan, yé anlé wenyanénu valé anlé munu Izraɛl munu lé wenyanénu fe, yé maa anlé zanté vɔ Gakelebale anlé Bale lɛ, anlé Bale lé gɔ plɛplɛ lé we ma.

OZÉ (Osée) 5:8

’Ka béli fɛn Gibéa! ’Ka béli fɛn Rama! ’Ka siaa plɛplɛ Bɛt‐Avan! Bɛnjamɛn, guli a i zuo.

OZÉ (Osée) 8:1

’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Joɛl 2:11

Gakelebale éé dére fé élé sunyanu lɛ, Naa, wo nyanana a blɛɛn. Mian éé a dére tawe kɛla, ’bɛzan a plɛplɛ; Naa, Gakelebale lé yi a blɛɛn; éé di kinié mi gi. De ɛ bɔa dɔle lɛ ’bɛ yi laa?

Joɛl 2:15

’Ka béli fɛn Siɔn; ’Ka lɔrɔsɔnle valé zén‐ékeva plɛplɛ zana dɔɔ.

Joɛl 2:31

Yiri é dan nɔla lɛ gunu nya, Yé moné é dan nɔla lɛ nyɛ nya, Gakelebale lé yi bɔle ’lɛ, Yi blɛn lé éé di kinié mi gi, yee lé.

Joɛl 3:14

Mi gu blɛn lé. Mi wuru é wuru gu blɛn lé. Wa gɔworona lé wa laama weblena, ana; Naa, Gakelebale lé yi bɔ é pu Weblena gɔ worona.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Amɔs 3:6

Dé wo béli fɛn fla, kana ’ka zén‐é munu gi loo? Wenaané do bɔ fla, ’té é ’ka sié Gakelebale va loo?

Amɔs 5:18

Munu lé é sɔ wo lɛ léé, Gakelebale lé yi ’é bɔ, we tɔntɔn a wozé nya. É dɔ ka gi léé, mɛ we ɛ dan bɔ lɛ ka ma Gakelebale lé yi nyaa? É dan kɛlɛ lɛ gunudɔrayi nya, fɛnafu ’ka dan kɛlɛ lɛ lo.

Amɔs 8:2

É lé an lɛ léé: Amɔs, i mɛ fɛ yéé? Yé maa a zi pa léé: An kyɛɛné do yé, ’té yiliporo a a gi. Yé Gakelebale lé an lɛ léé: Anlé munu Izraɛl bɔ wozé ’wuoplana; an ’ka dan wo ma we vo lɛ é dɛrɛ lo.

Abudias 1:15

Naa, Gakelebale lé yi bɔ é pu, bɛnnu faa zé nya. I we kɛlɛ fɛan zo, a zo duo lé wo dan izé kɛlɛ lɛ. I kɛlɛwenu é dan dia lɛ i ta;

Sofoni 1:14

Gakelebale lé yi blɛn bɔ é pu. É bɔ é pu, é a biéna kelekele. Gakelebale lé yi a é dére wena, yé nyanazannu éé siaan klebledére nya.

Sofoni 1:16

É a yi lé woo béli fɛɛn, ’té woo siaan guli ma, fla plɛplɛnu valé flataginifɛna nwalenu ma, a yi nya.

Sofoni 1:7

’Ka tadɔ Mizan Gakelebale ’lɛ; naa, Gakelebale lé yi bɔ é pu, naa, Gakelebale élé saraka ma’lɛrɛ, élé sarakabofɛ blezannu si a va é kyɛn.

Sofoni 3:11

’Bɛ yi la, i kɛlɛwenu faa ’ka dan i gyɛ lɛ yara nya lo; i kɛlɛwenu lé i wenyané kɛlɛ an ma wo nya, woo lé. Naa, ’bɛ bléyi va, munu lé wo gi éé nanaan boblɛn dére nya turu bɛ, maa dan wo si lɛ ka méléna, yé i ’ka dan ibo kɛlɛ lɛ blɛn anlé gɔ tinle nwiin é dɛrɛ lo.

Zakari 14:1

Ka ye, Gakelebale lé yi blɛn bɔ, yé wo dan ka pa gi fɛnu guli lɛ kalé fla méléna.

Zakari 8:3

Gakelebale léma: Maa nɔlaan an pa gi Siɔn, yé é sɔ an lɛ léé, maa nyana Jérusalɛm. Wo dan Jérusalɛm laa lɛ, yarapawela fla, yé wo dan lai sunyanu lé Gakelebale lé gɔ laa lɛ, gɔ sauun.

Malasi 4:1

Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.

Mi Nɔnɔle 10:2

’I béli fié foli gɔɔlifu nya. Wo dan kɛlɛ lɛ ilé munu faa laafɛnu nya, yee valé wolé ta soowɔla fɛnu nya.

Mi Nɔnɔle 10:3

Dé wo béli fɛn bléyian va, é a lé munu faa ’é zén ékeva i punma, zén‐ékevasɔkɔn ’léé.

1 Korent munu 14:8

Yé dé béli vun éé wé é vɔɔle, de ɛ dan ’é ma’lɛrɛ lɛ gulidanle we maa?

Filip munu 2:12

An blibɔmamunu, ka an lɛdɔama yifaama fɛan zo é vinin bɛ, sin, é a lé ka nyanama pa ka bɔle ka sile we gi ’wuoplana we ma, kanale valé manyɔɔnle nya. Té ka a kɛlɛ an yuɛ va saawo lo; naa, sin, bléyian va lé maa ’ka ka va lo, kalé a kɛlɛle gi ’é gyɛ ma.

1 Tɛsalɔnik munu 5:2

Kabozen a gi dɔɔ é zima léé, Mizan dayi é dan bɔ lɛ bélé kyeenwozan zo é béli.

SEBE LÉ JAK A GYE (Épitre de Jacques) 5:8

Mizan bɔ é pu; bɛwemalé ka é ziin, ’ka bli kɛlɛ tiéé, yé ’ka dɔ gligli.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

Wegɔɔnle 6:17

naa, wo blifliyi blɛn bɔ yé mi kyɛn ɛ bɔa dɔle lɛɛ?