Joɛl 1:2 - Kazambale lé Sebe Sauunu 1979

² ’Kaa mi segelenu, ’ka tɔné dɔ we ’ko lɛ. ’Kaa tɛrɛlamunu faa, ’ka an ban ka tɔné nya. We ’ko zoɛ do ’ka tan bɔ lɛ ka va loo? Taa, é ’ka tan bɔ lɛ ka tranu bléyi va loo?

Joɛl 1:2 ပူးပေါင်းရင်းမြစ်များ

JOB (Job) 12:12

Wedɔɔle a mi segelenu gi, Dé mi mɔn tɛrɛ la, ’té a gi a é kinile.

JOB (Job) 15:10

Nwanabɔzannu a ko va gɔné segelenu nya, Wo gane a i ti ’lɛ.

JOB (Job) 21:7

Mɛmalé mi nyanénu é vo é yuɛmaa? Mɛmalé woo kwa gya, ’té wolé plɛplɛ gi éé gyaa?

JOB (Job) 8:8

Wo ko yaa lao, ko ’ka we do dɔɔa lo, Kolé tɛrɛla yinu a bélé furɔ zo, Amalé ’i we laa mi vininnu lee, ’I gi bɔrɔ wenu lé wo bɔ wo tinu ma, wo lɛ.

Lɛrɛvɔ Sɛbɛ 49:1

Wo lɛrɛ ’ko vɔle gɔɔn lɛrɛvɔzannu zilɛzan lɛ. Koré kulunu ɛ vɔ. Lɛrɛ do lé.

Ézai 34:1

Bɛnnu, ’ka bié, ’ka we ’ma. Munu, ’ka tɔné dɔ. Tɛrɛ valé é tafɛnu faa, tɛrɛ valé fɛnu faa lé éé a dɔa, ’ka tɔné dɔ ma.

Ézai 7:17

Wenu lé Gakelebale é dan a kɛlɛ lɛ bii koo, ilé munu valé i ti kulunu koo, ka lɛ, é sia yian nya lé Éfraim valé Juda kini ékema fɔɔ kyɔ, wo ’ka ’bɛ zo wenu ye lɛ lo. É dan da lɛ Asirinu nwiinzan nya.

Jérémi 30:7

We tɔntɔn lé. Naa, yi blɛn lé; ’Bɛ zoɛ yi vinin ’ka tan bɔ lɛ lo. É a Jakɔb lé klebleyi nya, Naa, é dan si lɛ a gi.

Jérémi 5:21

’Kaa tavozannu lé ka bli ’ka tegele lo, ’ka tɔné dɔ we ’ko lɛ. Ka yuɛnu a, yé ka ’ka yɛrɛ yé lo; ka tɔnénu a, yé ka ’ka we do kpen maan lo.

Daniɛl 12:1

’Bɛ bléyi va Mikaɛl lé é ke mi blɛn nya, ilé munu ta gulidanzan nya, é dan nwa lɛ. Bléyi ’ko é dan kɛlɛ lɛ nyané ble bléyi nya. É sia bɛnnu pélisia bléyi va fɔɔ yé é bɔ bléyi ’ko va, wo ’ka tan ’bɛ zoɛ nyané vinin ble lɛ lo. ’Bɛ bléyi va, ilé munu lé wo tɔ ke é gyɛle sɛbɛ gi, wo dan si lɛ we gi.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

OZÉ (Osée) 5:1

Balebanzannu, ’ka tɔné dɔ we ’ko lɛ. Izraɛl munu, ’ka tɔné dɔ flee. Minwiinzan blɛn ma munu, ’ka an ban ka tɔné nya. Ka ma lé weblele bɔ, ka kɛlɛ mikunsan nya Misipa, ka kɛlɛ mikunséli nya Tabɔɔ gɔ ta, ’bɛzama.

Joɛl 1:14

’Ka lɔrɔsɔnle valé zén‐ékeva plɛplɛ zana dɔɔ. ’Ka mi segelenu valé tɛrɛ ’ko la munu faa zén ékeva Gakelebale, kalé Bale lé kɔn gi, Yé ’ka siaa Gakelebale lɛ.

Joɛl 2:2

Yi ’ko la, béli éé taan yé gunu éé dɔraan; Yi ’ko la, lati éé tuaan, yé lolu éé vɔa; É dan bélé tukinile zo yé é zén gɔnu ta, Migɔnɔ lé wo ke kiɛre, ’té wa plɛplɛ, woo lé; Wo ’ka tan wo zoɛ munu ye lɛ é vinin lo, Yé wo ’ka dan wo zoɛ munu ye lɛ wo zuo monomono lo.

Amɔs 3:1

’Kaa Izraɛlnu, ’ka tɔné dɔ dére ’ko lé maa Gakelebale a fe ka ma, a lɛ; migɔnɔ faa lé maa wo si Éjipiti tɛrɛ la, wo ma we lé maa ke a fena.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 5:1

Izraɛlnu, ’ka tɔné dɔ dére ’ko lɛ; ka mawe lé maa a gona a fena, ’ka tɔné dɔ a lɛ.

Misé 1:2

’Kaa munu faa, ’ka tɔné dɔ. Tɛrɛ valé é tafɛnu, ’ka we ’ma ma. Mizan Gakelebale ’é kɛlɛ ka ma wefezan nya ma, Mizan lé ke élé fuakɔn ’lɛzan gi, yee lé.

Misé 3:1

Maa léma: ’Kaa Jakɔb lé mununwiinzannu valé Izraɛl lé mi blɛnnu, ’ka tɔné dɔ. Ka‐an é a kɔɔn lé ka we tegele dɔɔ loo?

Misé 3:9

Jakɔb lé munu nwiinzannu valé Izraɛl lé mi blɛnnu, ’ka tɔné dɔ we ’ko lɛ. We tegele éé ka ta daan ka ma, ’té ka we drɔle plin‐an.

Matio 13:9

Mi lé we ’ma tɔné ke a ’wuo ma, ’bɛzan a ’ma ma.

Matio 24:21

Naa, nyanéblele é dan kɛlɛ lɛ tɔntɔn fɔɔ é sia tɛrɛ pélisia bléyi va fɔɔ yé é bɔ bléyi ’ko va, nyanéblele ’ko zoɛ ’ka tan bɔ lɛ lo, yé wo ’ka dan a zoɛ ye lɛ monomono lo.

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.