WENÉNÉ LE JAN A GYE (Évangile selon Jean) 9:39 - Kazambale lé Sebe Sauunu 1979

³⁹ Yé Jézu léé: An da tɛrɛ la ’ko we do gi bɔile we ma, yee lé ke ’ko: munu lé wo ’ka yɛrɛ yé lo, wolé yɛrɛ yele we ma, yé munu lé woo yɛrɛ yé, wo kininle yuɛwiizannu nya we ma.

WENÉNÉ LE JAN A GYE (Évangile selon Jean) 9:39 ပူးပေါင်းရင်းမြစ်များ

Ézai 29:10

Naa, Gakelebale é dan yi vɔ lɛ ka yuɛ la, ’bɛzama. É kalé balelayezannu yuɛ lɛ tan yé é sɔ zén kalé fɛnayezannu ’wuo ma.

Ézai 44:18

Wo ’wuo ’ka wo ta lo, yé wo ’ka we maan lo. Wo yuɛ lɛ a é tanle, té wo fɛna ye lo we gi, yé wo bli lɛ a é tanle, té wo we ma lo we gi, azama.

Ézai 6:9

Yé é lé an lɛ léé: ’I go, bé fe munu ’ko lɛ léé: Ka dan we ’ma lɛ, yé ka ’ka dan a gi ’ma lɛ lo; ka dan fɛ ye lɛ, yé ka ’ka dan a ma kunna ye lɛ lo.

Ézékiɛl 12:2

Blami be, i a é nyanale tɔnégiplɛplɛzannu méléna; munu lé wo yuɛnu ke léé, wo yɛrɛ ye, yé wo ’ka yɛrɛ yé lo; ’té wo tɔnénu ke léé, wo we ’ma, yé wo ’ka we maan lo, woo lé. Naa, wa tɔnégiplɛplɛzannu nya.

Matio 11:5

yuɛwiizannu a yɛrɛ yena, tunbozannu a tawona, pantɛn a sina pantɛngyɛmunu ma, tɔnéwiizannu a we ’mana, gazannu a nwana gale va, yé wa wenéné fena nyanégyɛzannu lɛ.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Matio 6:23

naa, dé i yuɛ fuu ’ka é ta lo, ’té i kɔlɛ faa kɛlɛ gunutinu va. Bɛwemalé san lé ke i gi, dé é kinin gunu nya, ’té gunuti tiritiri lé ke bɛ.

WENÉNÉ LÉ LUK A GYE (Évangile selon Luc) 1:79

Munu lé wo ke é nyanale gunutinu va, é valé gale furɔ wuo, wo va kinile we gi, Yé é go ko nya vole drɔɔ lé zi ’léé.

WENÉNÉ LÉ LUK A GYE (Évangile selon Luc) 13:30

Ka ye, mi voélazan kenu é dan kɛlɛ lɛ mi vininzannu nya, yé mi vininzan kenu é dan kɛlɛ lɛ mi voélazannu nya.

WENÉNÉ LÉ LUK A GYE (Évangile selon Luc) 2:34

Siméɔn wo drɔɔ vo yé é lé né bu Mari lɛ léé: Bé ye, Bale né ’ko dɔ Izraɛl mi kiɛre saanzan valé wo drɔ?-?zan nya é ziin, yé é a dɔ tɔmase lé wo dan za vɔ lɛ a ta, a nya,

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LÉ LUK A GYE (Évangile selon Luc) 7:21

’Bɛ bléyi va Jézu gyɛgyɛmunu kiɛre béli yé é migyɛgyɛnu si munu ma yé é yonu si munu gi, yé é yuɛwiizannu yuɛnu fuo.

WENÉNÉ LE JAN A GYE (Évangile selon Jean) 12:31

Sin, tɛrɛlamunu lé weblebléyi bɔ yé wo dan tɛrɛ ’ko nwiinzan vuli lɛ béera.

WENÉNÉ LE JAN A GYE (Évangile selon Jean) 12:46

Maa ɛ ke san nya, yé maa ɛ da tɛrɛ la léé, dé miomian bli vo an lɛ, é ’ka vo gunutinu va lo.

WENÉNÉ LE JAN A GYE (Évangile selon Jean) 3:17

Kazambale ’ka é Be pa lɛ zia léé, ’é da tɛrɛlamunu lé we ble lo, naa, é a pa zia léé, ’é tɛrɛlamunu si we gi.

WENÉNÉ LE JAN A GYE (Évangile selon Jean) 3:19

Wean ma lé woo munu lé we blé, yee lé ke ’ko: wo kɛlɛwenu a lɛrɛlɛrɛ; bɛwemalé san da aan wo tɛrɛ la, gunutinu sɔ wo lɛ é mini san ta.

WENÉNÉ LE JAN A GYE (Évangile selon Jean) 8:12

Jézu we fe wo lɛ é ziin, yé é léé: Maa lé é ke tɛrɛlamunu lé san nya. Mian éé dan an zuo, é ’ka dan tawo lɛ gunutinu va lo, naa, é dan mibélisan ye lɛ.

WENÉNÉ LE JAN A GYE (Évangile selon Jean) 8:15

Ka we blé blaminu lé weblebɛ yɛrama. Maa ’ka mi do kpen lé we blé lo.

WENÉNÉ LE JAN A GYE (Évangile selon Jean) 9:25

Yé é a zi pa léé: Dé é a wenyanékɛlɛzan nya, maa ’ka ’bɛ gi dɔɔa lo. Maa we do dɔɔ, yee lé é ke léé, maa a turu yuɛwiizan nya, yé sin maa yɛrɛ yé.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

2 Korɛnt Munu 2:16

Mi kenu vazia, ko a ga gin lé éé dan ga nya, ’bɛ nya, yé mi kenu vazia ko a bélile gin lé éé dan bélile nya, ’bɛ nya. Yé de ɛ bɔa we ’konu lɛɛ?

Éfez munu 5:14

Bɛwemalé wo léé: Bii lé i ke yiɛna, ’i vuo, ’I vuo mi galenu va, Yé Krist é dan i va kini lɛ.

2 Tɛsalɔnik munu 2:10

dabliwe ple faa koo, é dan wo kɛlɛ lɛ. Webozen lɔrɔ lé éé mi sié we gi, é ’ka munu ma lo, amalé we ’konu é dan bɔ lɛ woo munu lé wo ke zamaga wona, wo ma.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

1 Jan 2:11

Naa, mian a bwe za ke a gi, é a gunutinu va, yé é a tawona gunutinu va yé gunutinu a yuɛ ’wii, amalé é ’ka é gona dɔɔa lo.