WENÉNÉ LE JAN A GYE (Évangile selon Jean) 9:31 - Kazambale lé Sebe Sauunu 1979

³¹ Ko a gi dɔɔ léé, Kazambale ’ka wenyanékɛlɛzannu dére maan lo. Naa, dé mi a bɔa, ’té éé alé blibɔmawe kɛla, ’bɛzan dére lé éé a maan.

WENÉNÉ LE JAN A GYE (Évangile selon Jean) 9:31 ပူးပေါင်းရင်းမြစ်များ

Wepélisiananu 19:29

Dé Kazambale fɛna pɛblɛɛ flanu sɛrɛ Abraam sele dɔ a gi; yé dunuzén?-?milawe lé é bɔ Lɔt nyanala flanu ma yé é wo guru zana a gi bɛ, é Lɔt si ’bɛ we ’konu gi.

Wepélisiananu 20:7

Sin, ’i lezan nɔ gɔnézan ’ko lɛ é pai; naa, é a balelayezan nya yé é dan bazoro lɛ i tɔ ma yé i dan béli lɛ. Naa, ’i we ’ko gi dɔɔ ma: dé i ’ka a nɔ lɛ lo, i dan ga lɛ, bii valé ilé munu faa nya.

JOB (Job) 35:12

Woo siaan é pla, Mi naanénu lé boblɛn lé we ma, Kazambale ’ka a zi paan lo.

JOB (Job) 35:13

Wo siaale a é boa, Kazambale ’ka é tɔné dɔa wo lɛ lo, Plɛplɛfaazan ’ka é yuɛ vɔa wo ta lo.

JOB (Job) 42:8

Sin, ’ka dirigɔné sɔrafié valé ’blagɔné sɔrafié si, ’ka goan an wuozan Job lɛ, yé ’ka wo nɔ, balebanwi lé wa kyɛ blé, a nya, kabo lé we ma. An wuozan Job é dan bazoro lɛ ka tɔ ma, yé a pli zi lé maa ’ka dan we kɛlɛ lɛ ka lɛ kalé tavowe yɛrama lo; naa, ka ’ka anlé we fe lɛ ’é fena bélé an wuozan Job a fe fɛan zo, a zo lo.

Lɛrɛvɔ Sɛbɛ 106:23

Amalé é léé, é dan wo kulu ga lɛ, Naa, fɛana lé Bale bli nwa wo ma, Moizi lé, Bale a si a va, é dɔ ’bɛna, Yé é alé bliflile wo ma nɔla, yé é alé wo kulu gale yi ga.

Lɛrɛvɔ Sɛbɛ 143:10

’I ilé blibɔmawe kɛlɛle paa an gi, Naa, bii a anzé Bale nya. I léli zima ’é go an nya zi tegele ta ma,

Lɛrɛvɔ Sɛbɛ 145:19

Munu lé woo kanaan a lee, éé wolé blibɔmawenu lɛ sɔɔan, Éé wo siaale maan yé éé wo sié we gi.

Lɛrɛvɔ Sɛbɛ 18:41

I an nyanézannu nwun zi dɔa an ta, Yé munu lé an za ke wo gi, maa wo kulu gaan.

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Lɛrɛvɔ Sɛbɛ 99:6

Balebanzannu va, Moizi valé Arɔn koo, Bale tɔ laazannu va Samuɛl koo, Wo Gakelebale laa yé é we.

Wegɔnévɔlenu 15:29

Gakelebale éé sié mi naanénu ma baa, naa, éé tɔné dɔa mi tegelenu lé bazorole lɛ.

Wegɔnévɔlenu 21:13

Mi lé éé tɔné lɛ taan nyanégyɛzan siaale ma, yeebozen é dan siaa lɛ yé wo ’ka dan we lɛ a zi lo.

Wegɔnévɔlenu 28:9

Dé mi é tɔné lɛ tan bélidɔwe ’male ma, alé bazorole boen a bélé bo zo.

Ézai 1:15

Dé ka bɛ soi an vazia, an yara sié ka la; dé ka ba kiɛre zoro, an ’ka ’bɛ maan lo; ka bɛnu a migyɛbɛnu nya.

Ézai 58:9

Yé i dan Gakelebale laa lɛ, yé é dan we lɛ; i dan siaa lɛ yé é dan a fe lɛ léé: Maa lo. Dé i daan yaale ma mi ta, dé i daan bon‐ɛnle ma mi nya, é valé mi sɔnɔdérenu fele ma,

Jérémi 11:11

Bɛwemalé Gakelebale léma: Ka ye, maa dan we tɔntɔnnu bɔ lɛ wo ma, ’té wo ’ka dan bɔ lɛ ’wobo sile lɛ a gi lo. Wo dan siaa lɛ an lɛ, yé maa ’ka dan tɔné dɔ lɛ wo lɛ lo.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Misé 3:4

’Bɛ zuo wo dan siaa lɛ Gakelebale lɛ, naa, é ’ka dan we lɛ wo zi lo; ’bɛ bléyi va é dan é yara yɔɔ lɛ wo lee; wo wenaanénu kɛlɛ, azama.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

WENÉNÉ LE JAN A GYE (Évangile selon Jean) 11:22

Naa, sin duowo, maa a gi dɔɔ léé, we faa lé bé laan Kazambale lee, éé a kɛla.

WENÉNÉ LE JAN A GYE (Évangile selon Jean) 15:16

Ka‐an, ka an si a va lo; naa, maa ɛ ka si a va, yé maa ka dɔ gligli, ka gole valé ka baale we ma, léé, ka poro ’é vo ana yé fɛofɛan ka a ma laan Ti lee an tɔ gi, ’é a nɔ ka lɛ.

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

WENÉNÉ LE JAN A GYE (Évangile selon Jean) 9:30

Mi ’ko a zi pa wo lɛ léé: Dé ka ’ka a sina dɔɔa lo, ’bɛ a givuruwe nya; yé é an yuɛ fuo duowo.

WENÉNÉ LE JAN A GYE (Évangile selon Jean) 9:32

Wo ’ka tan a ’ma lɛ léé, mi lé wa yaa é yuɛ ’wiile nya, mi do ’bɛ yuɛ fuo monomono lo.

Bélidɔwesɛbɛ Fiézan 1:45

Ka da ka pa gi yé ka wuvɔ Gakelebale lɛ; naa, Gakelebale ’ka é tɔné dɔ lɛ ka dére lɛ lo, é ’ka ka ban lɛ é tɔné nya lo.

Ébrunu 10:7

Yé maa léé: Oo Bale, bé ye, an da ilé blibɔmawe kɛlɛle we gi, Wo anlé we gyɛ a zo sɛbɛ lé wa plin‐an, a gi.