WENÉNÉ LE JAN A GYE (Évangile selon Jean) 9:30 - Kazambale lé Sebe Sauunu 1979

³⁰ Mi ’ko a zi pa wo lɛ léé: Dé ka ’ka a sina dɔɔa lo, ’bɛ a givuruwe nya; yé é an yuɛ fuo duowo.

WENÉNÉ LE JAN A GYE (Évangile selon Jean) 9:30 ပူးပေါင်းရင်းမြစ်များ

Lɛrɛvɔ Sɛbɛ 119:18

’I an yuɛ fuo, Yé maa ilé bélidɔwenu gi we blɛnnu ye.

Ézai 29:14

Bɛwemalé maa dan munu ’ko bla lɛ é ziin we blɛnblɛnnu valé gyɛzorowenu kɛlɛle nya; wolé wedɔɔmunu lé wedɔɔle é dan nyaa lɛ, yé wolé ’wuoatazannu lé ’wuoatawe é dan san lɛ.

Ézai 29:18

’Bɛ yi la, tɔnéwiizannu é dan sɛbɛ gi dérenu ’ma lɛ yé gunu ’ka dan kɛlɛ lɛ yuɛwiizannu yuɛi é dɛrɛ lo, yé wo dan yɛrɛ ye lɛ.

Ézai 35:5

Yé yuɛwiimunu yuɛ é dan fuo lɛ, Yé tɔnéwiimunu tɔné é dan fuo lɛ;

Matio 11:5

yuɛwiizannu a yɛrɛ yena, tunbozannu a tawona, pantɛn a sina pantɛngyɛmunu ma, tɔnéwiizannu a we ’mana, gazannu a nwana gale va, yé wa wenéné fena nyanégyɛzannu lɛ.

Matio 21:42

Jézu lé wo lɛ léé: Dére lé wa gyɛ Kazambale lé sɛbɛ gi, ka ’ka tan a ta fe lɛ monomono loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya. We ’ko si Mizambale va, Yé é a givuruwe nya ko yuɛ gi.

Maak 6:6

Wo ’ka ’wo bli vo lɛ a lɛ lo, amalé a gi vuru. Yé Jézu go élé fla zi fla bɛnu ta yé é we paa munu gi.

WENÉNÉ LÉ LUK A GYE (Évangile selon Luc) 7:22

Yé é lé wo lɛ léé: ’Ka go yé wenu lé ka wo ye yé wenu lé ka wo ’ma, ’ka wo zuo fe Jan lɛ, léé: Yuɛwiizannu a yɛrɛ yena, tunbozannu a tawona, pantɛn a sina pantɛngyɛzannu ma, tɔnéwiizannu a we ’mana, gazannu a nwana gale va, yé wa wenéné fena nyanégyɛzannu lɛ.

WENÉNÉ LE JAN A GYE (Évangile selon Jean) 12:37

É gyɛzorowe kiɛre kɛlɛ wo yuɛ va, yé wo ’ka wo bli vo lɛ a lɛ duowo lo,

WENÉNÉ LE JAN A GYE (Évangile selon Jean) 3:10

Jézu lé a lɛ léé: Bii lé i we paan Izraɛlnu gi ’naan, yé bii ’ka we ’konu dɔɔa loo?

WENÉNÉ LE JAN A GYE (Évangile selon Jean) 9:29

Ko a gi dɔɔ léé, Kazambale we fe Moizi lɛ. Naa, mi ’ko, ko ’ka a sina dɔɔa lo.

WENÉNÉ LE JAN A GYE (Évangile selon Jean) 9:31

Ko a gi dɔɔ léé, Kazambale ’ka wenyanékɛlɛzannu dére maan lo. Naa, dé mi a bɔa, ’té éé alé blibɔmawe kɛla, ’bɛzan dére lé éé a maan.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.