WENÉNÉ LE JAN A GYE (Évangile selon Jean) 8:54 - Kazambale lé Sebe Sauunu 1979

⁵⁴ Jézu a zi pa wo lɛ léé: Dé maa anbo tɔ kɛla blɛn, ’té an tɔbɔle a we pla nya. An Ti ɛ an tɔ kɛla blɛn, yee lé ka léé, é a ’wolé Bale nya.

WENÉNÉ LE JAN A GYE (Évangile selon Jean) 8:54 ပူးပေါင်းရင်းမြစ်များ

Wegɔnévɔlenu 25:27

Zɔrɔnyɔnɔ kiɛre blele ’ka é zima lo, naa, mi bɛ tɔ zin fele a mi tɔbɔwe nya.

Ézai 66:5

Ka lé ka kanaan Gakelebale dére lee, ’ka tɔné dɔ a dére lɛ. Ka bwenu lé woo ka za paan, ’té woo ka nyunuan an tɔ lé we ma, wo léma: Gakelebale ’élé fua nagɔɔn ma, ye ko kalé ginanale ye ma. Naa, wo gi é dan blin lɛ wo ma.

OZÉ (Osée) 1:9

Yé Gakelebale léé: Bé tɔ pa Lo‐Ami, ’bɛ gi léé, anlé munu kaan lo; ka ’ka anlé munu nya lo, yé maa ’ka kalé Bale nya lo, azama.

WENÉNÉ LE JAN A GYE (Évangile selon Jean) 17:1

We ’konu fele zuo Jézu é yara nwa loru yé é léé: An Ti, a bléyi bɔ. Maa lé ke i Be nya ’ko, ’i an tɔ kɛlɛ blɛn yé maa i é tɔ kɛlɛ blɛn é ziin,

WENÉNÉ LE JAN A GYE (Évangile selon Jean) 17:5

Yé sin, bii an Ti, ’i an tɔ kɛlɛ blɛn ibozen va, fua lé é ke an lee é kyɛn i va, ’té tɛrɛ ’ka tan lo, a nya.

WENÉNÉ LE JAN A GYE (Évangile selon Jean) 2:11

’Bɛ zo lé Jézu élé gyɛzorowe vinin kɛlɛ Kana, Galilé tɛrɛ la. É élé fua tagɔɔn, yé a zuomunu pa a ta.

WENÉNÉ LE JAN A GYE (Évangile selon Jean) 5:41

Maa ’ka an tɔbɔle naginina munu va lo.

WENÉNÉ LE JAN A GYE (Évangile selon Jean) 7:18

Mi lé é ke we fena ébo dére nya abozen tɔbɔle lé é ke a ginina; naa, mi lé é ke é nwunvɔzan tɔbɔle ginina, ’bɛzan lé wefele a tegele yé weple do kpen ’ka ’bɛzan gi lo.

WENÉNÉ LE JAN A GYE (Évangile selon Jean) 7:39

É we ’ko fe munu lé wo dan ’wo bli vo lɛ a lɛ, Kazambale Léli lé wo dan a ye lɛ, alé we ma. Jézu ’ka tan wɔra lɛ élé fua gi lo; bɛwemalé Bale ’ka tan ’é Léli nɔ lɛ munu lɛ lo.

WENÉNÉ LE JAN A GYE (Évangile selon Jean) 8:41

Ka a ka ti kɛlɛwenu kɛlɛna. Wo lé a lɛ léé: Ko ’ka bwɛlanénu nya lo. Ko ti a do kpen, Kazambale nya.

WENÉNÉ LE JAN A GYE (Évangile selon Jean) 8:50

Maa ’ka an tɔbɔle naginina lo; mi lé ’bɛ an tɔbɔle naginian, ’té ’bɛ a va sié, ’bɛzan ana.

Kelewenu 3:13

Abraam koo, Izak koo, Jakɔb koo, wozé Bale, kaa tranu zé Bale, ’bɛ é wuozan Jézu tɔ kɛlɛ blɛn. Yee lé ka liwo, yé ka sɔn vɔ a ma Pilat ’lɛ, ’té é dɔ ’bɛ gi léé, ’é dan a vo lɛ éboma.

2 Korɛnt Munu 10:18

Mian ébo ma we zin fé, yeean wa sié lo; mian Mizan a ma we zin fé, yee lé wa sié.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

2 Piɛri 1:17

Naa, é tɔbɔle valé fuasan ye Tibale va, bléyian va lé dére do si fuasan blɛn va, a bléyi va, yé é léé: Mi ’ko a an Be lé, é sɔ an lɛ é baba, a nya; anlé sɔlɛle faa a yee ɛ ta.