WENÉNÉ LE JAN A GYE (Évangile selon Jean) 8:43 - Kazambale lé Sebe Sauunu 1979

⁴³ Mɛwemalé ka ’ka an dére gi maan loo? Ma a wewɔlɛ boen fena, amalé.

WENÉNÉ LE JAN A GYE (Évangile selon Jean) 8:43 ပူးပေါင်းရင်းမြစ်များ

Wegɔnévɔlenu 28:5

Munu lé wo wobo no wenaané lɛ, wo ’ka we tegele gi maan lo, naa, mi lé éé Gakelebale naginian éé we faa gi maan.

Ézai 44:18

Wo ’wuo ’ka wo ta lo, yé wo ’ka we maan lo. Wo yuɛ lɛ a é tanle, té wo fɛna ye lo we gi, yé wo bli lɛ a é tanle, té wo we ma lo we gi, azama.

Ézai 6:9

Yé é lé an lɛ léé: ’I go, bé fe munu ’ko lɛ léé: Ka dan we ’ma lɛ, yé ka ’ka dan a gi ’ma lɛ lo; ka dan fɛ ye lɛ, yé ka ’ka dan a ma kunna ye lɛ lo.

Jérémi 6:10

Maa dan we fe lɛ mi kyɛn lɛɛ? Yé mi kyɛn lé maa sié anlé wenayezan nya, yé wo tɔné dɔ an lɛɛ? Bé ye, wo tɔné ’ka voo Bale dére lɛ lo, yé wo ’ka bɔa ’wo tɔné dɔle lɛ we lɛ lo. Gakelebale dére a wo yuɛ gi serelebomafɛ nya, é ’ka wo gi nanamawe nya lo.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

Misé 4:12

Naa, wo ’ka Gakelebale lé gibɔrɔle dɔɔa lo, yé wo ’ka a bligiwe gi maan lo, yé wo ’ka a gi dɔɔa léé, é ’wo zén ékeva bélé ’sanwunnu lé wo wo téé ’sa sunwona, wo zo lo.

Matio 13:15

Munu ’ko gi nyɛ ’ka kinié lo; Wo ’wo tɔné lɛ tan, dé ’wo da we ’ma ’wo tɔné nya; Wo ’wo yuɛ lɛ tan, dé ’wo da fɛ ye ’wo yuɛ nya; Wo we ’ko kɛlɛ, léé, dé ’wo da we ’ma ’wo bli gi, Dé ’wo da ’wo bli nɔla, yé maa ’wo béli.

WENÉNÉ LE JAN A GYE (Évangile selon Jean) 5:25

Maa fe ka lɛ kyɔ webozen nya, a bléyi é dan bɔ lɛ yé é bɔ sin, ’bɛ bléyi va gamunu é dan maa Kazambale Be dére ’ma lɛ, yé woan wo dan a ’ma lɛ bɛ, wo dan béli lɛ.

WENÉNÉ LE JAN A GYE (Évangile selon Jean) 5:43

Maa da an Ti tɔ gi, yé ka ’ka an si lɛ lo. Yé dé mi bɛ da ébo tɔ gi, ka ’bɛzan sié.

WENÉNÉ LE JAN A GYE (Évangile selon Jean) 6:60

A zuomunu we ’ko ’ma aan wo, wo va mi kiɛre léé: Dére ’ko a plɛplɛ; de ɛ bɔa é tɔné dɔle lɛ ’bɛ lɛɛ?

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

WENÉNÉ LE JAN A GYE (Évangile selon Jean) 8:27

Wo ’ka a gi ’ma lɛ léé, a Ti ma we lé é ke a fena lo.

WENÉNÉ LE JAN A GYE (Évangile selon Jean) 8:33

Wo lé a lɛ léé: Ko a Abraam kulunu nya, yé ko ’ka mi do kpen lé luunu nya monomono lo. É kɛlɛ kaa yé i léé, ko dan kɛlɛ lɛ minénu nyaa?

WENÉNÉ LE JAN A GYE (Évangile selon Jean) 8:39

Wa zi pa a lɛ léé: Ko ti lé ke Abraam nya. Jézu lé wo lɛ léé: Dé é vo léé, ka a Abraam lé nénu nya, ’té Abraam kɛlɛwenu lé ka kɛla.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Rom munu 3:11

Mi do kpen ’wuo ’ka é ta lo, Mi do kpen ’ka Kazambale naginian lo.