WENÉNÉ LE JAN A GYE (Évangile selon Jean) 8:32 - Kazambale lé Sebe Sauunu 1979

³² yé ka dan webozen dɔɔ lɛ, yé webozen é dan ka kɛlɛ lɛ minénu nya.

WENÉNÉ LE JAN A GYE (Évangile selon Jean) 8:32 ပူးပေါင်းရင်းမြစ်များ

Lɛrɛvɔ Sɛbɛ 119:45

An dan tawo lɛ anbo ma, Naa, é a an gi léé, maa i déretawenu kɛlɛ.

Lɛrɛvɔ Sɛbɛ 25:5

’I go an nya ilé webozen lé zia yé ’i we paa an gi. Naa, i a an Siéwegibale nya, Bii ɛ lɛ lé an bli ke yifaama.

Wegɔnévɔlenu 1:23

’Ka nɔla anlé wepladére ’male we gi. Ka ye, maa dan an léli zén lɛ ka ta. Maa dan an dére paa lɛ ka gi.

Wegɔnévɔlenu 1:29

’Wuoatawe za a wo gi, yé wo ’ka kanale Gakelebale lee si lɛ a va lo,

Wegɔnévɔlenu 4:18

Mi tegelenu lé zi a bélé san lé éé bié nyananyana, a zo; a bile gi éé goo gyɛle nya fɔɔ yé yiéyi é pa.

Ézai 2:3

Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Ézai 30:21

Dé ka nɔla ka bɛyilaziaoo, dé ka nɔla ka bɛbolaziaoo, dére do é dan we lɛ ka zuo, ’té ka a maan, a fele nya léé: Zi lé ke ’ko, ’ka tawo yee zi ’ko ɛ ta.

Ézai 35:8

Wo dan zi do pla lɛ ana gbéin nya; Zi ’ko, wo dan a laa lɛ Bale lé zi tinle. Mi tiridɔle do kpen ’ka dan gié lɛ ana lo; é dan kɛlɛ lɛ wo saa zé nya; Munu lé wo ke tawona zi ’ko ta, dé wa ’tugyɛzan boen nyaoo, wo ’ka dan saan lɛ a ’léé lo.

Ézai 54:13

I benu faa é dan kɛlɛ lɛ Gakelebale zuozannu nya, Yé wenu nyian é dan wo lɛ i benu lɛ kiɛre.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Lévinu 25:41

’Bɛ yi nya lé é dan si lɛ i va, yee valé ’élé nénu nya, yé é dan go lɛ élé munu va, ’é tranu lé fɛna.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 11:29

Maa a bli drɔɔzan nya, yé maa a bo?-?kiénézan nya an bli gi, bɛwemalé ’ka kɛlɛ an va wedraanzannu nya, yé ’ka anlé we draan yé maa dan flinle nɔ lɛ ka boen lɛ.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:17

Moizi ɛ da bélidɔwe nya, naa, Jézu Krist ɛ da zin valé webozen nya.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 16:13

Tɔrɔpaazan lé é ke webozen Léli nya, dé é da é dan go lɛ ka nya webozen faa va. We lé é dan a fe lɛ, abo dére kaan lo, naa, we faa lé é dan a ’ma lɛ, yee lé é dan a fe lɛ, yé é dan wenu fale vɔ lɛ ka lɛ.

WENÉNÉ LE JAN A GYE (Évangile selon Jean) 17:17

’I wo pa é yɛrama ilé webozen nya; i dére a webozen nya.

WENÉNÉ LE JAN A GYE (Évangile selon Jean) 6:45

Balelayemunu a gyɛ wolé sɛbɛ gi léé: Kazambale é dan we paa lɛ wo faa gi. Dé miomian é an Ti dére ’ma, yé é alé we paale nyi si, ’bɛzan ɛ dan an va.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

WENÉNÉ LE JAN A GYE (Évangile selon Jean) 8:36

Dé maa Bale Be ka kɛlɛ minénu nya, ka dan vo lɛ kaboma webozen nya.

Rom munu 6:22

Naa, sin ka si wenyané lee yé ka kɛlɛ Kazambale lé luu nya, ’té ka ma tɔnɔ lé ke kɛlɛle sauun nya yé a ’wuoplana lé é ke vole é yuɛma lé a glɛ ’ka lo, a nya.

Rom munu 8:15

Yé ka ’ka luu bli ye lɛ yé ka kanaan é ziin lo, naa, mi né bozen bli lé ka a ye, a nya lé kaa siaan: Aba, ’bɛ gi léé, an ti.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

1 Korent munu 7:22

Naa, mian Mizan a laa, ’té é a luu nya, é a Mizan lé miné nya. A zo duo lé, miné lé Mizan a laa, é a Krist lé luu nya.

Galasi munu 5:1

Krist kaa si luu gi, kaa kɛlɛle miné nya we ma. Bɛwemalé ’ka dɔ gligli; té ka nyi si léé, ka wɔra wolé luubale gi é dɛrɛ lo.

Galasi munu 5:13

Bwenu, wo ka laa ka vole kaboma we ma. Naa, té é kɛlɛ ka dɔna nya yé ka ka dɔbɛ kyɛn lé blibɔmawe kɛlɛ lo; naa, ’ka kɛlɛ ka ke wuozannu nya lɔrɔpale nya.

2 Timoté 3:7

Wa we draanna yifaama, yé wo ’ka bɔna webozen dɔɔle lɛ monomono lo.

SEBE LÉ JAK A GYE (Épitre de Jacques) 1:25

Naa, bélidɔwe lé gun ’ka a ma lo, ’té éé mi voo éboma, mi lé éé a gi kulian pɛnpɛnpɛn yarapalale nya, ’té é ’ka é tɔné dɔa a lɛ é pla yé ’bɛ zuo yé éé saan a gi lo, ’té éé a tawe kɛla tegele, ’bɛzan gi é dan nana lɛ, é a lɛdɔma, ’bɛzama.

SEBE LÉ JAK A GYE (Épitre de Jacques) 2:12

Wo dan kalé we ble lɛ mivoébo?-?ma bélidɔwe yɛrama, amalé ’ka we fe yé ’ka we kɛlɛ a yɛrama.

1 Piɛri 2:16

’Ka tawo minénu nya, naa, té ka we lɛrɛlɛrɛ kɛlɛ ka vole kaboma tɔ gi lo. ’Ka we kɛlɛ Kazambale wuomunu lé wekɛlɛbɛ nya.

2 Jan 1:1

Lezan Kiria lé Bale a si a va, bii valé ilé nénu, an we ka va. Maa, léglizi gi mi segele, maa ɛ ke sɛbɛ ’ko pana ka lɛ zia. Ka sɔ an lɛ webozen nya, yé maa do lɛan ka sɔ lo; naa, munu lé wo webozen dɔɔ, ’bɛnu koo é ziin, ka sɔ ’bɛnu lɛ.