WENÉNÉ LE JAN A GYE (Évangile selon Jean) 8:29 - Kazambale lé Sebe Sauunu 1979

²⁹ Mi lé é an pa zia é a an va; a sɔlɛwe lé maa kɛla yifaama, amalé é ’ka an voo an do lo.

WENÉNÉ LE JAN A GYE (Évangile selon Jean) 8:29 ပူးပေါင်းရင်းမြစ်များ

Ézai 42:1

An wuozan lé maa dɔ a zuo, yee lo, Maa a si a va, yé é sɔ an bli lɛ. Maa an léli vɔ a ta; É dan wetegele fe lɛ bɛnnu lɛ.

Ézai 42:21

É sɔ Gakelebale lɛ léé, é migisan é ma bélidɔwe blɛn kɛlɛ, Izraɛl munu gi nanale we gi.

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 3:15

Jézu a zi pa a lɛ léé: ’I bli si izé lɛ, ’i anzé kɛlɛ. Naa, é a é zima léé, ko Bale dére tawe faa kɛlɛ tegele. Yé Jan ’ka we bɛ fe lɛ é dɛrɛ lo.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

WENÉNÉ LE JAN A GYE (Évangile selon Jean) 14:31

Naa, é a lé tɛrɛlamunu a gi dɔɔ léé, an Ti sɔ an lɛ yé maa a dére tawe kɛla. ’Ka nwa fɛkona, kaa go.

WENÉNÉ LE JAN A GYE (Évangile selon Jean) 15:10

Dé ka anlé bélidɔwenu kɛla, ka dan vo lɛ anlé sɔlɛle gi, bélé fɛan zo lé maa an Ti lé bélidɔwenu kɛlɛ yé maa vo alé sɔlɛle gi, a zo.

WENÉNÉ LE JAN A GYE (Évangile selon Jean) 16:32

Ka ye, a bléyi é dan bɔ lɛ yé é bɔ tɛkɛ, yé ka dan fwila lɛ yé ka faa é go kalé fɛna do do, yé ka an vo an do; naa, an Ti a an va, amalé maa ’ka an do lo.

WENÉNÉ LE JAN A GYE (Évangile selon Jean) 17:4

Maa i tɔ kɛlɛ blɛn tɛrɛ la, yé nyanama lé bé nɔ an lɛ léé, maa a pa, maa a pale lɛ sɔɔ.

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

WENÉNÉ LE JAN A GYE (Évangile selon Jean) 5:30

Maa ’ka bɔa we do kɛlɛle lɛ anbo ’wuo gi lo. We lé maa a maan, a yɛrama lé maa we blé; yé maa ’ka anbo lé blibɔmawe kɛlɛna lo; naa, mi lé é an pa zia, alé blibɔmawe lé maa ke a kɛlɛna, bɛwemalé an we blé tegele.

WENÉNÉ LE JAN A GYE (Évangile selon Jean) 6:38

An ’ka si lɛ la gi yé an da anbo lé blibɔmawe kɛlɛle we ma lo, naa, an si la gi yé an da, mi lé é an pa zia, alé blibɔmawe kɛlɛle we ma.

WENÉNÉ LE JAN A GYE (Évangile selon Jean) 8:16

Maa ’ka an do lo, an Ti lé é an pa zia, é a an va, bɛwemalé dé maa a we blena, an we blé éboen ma.

2 Timoté 4:17

Mizan ɛ bɔ an va, yé é an dɔ plɛplɛ anlé wefele lɛsɔɔle we ma, bɛnnu faa lé a ’male we gi. Yé Bale an si golizra lɔ ma.

2 Timoté 4:22

Mizan ’é vo i léli va ma. Bale ’é ka drɔɔ vo ma. Amɛɛn.

Ébrunu 4:15

Balebanmunu ’lɛzan lé é ’ka bɔaléé, é nyanai zén kaa lé kaa ke tɔɔtɔɔ, kaa ta lo, ’bɛzan ’ka kaazé nya lo. Naa, fɛan zo lé woo kaa gi daan, a zo duo lé wa é gi dan bɛ faa ma, yé é ’ka wenyané do kpen kɛlɛ lɛ duowo lo.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

1 Jan 2:1

Anlé né kiénénu, maa a we ’konu gyɛna ka lɛ, té ka wenyané kɛlɛ lo we ma. Yé dé mianzan wenyané kɛlɛ, kaa ta weblezan a kaa Ti sɔnɔ mi, yee lé é ke mi tegele Jézu Krist nya.

1 Jan 3:22

Dé kaa fɛofɛan laa Bale lee, kaa a yé a va, kaa a alé bélidɔwenu kɛlɛna, é valé a sɔlɛwenu nya, azama.