WENÉNÉ LE JAN A GYE (Évangile selon Jean) 8:12 - Kazambale lé Sebe Sauunu 1979

¹² Jézu we fe wo lɛ é ziin, yé é léé: Maa lé é ke tɛrɛlamunu lé san nya. Mian éé dan an zuo, é ’ka dan tawo lɛ gunutinu va lo, naa, é dan mibélisan ye lɛ.

WENÉNÉ LE JAN A GYE (Évangile selon Jean) 8:12 ပူးပေါင်းရင်းမြစ်များ

JOB (Job) 33:28

Kazambale an boen tabo, léé, té an go guru gi lo, Yé é an fuo fɛnafu va bélé luvwi bile zo.

Lɛrɛvɔ Sɛbɛ 18:28

Munu lé wo ’wobo kɛla kiéné, i wo sié we gi, Yé munu lé woo mi naginian ’wo yuɛ zuo boblɛn nya, i wo zunwo.

Lɛrɛvɔ Sɛbɛ 49:19

Alé tɛrɛla gi, é a ye léé, ézé a néné, Yé munu i tɔ zin fe léé, i wezin kɛlɛ ibo lɛ.

Lɛrɛvɔ Sɛbɛ 97:11

Mi tegelenu lé we ma lé Kazambale éé san nwɛɛn‐an, Yé munu lé wo bli ke tegele, wolé we ma lé ginanale ke.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 9:2

I munu ’ko kɛlɛ kiɛre, I ginanamawe kɛlɛ wo lɛ. Wo gi a nanana i ’lɛ bélé ’sagyɛmunu gi nanale zo, Woo siaan ginanale nya, bélé gulizarafɛ gulizannu zo.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 5:14

Ka a san nya tɛrɛ la. Fla lé wa pa gɔ nwiin, wo ’ka bɔa a yɔɔle lɛ lo;

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LE JAN A GYE (Évangile selon Jean) 12:35

Jézu lé wo lɛ léé: San ana é ziin bléyi sɛ nya ka méléna. Bléyian va lé san ke ka va, ’ka tawo, té béli é tan ka ma lo; mi lé é ke tawona gunutinu va, é ’ka é gona dɔɔa lo.

WENÉNÉ LE JAN A GYE (Évangile selon Jean) 12:36

Bléyian va lé san a ka va, ka bli é vo san lɛ, ka va kinile we gi. Jézu we ’konu fe aan wo, é go yé é yɔɔ wo lee baa.

WENÉNÉ LE JAN A GYE (Évangile selon Jean) 12:46

Maa ɛ ke san nya, yé maa ɛ da tɛrɛ la léé, dé miomian bli vo an lɛ, é ’ka vo gunutinu va lo.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 3:19

Wean ma lé woo munu lé we blé, yee lé ke ’ko: wo kɛlɛwenu a lɛrɛlɛrɛ; bɛwemalé san da aan wo tɛrɛ la, gunutinu sɔ wo lɛ é mini san ta.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

WENÉNÉ LE JAN A GYE (Évangile selon Jean) 9:5

Bléyian va lé maa ke tɛrɛ la ’ko, maa a tɛrɛlamunu lé san nya.

Kelewenu 13:47

Mizambale ko béli dɔ yee ɛ zo; é léé: Maa i dɔ bɛnnu lé kyɛsan nya, Maa i dɔ léé, ’i misiéwegidére fe fɔɔ tɛrɛ glɛ sina.

Kelewenu 26:23

Yee wenu lé ke ’ko: Krist é dan nyané ble lɛ, yé é dan kɛlɛ lɛ mi gale nwale vinin nya gamunu va, yé é dan san lé we fe lɛ ko bɛn valé bɛn bɛnu lɛ.

2 Piɛri 2:17

Munu ’konu a bélé ’yibɔnanu lé ’yi ’ka wo gi lo, wo zo; latinu lé fu plɛplɛ ke gona wo nya, wa wo zo; gunuti tiritiri ta a é dɔle wozé nya.

2 Piɛri 2:4

Naa, Kazambale ’ka wenyanékɛlɛ lanjenu vo lɛ lo, é wo vuli gurunu lé wo gi gunu ke, wo gi, yé é wo tadɔ ’bɛna, léé, ’wo weblele lɛbɛn.

1 Jan 1:6

Dé kaa fe léé, kaa a wo nya mi do, yé ’té kaa tawoo gunuti va, ’té vié lé kaa ke a wona, ’té kaa ’ka we kɛlɛna webozen yɛrama lo.

SEBE LÉ JUD A GYE (Épitre de Jude) 1:13

Wa bélé wɛyi nwale plɛplɛnu lé, woo ’wo buiɛ tiridɔlenu nwɛɛn‐an, wo zo; wa bélé monéné saanlenu lé, gunutinu ke é tadɔle wozé nya lɛɛfaama, ’té a glɛ ’ka lo bɛ, wo zo.

SEBE LÉ JUD A GYE (Épitre de Jude) 1:6

Lanjenu lé we sele ’é dɔ ka gi é ziin; wo ’ka dɔ lɛ ’wo dɔna lo, yé wo sɔn vɔ ’wobozen nyanana ma yé Kazambale wo yere gɔgɔbalenu lé wo ’ka kinié monomono lo, wo nya, yé é wo tadɔ gunuti tiritirinu va, alé wolé we blele we gi yi blɛn nya. Yee kaan loo?

Wegɔɔnle 21:24

Bɛnnu é dan tawo lɛ a san va yé tɛrɛ la minwiinzannu é dan da lɛ ’wolé fua nya a gi.