WENÉNÉ LE JAN A GYE (Évangile selon Jean) 7:39 - Kazambale lé Sebe Sauunu 1979

³⁹ É we ’ko fe munu lé wo dan ’wo bli vo lɛ a lɛ, Kazambale Léli lé wo dan a ye lɛ, alé we ma. Jézu ’ka tan wɔra lɛ élé fua gi lo; bɛwemalé Bale ’ka tan ’é Léli nɔ lɛ munu lɛ lo.

WENÉNÉ LE JAN A GYE (Évangile selon Jean) 7:39 ပူးပေါင်းရင်းမြစ်များ

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Wegɔnévɔlenu 1:23

’Ka nɔla anlé wepladére ’male we gi. Ka ye, maa dan an léli zén lɛ ka ta. Maa dan an dére paa lɛ ka gi.

Ézai 12:3

Ka dan ka béli’yi’wuo tɔ lɛ Ginanale nya;

Ézai 32:15

Fɔɔ yé léli é si la gi yé é zén ko ta, yé bwi la tɛrɛ é nɔla tɛrɛ lé éé fɛ dɔa di, a nya, yé ’bɛ tɛrɛ é kɛlɛ bélé pɔrɔ zo.

Ézai 44:3

Naa, an dan ’yi zén lɛ tɛrɛ wiéwié ta, Maa dan ’yi yoro lɛ tɛrɛ gale ta; Maa dan an léli zén lɛ i bɛn ta, Maa dan i kulu drɔɔ vo lɛ.

Joɛl 2:28

’Bɛ zuo, an dan an Léli zén lɛ mi faa ta; Ka benu valé ka lunu é dan balelawe fe lɛ, Kalé mi kwanu é dan nyɛ gyɛ lɛ, Yé kalé pɛniɛnu wo dan wenu ye lɛ yuɛzi gi.

Matio 16:14

Wa zi pa léé: Mi kenu léé, bii a mi batizéwozan Jan nya; yé a kenu léé, bii a Éli nya; yé a koɛnu léé, bii a Jérémi nya, dé ’bɛ kaan lo, ’té bii a balelayemunu va balelayezan do nya.

Matio 21:11

Mi gunu léé: Balelayezan Jézu lé; é si Nazarɛt, Galilé tɛrɛ la.

WENÉNÉ LÉ LUK A GYE (Évangile selon Luc) 24:49

Yé fɛ lé an Ti a fe léé, é dan a nɔ lɛ ka lɛ, maa ɛ dan a zén lɛ ka ta; naa, ’ka vo fla ’ko la fɔɔ yé Bale é ka suu élé lagi plɛplɛ nya.

WENÉNÉ LÉ LUK A GYE (Évangile selon Luc) 3:16

É lé wo faa lɛ léé: Maa ka batizéwoo ’yi nya, naa, mi lé é ke plɛplɛ é mini an ta yé a yara ’ka an yara lé maa alé sawala bale fuo lo, é dan da lɛ. Yee ɛ dan ka batizéwo lɛ Léli Sauun valé kyɛ nya.

WENÉNÉ LÉ LUK A GYE (Évangile selon Luc) 7:16

Kana zén munu faa gi yé wo Kazambale tɔ bɔ a fele nya léé: Balelayezan blɛn bɔra ko méléna, yé Kazambale da élé munu va.

WENÉNÉ LE JAN A GYE (Évangile selon Jean) 1:21

Yé wa laa a lee léé: I a de ɛ nyaa? Éli lé i nyaa? Yé é léé: Maa ’ka ’bɛ nya lo. Yé wo léé: Balelayezan‐o bɛ, bii ɛ ke a nyaa? Yé é léé: Gba.

WENÉNÉ LE JAN A GYE (Évangile selon Jean) 1:25

Yé ’bɛnu we laa a lee léé: Dé i ’ka Krist nya lo, dé i ’ka Éli nya lo, dé i ’ka balelayezan‐o ’bɛ nya lo, mɛmalé i munu batizéwoo?

WENÉNÉ LE JAN A GYE (Évangile selon Jean) 1:33

Maa ’ka a dɔɔ lɛ lo, naa, mi lé é an pa zia léé, an munu batizéwo ’yi nya, yee ɛ fe an lɛ léé: Mi lé i dan Kazambale Léli ye lɛ zunna a ta, yé é dɔ a nwiin, yee ɛ ke mi lé é dan munu batizéwo lɛ Léli Sauun nya bɛ, a nya.

WENÉNÉ LE JAN A GYE (Évangile selon Jean) 12:16

É vinin a zuomunu ’ka we ’konu gi ’ma lɛ lo, naa, Jézu wɔra aan wo élé fua gi, a sele dɔ wo gi léé, wo we ’konu gyɛ sɛbɛ gi alé we ma yé a kɛlɛwenu yee sɛbɛ gi we lɛ sɔɔ.

WENÉNÉ LE JAN A GYE (Évangile selon Jean) 12:23

Yé Jézu a zi pa wo lɛ léé: Bléyian va lé wo dan maa blami Be tɔ kɛlɛ lɛ blɛn, é bɔ.

WENÉNÉ LE JAN A GYE (Évangile selon Jean) 14:13

Yé we faa lé ka a laan an tɔ gi, maa a kɛla, an Ti tɔ kɛlɛle blɛn, maa a Be gi we ma.

WENÉNÉ LE JAN A GYE (Évangile selon Jean) 14:26

Naa, tɔrɔpaazan lé é ke Léli Sauun nya, ’té Ti é dan a pa lɛ zia an tɔ gi bɛ, é dan we faa paa lɛ ka gi, yé we faa lé maa a fe ka lɛ, é dan wo sele dɔ lɛ ka gi.

WENÉNÉ LE JAN A GYE (Évangile selon Jean) 16:14

We lé é dan a fe lɛ, anlé we lé, bɛwemalé é dan an tɔ kɛlɛ lɛ blɛn.

WENÉNÉ LE JAN A GYE (Évangile selon Jean) 16:7

Naa, webozen lé maa a fe ka lɛ duowo, dé an go ’bɛ fila vɔ ka lɛ; naa, dé an ’ka go lɛ lo, Tɔrɔpaazan ’ka dan da lɛ ka va lo; naa, dé an go maa dan a pa lɛ ka lɛ zia.

WENÉNÉ LE JAN A GYE (Évangile selon Jean) 17:1

We ’konu fele zuo Jézu é yara nwa loru yé é léé: An Ti, a bléyi bɔ. Maa lé ke i Be nya ’ko, ’i an tɔ kɛlɛ blɛn yé maa i é tɔ kɛlɛ blɛn é ziin,

WENÉNÉ LE JAN A GYE (Évangile selon Jean) 17:5

Yé sin, bii an Ti, ’i an tɔ kɛlɛ blɛn ibozen va, fua lé é ke an lee é kyɛn i va, ’té tɛrɛ ’ka tan lo, a nya.

WENÉNÉ LE JAN A GYE (Évangile selon Jean) 20:22

Dére ’konu fele zuo, é wo suu é ’léé fu nya, yé é lé wo lɛ léé: ’Ka Léli Sauun ye ma.

WENÉNÉ LE JAN A GYE (Évangile selon Jean) 6:14

Gyɛzorowe lé Jézu a kɛlɛ bɛ, dé munu ’konu a ye, wo léé: Balelayezan lé, wo léé, é dan da lɛ tɛrɛ la, yee lé é ke mi ’ko nya webozen nya.

WENÉNÉ LE JAN A GYE (Évangile selon Jean) 7:12

Mi gu worona munu vo za kiɛre vɔna a ta. Mi kenu léé: Mi zin lé. Yé a kenu léé: Gba, é a munusaanzan nya.

WENÉNÉ LE JAN A GYE (Évangile selon Jean) 8:54

Jézu a zi pa wo lɛ léé: Dé maa anbo tɔ kɛla blɛn, ’té an tɔbɔle a we pla nya. An Ti ɛ an tɔ kɛla blɛn, yee lé ka léé, é a ’wolé Bale nya.

Kelewenu 19:2

Ka bli pa aan wo Bale lé we gi ’naan, ka Léli Sauun yee? Wo lé a lɛ léé: Dé Léli Sauun ana, ko ’ka tan ’bɛ we ’ma lɛ lo. Yé é léé:

Kelewenu 2:17

Kazambale léé: Yi voélazannu nya an Léli é dan mi faa kun lɛ; Ka benu valé ka lunu é dan balelawe fe lɛ, Yé kalé pɛniɛnu é dan fɛnu ye lɛ yuɛ zi gi, Yé kalé mi kwanu é dan nyɛ gyɛ lɛ.

Kelewenu 2:33

Kazambale a nwa aan wo é bɛyi nya, yé Léli Sauun lé a Ti a nɔle lé we fe a lɛ é kyɛn, é a ye a va, yé é a zén ko ta, fɛan zo lé ka a ye yé ka a ’ma, a zo.

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 2:4

Yé Léli Sauun vɔ wo faa la yé wo wefele pélisia dére bɛnu gi, fɛan zo lé Léli a pa wo ’léé, a zo.

Kelewenu 3:13

Abraam koo, Izak koo, Jakɔb koo, wozé Bale, kaa tranu zé Bale, ’bɛ é wuozan Jézu tɔ kɛlɛ blɛn. Yee lé ka liwo, yé ka sɔn vɔ a ma Pilat ’lɛ, ’té é dɔ ’bɛ gi léé, ’é dan a vo lɛ éboma.

Kelewenu 4:31

Wo nyaa bazorole nya aan wo, fɛana lé wo ke é zénle ékeva, a ma nyɔɔn, yé Léli Sauun wo faa kun yé wo Kazambale dére fe wo bli tadɔle plɛplɛ nya.

Rom munu 8:9

Yé ’kaa, ka ’ka ka dɔbɛ kyɛn gi lo, ka a Kazambale Léli dɔbɛ gi, ’té dé Kazambale Léli a ka gi. Dé Krist Léli ’ka mian gi lo, ’té ’bɛzan ’ka azé nya lo.

2 Korɛnt Munu 3:8

Dé ’bɛ a ’bɛ zo, Bale va nyanama lé éé Léli Sauun no nii? ’Bɛlé fuasan ’ka mini lɛ koɛ ta loo?

Éfez munu 4:30

Té ka Kazambale Léli ’namawe kɛlɛ lo, a nya lé Kazambale fɛ dɔ ka ma taboyi zé nya.