WENÉNÉ LE JAN A GYE (Évangile selon Jean) 7:37 - Kazambale lé Sebe Sauunu 1979

³⁷ Fɛti yi nyaana nya, yee lé é ke fɛti yi blɛn nya, Jézu dɔ loru, yé é siaa léé: Mian ’yiminilɔrɔ ke a gyɛna, ’é da an va ma, yé ’é ’yi mini ma.

WENÉNÉ LE JAN A GYE (Évangile selon Jean) 7:37 ပူးပေါင်းရင်းမြစ်များ

Néémi 8:18

Woo Bale lé bélidɔwe sɛbɛ ta fé yi faa do do ma, é sia a yi vininzan ma fɔɔ yé é bɔ a yi nyaala nya. Wo yee fɛti kɛlɛ yi sɔrafié; a yi sɔraazan nya wo zénle ékeva plɛplɛ kɛlɛ. Bale wo béli dɔ fɛan zo, a zo.

Lɛrɛvɔ Sɛbɛ 143:6

Maa an bɛnu soian i vazia; I lɔrɔ an boen gya bélé ’yiminilɔrɔ zo. Ka ye do.

Lɛrɛvɔ Sɛbɛ 42:2

Fɛan zo lé vɔlɛ éé flin‐é ’yi lé éé yoroan, a minilɔrɔ nya, Oo Bale, a zo duo lé an boen éé flin‐é i yelɔrɔ nya.

Lɛrɛvɔ Sɛbɛ 63:1

Lɛrɛ lé David a vɔ, ’té é a nyéné saa lé fɛna Juda tɛrɛ la.

Wegɔnévɔlenu 1:20

Wedɔɔle éé siaan fla worona zinu ta, éé dére nwaan flɛnu gi;

Wegɔnévɔlenu 8:1

Wedɔɔle ’ka siaana loo? Gikinile ’ka é dére nwana loo?

Wegɔnévɔlenu 8:17

Munu lé an sɔ wo lɛ, wo sɔ an lɛ, Yé munu lé woo an ginian, woo an yé.

Wegɔnévɔlenu 8:3

É a siaana flagɔrɔ ’léé koo, Gɔrɔ gi koo, kɔn ’léénu koo, wona, yé é léé:

Wegɔnévɔlenu 9:3

É wuolomu nwunvɔ, éé siaan fla gɔ nwiin yé é léé:

Wegɔné Ma Lɛrɛ 5:1

An buru, an bwɛ, an wɔra anlé féi, An mirélia valé bla ginzannu so, Maa anlé zɔrɔnyɔnɔ valé a yoduo ble, Maa anlé dɔrɔ valé nɔnɔ mini. — An béénu, ’ka ble, ’ka mini, sɔlɛle ’é ka gyɛ bélé nwɛ zo.

Ézai 12:3

Ka dan ka béli’yi’wuo tɔ lɛ Ginanale nya;

Ézai 40:2

’Ka siaa Jérusalɛm munu lɛ, ’ka fe wo lɛ léé: Wolé luu kɛlɛle nyaa, Wolé weple ’yibo, Gakelebale we lɛdɔ wo gi Wolé wenyané faa ma gɔnɔ fié.

Ézai 40:6

Dére do léé: ’I siaa! Yé é a zi pa léé: An siaa dére kaa nyaa? Munu faa a bélé lu zo, Yé wolé fua faa a bélé féi lu vwi zo.

Ézai 44:3

Naa, an dan ’yi zén lɛ tɛrɛ wiéwié ta, Maa dan ’yi yoro lɛ tɛrɛ gale ta; Maa dan an léli zén lɛ i bɛn ta, Maa dan i kulu drɔɔ vo lɛ.

Ézai 55:1

’Kaa faa lé ’yiminilɔrɔ ke ka gyɛna, ’ka da ’yi va, Dé gɔɔli ’ka mian lee looo, ’Ka da fɛ lɔ yé ka ble. ’Ka da, ’ka nwɛ valé dirinyɔyi lɔ, gɔɔli we kaan lo, yé a banwowe ’ka a gi lo.

Ézai 55:3

’Ka an ban ka tɔné nya, yé ’ka da an va, ’Ka tɔné dɔ yé kaboen é dan vo lɛ é yuɛma; Gipawe lé é ’ka nyaan lo, kaa dan a kɛlɛ lɛ, Yé zin lé maa fe léé, maa dan a kɛlɛ lɛ David lɛ, a yi ’ka dan ga lɛ lo.

Ézai 58:1

’I siaa plɛplɛ, té ibo kun lo; ’i dére nwa plɛplɛ bélé béli zo; ’i anlé munu lé weple fe ’wo lɛ, ’i Jakɔb lé munu lé wenyané fe ’wo lɛ.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Ézékiɛl 47:9

Fɛ yuɛmalenu faa lé wo ke ’yi va, wo dan vo lɛ é yuɛma, fɛ faa na lé ’yi ’ko é dan bɔ lɛ, ana. Pɔ é dan kɛlɛ lɛ a va kiɛre, naa, fɛana lé ’yi ’ko é dan bɔ lɛ, wɛ ’ka dan kɛlɛ lɛ ana ’yi ma lo. Yé fɛana lé ’yiyoro ’ko é dan bɔ lɛ, fɛ faa é dan vo lɛ é yuɛma ana.

Lévinu 23:36

Saraka lé wa kyɛ blé, ka dan a bo lɛ Gakelebale lɛ yi sɔrafié. A yi sɔraazan nya, ka dan zénle ékeva plɛplɛ kɛlɛ lɛ, yé sarakanu lé wa kyɛ blé, ka dan wo bo lɛ Gakelebale lɛ; é a zénle ékeva blɛɛn nya, té ka nyanama pa lo, ’té dé é ’ka ka ma’lɛrɛle nya lo.

Lévinu 23:39

Moné sɔrafiézan lé yi vu ta soruzan nya, dé ka kalé féifɛnu gyɛ, ka dan fɛti kɛlɛ lɛ Gakelebale lɛ yi sɔrafié; a yi vininzan a flinyi nya, yé a yi sɔraazan a flinyi nya.

Misé 6:9

Gakelebale dére a wena fla, yé mi lé é we dɔɔ, é dan kana lɛ a tɔ ma. ’Ka vlewɔlɛ valé ézan dére ’ma ma.

Zakari 9:15

Lai sunyanu lé Gakelebale é dan wo tabin lɛ; Wo dan fɛna faa ble lɛ, wo dan paalu gi gɔlɛnénu kele lɛ; Wo dan nyɛ mini lɛ, yé wo vun é dan we lɛ bélé nwɛgyɛzannu zo; Wo dan fan lɛ a nya bélé wi nyɛ zéngikana zo, Bélé balebanna sunlanu zo.

Mi Nɔnɔle 29:35

A yi sɔraazan nya, ’ka zén‐ékeva plɛplɛ do kɛlɛ, té ka nyanama do kpen pa lo, ’té dé é ’ka ka ma’lɛrɛle nya lo.

Matio 11:28

Ka faa lé, ka wɔlɛ gi ke é nyaale ka ma, yé kɔné blɛn ke ka nwiin bɛ, ’ka da an va, yé maa flinle nɔ ka lɛ.

Matio 3:3

Balelayezan Ézai a fe aan wo léé: Mi lé é ke siaana bwi gi, a dére lé ke ’ko: ’Ka zi ma’lɛrɛ Mizan lɛ; ’Ka alé zinu ta bɔ ékema, mian Ézai a mawe fe bɛ, Jan lé.

Matio 5:6

Munu lé, we tegele lɔrɔ ke wo ma bélé ’yiminilɔrɔ zo, wa bɛan ’bɛ gi bɛ, ’bɛ a é zima wozé nya, naa, Bale é dan lɔrɔ si lɛ wo ma.

WENÉNÉ LE JAN A GYE (Évangile selon Jean) 1:23

É léé: Balelayezan Ézai a gyɛ élé sɛbɛ gi léé: Mi lé é ke siaana bwi gi, a dére lé ke ’ko: ’Ka Mizan lé zi ta bɔ ékema. Yee dére lé ke an nya.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:11

Lezan lé a lɛ léé: Mizan, fɛ do kpen ’ka i lee ’yitɔfɛ nya lo, yé ’yiguru gi a baa. I dan mibéli’yi ’ko ye lɛ fɛ kyɛnnaa?

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 5:40

Yé é ’ka sɔ lɛ ka lɛ léé, ka da an va ka vole é yuɛma we gi lo.

WENÉNÉ LE JAN A GYE (Évangile selon Jean) 6:35

Jézu lé wo lɛ léé: Maa lé ke mibéliburu nya. Mi lé é da an va, lɔrɔ ’ka dan a gyɛ lɛ monomono lo, yé mi lé a bli vo an lɛ, ’yiminilɔrɔ ’ka dan a gyɛ lɛ monomono lo.

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LE JAN A GYE (Évangile selon Jean) 6:55

Naa, an wi a blefɛ bozen nya; yé an nyɛ a minifɛ bozen nya.

WENÉNÉ LE JAN A GYE (Évangile selon Jean) 7:28

Jézu a we paana aan wo munu gi Balebangikɔn gi, yé é siaa yé é léé: Ka an dɔɔ, yé fɛana lé an si, ka ana dɔɔ. Maa ’ka da lɛ anboan lo, naa, mi lé é an pa zia, é a webozen nya, yé ka ’ka a dɔɔa lo.

1 Korent munu 10:21

Ka ’ka bɔa ’yi minile lɛ Mizan lé kana gi yé ka a mini yo zé gi lo; ka ’ka bɔa Mizan lé fɛ blele lɛ yé ka yonu zé ble lo.

1 Korent munu 10:4

yé Balenɔyi lé wo faa a mini. Balenɔgɔlɛ lé é tawo wo zuo, a gi ’yi lé wo faa a mini. Yé gɔlɛ ’ko a Krist nya. Bwenu, we ’ko sele ’é dɔ ka gi ma.

1 Korent munu 11:25

’Bɛ zo duo lé, fɛblele zuo, é ’yiminikana si yé é léé: Fɛ lé ke kana ’ko gi, an nyɛ lé é gipawe dɔ plɛplɛ, yee lé. Dé ka a fɛ minina a gi yian nya, ’ka we ’ko kɛlɛ an sele dɔle ka gi we ma.

1 Korent munu 12:13

Kazambale Léli do kpen nya lé wo kaa faa batizéwo kɛlɛle kɔlɛ do kpen nya we ma; dé ko a Grɛkinu nyaoo, dé ko a luu nyaoo, dé ko a miné nyaoo, yee Léli do kpen lé kaa faa a mini bélé ’yi zo.

Éfez munu 5:18

Té nwɛ é ka gyɛ lo ma, ’bɛ a we vɔnle nya, naa, Kazambale Léli ’é ka kun ma.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Wegɔɔnle 22:1

Yuu lé éé mi voo é yuɛma, ’té a yuɛ a sésé bélé vlinvlin wezan zo, ’té éé sié Kazambale valé ’Blané lé webleblin gi bɛ, lanje a gɔɔn an lɛ.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.