WENÉNÉ LE JAN A GYE (Évangile selon Jean) 7:35 - Kazambale lé Sebe Sauunu 1979

³⁵ Bɛwemalé Juifinu lé wo ke lɛ léé: Fɛ kyɛnna lé é dan go lɛ, yé ko ’ka dan a ye lɛ loo? É dan go lɛ munu lé wo ke é sɔɔlale Grɛkinu suiɛ gi do do, wo vaa? Yé é dan we paa lɛ Grɛkinu gii?

WENÉNÉ LE JAN A GYE (Évangile selon Jean) 7:35 ပူးပေါင်းရင်းမြစ်များ

Lɛrɛvɔ Sɛbɛ 147:2

Gakelebale éé Jérusalɛm dɛrɛ paan; Izraɛl munu lé wo wo fwila, éé wo zén‐é ékeva é ziin.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Ézai 56:8

Mizan Gakelebale lé, éé Izraɛl lé lulazannu zén‐é ékeva, é léma: Munu lé wo zén Izraɛl va é kyɛn kwakwa, maa dan mi bɛnu zén lɛ wo va.

Sofoni 3:10

An bɔzannu, anlé munu lé wo fwila, wo dan si lɛ Étiopi yuunu zi yé wo dan da lɛ an blan nya.

Matio 12:21

Yé bɛn bɛnu bli é vo a tɔ lɛ.

WENÉNÉ LÉ LUK A GYE (Évangile selon Luc) 2:32

É a bɛnnu vakinisan nya, ilé munu Izraɛl tɔbɔle nya yé maa a ye an yuɛ nya.

WENÉNÉ LE JAN A GYE (Évangile selon Jean) 12:20

Munu lé wo da Kazambale bɔ lɛ fɛti yinu la, Grɛki mi kenu a wo va.

WENÉNÉ LE JAN A GYE (Évangile selon Jean) 7:1

’Bɛ zuo, Jézu gié Galilé tɛrɛ la. É ’ka sɔ lɛ a lɛ léé, é gié Judé tɛrɛ la lo, ’bɛna Juifinu a kwa kulina léé, ’wa gya, azama.

WENÉNÉ LE JAN A GYE (Évangile selon Jean) 8:22

É a fe aan wo léé, fɛana lé é dan go lɛ, ka ’ka bɔa gole lɛ ana lo, bɛwemalé Juifinu léé: É dan ébo gyɛ léé?

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 11:20

Naa, wo va mi kenu lé wo ke Sipri tɛrɛ la munu valé Sirɛne munu nya, wo da Antiɔs, yé wo we fe Grɛkinu lɛ é ziin, yé wo Mizan Jézu lé wenéné fe ’bɛnu lɛ.

Kelewenu 14:1

Pɔl valé Banabas a Ikonium aan wo, wo wɔra ’bɛna Juifinu lé bazorokɔn gi. Wo we fe fɛan zo, amalé Juifinu kiɛre valé Grɛkinu kiɛre wo bli vo a lɛ.

Kelewenu 17:4

Wo va mi kenu dɔ dére ’ko ta, yé wo péli vɔ Pɔl valé Silas va. Yé é ziin, Grɛki mi kiɛre lé wo ke Juifinu lé bazorona, é valé lɛamalomu kiɛre, ’bɛnu a wo va é ziin.

Kelewenu 18:4

Flinyi faa do do ma, Pɔl éé we fé bazorokɔn gi, ’té éé kwa kulian léé, é Juifinu valé Grɛkinu bɔn‐in kini.

Kelewenu 21:21

Wa ’ma léé, Juifinu lé wo ke bɛn bɛnu méléna, bii a we paana wo gi léé, ’wo sɔn vɔ Moizi ma, yé i lé wo lɛ léé, té wo nunu gane dɔ lo, yé té wo ’wo tranu gɔnɔlawenu kɛlɛ lo.

Kelewenu 22:21

Yé é lé an lɛ léé: ’I go. Maa dan i pa lɛ zia baa bɛn bɛnu va.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Éfez munu 3:8

Maa lé an ke Kazambale lé munu faa va mi kiéné nya, Bale zin ’ko kɛlɛ an lɛ léé, Krist lé fuawenu lé wo ’ka wo gi ’male nyaan lo, maa wolé we fe bɛn bɛnu lɛ,

Kolɔs munu 1:27

Weyɔɔle ’ko a we tɔbɔle blɛɛn nya bɛnnu faa méléna fɛan zo, é sɔ Kazambale lɛ léé, ’é a gɔɔn élé munu lɛ. Yee weyɔɔle lé ke ’ko: Krist a ka gi, amalé ka bli a a lɛ léé, kazé a Bale lé fua tɔbɔle va.

1 Timoté 2:7

Aléwemalé Bale an kɛlɛ yee we fezan valé nwunvɔzan nya, blipale lé we valé webozen paale bɛn bɛnu gi we ma. Maa a webozen fena, maa ’ka viéwona lo.

2 Timoté 1:11

Kazambale an dɔ nwunvɔzan nya Wenéné ’ko lé we ma yé é an dɔ a fezan valé a paamigizan nya.

SEBE LÉ JAK A GYE (Épitre de Jacques) 1:1

’Kaa bɛn vu ta fié lé ka ke é kinile ékema, maa Jak lé an ke Kazambale valé Mizan Jézu Krist lé lugɔnéné nya, an we ka va.

1 Piɛri 1:1

’Kaanu lé ka ke é kinile ékema yé ka kɛlɛ bɛnnu nya, Pɔnt tɛrɛ la koo, Galasi tɛrɛ la koo, Kapadose tɛrɛ la koo, Azi tɛrɛ la koo, Bitini tɛrɛ la koo, wona bɛ, an we ka va. Maa Piɛri lé an ke Jézu Krist lé nwunvɔzan nya, maa ɛ ke sɛbɛ ’ko gyɛna ka lɛ.