WENÉNÉ LE JAN A GYE (Évangile selon Jean) 7:28 - Kazambale lé Sebe Sauunu 1979

²⁸ Jézu a we paana aan wo munu gi Balebangikɔn gi, yé é siaa yé é léé: Ka an dɔɔ, yé fɛana lé an si, ka ana dɔɔ. Maa ’ka da lɛ anboan lo, naa, mi lé é an pa zia, é a webozen nya, yé ka ’ka a dɔɔa lo.

WENÉNÉ LE JAN A GYE (Évangile selon Jean) 7:28 ပူးပေါင်းရင်းမြစ်များ

Lɛrɛvɔ Sɛbɛ 9:10

Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 9:6

I nyanaan vié méléna, Vié nya lé wo sɔn vɔ an dɔɔle ma. Maa Gakelebale ɛ ke a fena.

OZÉ (Osée) 4:1

Izraɛlnu, ’ka tɔné dɔ Gakelebale dére lɛ. Naa, Gakelebale a tɛrɛ ’ko la munu mawe fena. We zin do ’ka ana lo, nyanai zénle ’ka ana lo. Kazambale dɔɔle ’ka ana tɛrɛ ’ko la lo, ’bɛzama.

OZÉ (Osée) 5:4

Bɔrɔdɛ kɛlɛbli a wo gi, yé wo ’ka Gakelebale dɔɔa lo, bɛwemalé wo kɛlɛwenu wo dale Kazambale va yi ga.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

Matio 2:23

yé é nyana fla do lé wa laama Nazarɛt, a ta, we lé balelayemunu a fe, a lɛsɔɔle we gi. Wo léé: Wo dan a laa lɛ Nazarɛtzan.

Matio 26:55

’Bɛ bléyi va Jézu lé munu lɛ léé: Ka da an kun lɛ gwɔunnu valé yilinu nya ka lee, bélé fɛan zo lé ka da kyeenwozan kun lɛ, a zo. Maa a yifaama é nyanale ka va we paana munu gi Balebangikɔn gi yé ka ’ka an kun lɛ lo.

WENÉNÉ LÉ LUK A GYE (Évangile selon Luc) 10:22

An Ti fɛnu faa nɔ an lɛ, yé mi lé maa, a Be ke a nya, mi do kpen ’ka a dɔɔa lo, ’té dé é ’ka an Ti nya lo; yé mi lé an Ti ke a nya, mi do kpen ’ka a dɔɔa lo, ’té dé é ’ka maa, a Be nya lo; é valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LÉ LUK A GYE (Évangile selon Luc) 2:11

Yee lé é ke ’ko: Mibélizan lé ke Krist nya, Mizan nya, waa yaa ka lɛ kyɔ, David lé fla.

WENÉNÉ LÉ LUK A GYE (Évangile selon Luc) 2:39

Jozɛfu valé Mari nyaa aan wo Mizambale lé bélidɔwe faa lɛsɔɔle nya, wo go ’wolé fla Nazarɛt, Galilé tɛrɛ la.

WENÉNÉ LÉ LUK A GYE (Évangile selon Luc) 2:4

Jozɛfu a David kululazan nya David lé kɔn gi, amalé é si Galilé tɛrɛ la, fla lé wa laama Nazarɛt, a ta, yé é go Judé tɛrɛ la David lé fla lé wa laama Bɛtléɛm, a ta, é tɔ gyɛle we gi,

WENÉNÉ LÉ LUK A GYE (Évangile selon Luc) 2:51

’Bɛ zuo é go wo va Nazarɛt, yé é pla wo wuo. We ’konu faa vo a bu bli gi.

WENÉNÉ LE JAN A GYE (Évangile selon Jean) 1:46

Natanaɛl lé a lɛ léé: Fɛ zin é bɔa sile lɛ Nazarɛt? Filip lé a lɛ léé: ’I da, bé ye.

WENÉNÉ LE JAN A GYE (Évangile selon Jean) 10:36

maa lé Kazambale an pa é yɛrama yé é an pa zia tɛrɛlamunu va, dé maa a fe léé, Bale Be lé ke an nya, yé ka léé, an Bale sɔnɔɔ?

WENÉNÉ LE JAN A GYE (Évangile selon Jean) 12:49

Wean maa a fe, anbo ’léé dére kaan lo, naa, we lé é a lé maa a fe, é valé dérenu lé é a lé maa a fe, an Ti lé é an pa zia, yeebozen ɛ a pa an ’léé.

WENÉNÉ LE JAN A GYE (Évangile selon Jean) 14:10

Maa a an Ti gi yé an Ti a an gi, i ’ka paan ’bɛ ta loo? Dérenu lé maa wo fé ka lɛ, anbo dére kaan lo. An Ti lé é ke an gi, yee ɛ ke élé nyanamanu pana.

WENÉNÉ LE JAN A GYE (Évangile selon Jean) 14:31

Naa, é a lé tɛrɛlamunu a gi dɔɔ léé, an Ti sɔ an lɛ yé maa a dére tawe kɛla. ’Ka nwa fɛkona, kaa go.

WENÉNÉ LE JAN A GYE (Évangile selon Jean) 16:3

Wo ’ka an Ti dɔɔa lo, yé wo ’ka an dɔɔa lo, bɛwemalé wo dan kɛlɛ lɛ a zo.

WENÉNÉ LE JAN A GYE (Évangile selon Jean) 17:25

An Ti tegele, tɛrɛlamunu ’ka i dɔɔa lo, naa, maa i dɔɔ, yé an vamunu ’ko a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 3:2

É da Jézu va é béli, yé é lé a lɛ léé: Anzan, ko a gi dɔɔ léé, bii a wepaamigizan lé é si Kazambale va, a nya. Gyɛzorowenu lé bé kɛla ’ko, dé Kazambale ’ka mi va lo, é ’ka bɔa wo kɛlɛle lɛ lo.

WENÉNÉ LE JAN A GYE (Évangile selon Jean) 3:33

Mi lé é ’wuo dɔ a dére wuo, ’bɛzan léé: Kazambale a webozen nya.

WENÉNÉ LE JAN A GYE (Évangile selon Jean) 5:32

Mi bɛ ɛ ke anlé wenayezan nya, yé maa a gi dɔɔ léé, an mawe lé é ke a fena, ’bɛ a webozen nya.

WENÉNÉ LE JAN A GYE (Évangile selon Jean) 5:43

Maa da an Ti tɔ gi, yé ka ’ka an si lɛ lo. Yé dé mi bɛ da ébo tɔ gi, ka ’bɛzan sié.

WENÉNÉ LE JAN A GYE (Évangile selon Jean) 6:42

Yé wo léé: Mi ’ko ’ka Jozɛfu be Jézu nya loo? Ko a ti valé a bu dɔɔ. É kɛlɛ kaa yé é léé, ’é si la gi yé ’é daa?

WENÉNÉ LE JAN A GYE (Évangile selon Jean) 7:14

Yi sɔraa fɛti lé; dé é bɔ é worona, Jézu go Balebangikɔn gi yé é kun we paale ma munu gi.

WENÉNÉ LE JAN A GYE (Évangile selon Jean) 8:14

Jézu a zi pa wo lɛ léé: Fɛana lé an si, maa a dɔɔ. Yé fɛana lé an dan go lɛ, maa a dɔɔ, yé an dére a webozen nya, dɔlé ’té maa a anbozen lé wenayezan nya. Naa, ka ’ka an sina dɔɔa lo, yé ka ’ka an gona dɔɔa lo.

WENÉNÉ LE JAN A GYE (Évangile selon Jean) 8:16

Maa ’ka an do lo, an Ti lé é an pa zia, é a an va, bɛwemalé dé maa a we blena, an we blé éboen ma.

WENÉNÉ LE JAN A GYE (Évangile selon Jean) 8:19

Yé wo lé a lɛ léé: I Ti a kyɛɛn? Jézu lé wo lɛ léé: Ka ’ka an dɔɔa lo, yé ka ’ka an Ti dɔɔa lo. Dé é a lé ka an dɔɔ, ’té ka an Ti dɔɔ é ziin.

WENÉNÉ LE JAN A GYE (Évangile selon Jean) 8:26

Ka ma we kiɛre lé maa dan a fe lɛ yé maa dan we ble lɛ a nya ka va, é a an gi, naa, mi lé é an pa zia, é a mi bozen nya, yé we lé maa a ’ma a ta, yee lé maa ke a fena tɛrɛlamunu lɛ.

WENÉNÉ LE JAN A GYE (Évangile selon Jean) 8:42

Jézu lé wo lɛ léé: Dé é vo léé, Kazambale ɛ ke ka ti nya, ’té an dan sɔ lɛ ka lɛ. Kazambale gi lé an si, yé an da; an ’ka da lɛ anbo ’wuo gi lo, naa, yee ɛ an pa zia.

WENÉNÉ LE JAN A GYE (Évangile selon Jean) 9:29

Ko a gi dɔɔ léé, Kazambale we fe Moizi lɛ. Naa, mi ’ko, ko ’ka a sina dɔɔa lo.

Kelewenu 17:23

Maa a giéna aan wo kalé fla, yé fɛnu lé ka wo bɔa, dé maa wo nagini maa balebanna do ye, yé ka a gyɛ a ta léé: Bale lé, munu ’ka a dɔɔa lo, a banna lé. Fɛ lé ka a bɔa, ’té ka ’ka a dɔɔa lo, yee lé maa ke alé we fena ka lɛ.

Rom munu 1:28

Kazambale dɔɔle gi bɔrɔ ’ka aan wo wo ma lo, Kazambale wo nɔ wolé gi bɔrɔle naanénu lɛ, yaragyɛwe gɔnɔ faa kɛlɛle we ma.

Rom munu 3:4

Gba, é ’ka ’bɛ zo lo. ’Wo Kazambale dɔɔ wezen fezan nya ma, yé ’wo munu faa dɔɔ viézannu nya ma, fɛan zo lé é a é gyɛle sɛbɛ gi, a zo; wo léé: ’Wo i ye mi tegele nya i dérenu ma ma, Yé dé wo ilé we ble té we ’é i gyɛ lo ma.

2 Korɛnt Munu 1:18

Kazambale a yarapawelazan nya, é ’ka ’bɛ zo lo. We lé ko a fe ka lɛ, é ’ka é vɔɔle iin valé gba nya lo.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

1 Jan 5:10

Mian é bli vo Kazambale Be lɛ, yee wenayedére ’ko a ’bɛzan gi. Yé mian é ’ka é bli voo Kazambale lɛ lo, é a Bale kɛlɛna viézan nya. É ’ka é bli vo lɛ Kazambale lé wenayedére lé é a fe é Be ma bɛ, a lɛ lo, azama.

1 Samuɛl 2:12

Éli benu a mi vɔnlenu nya yé wo ’ka Gakelebale dɔɔa lo.