WENÉNÉ LE JAN A GYE (Évangile selon Jean) 6:63 - Kazambale lé Sebe Sauunu 1979

⁶³ Léli ɛ mi vo é yuɛma; mi kɔlɛ lé we tɔnɔ ’ka lo. Dérenu lé maa wo fe ka lɛ bɛ, wa léliwe nya yé wo ɛ mi vo é yuɛma.

WENÉNÉ LE JAN A GYE (Évangile selon Jean) 6:63 ပူးပေါင်းရင်းမြစ်များ

Wepélisiananu 2:7

Bale, Gakelebale vun si yé é a kɛlɛ mi nya; é mibélifu fɛɛ a nyé ’léé yé mi kinin mi yuɛmale nya.

Lɛrɛvɔ Sɛbɛ 119:130

I dére gi ’male éé mi va kinié. Munuan wo gi ’ka é kinile tegele lo, éé wo gi kinié.

Lɛrɛvɔ Sɛbɛ 119:50

Wean éé an tɔrɔ paan anlé nyané gi, Yee lé ke léé, ilé blivolɛdére éé vole é yuɛma no an lɛ.

Lɛrɛvɔ Sɛbɛ 119:93

An gi ’ka dan san lɛ i déretawenu ma monomono lo, Naa, wo nya lé i an béli.

Wegɔnévɔlenu 4:13

We lé wa paa i gi, ’é vo i gi, té é san i gi lo; é a i bélifɛ nya amalé bé tabin.

WENÉNÉ LE JAN A GYE (Évangile selon Jean) 5:21

Naa, fɛan zo lé an Ti éé munu nwaan gamunu va ’té éé wo bélié, a zo duo lé mi lé é sɔ an lɛ léé, maa a béli, ’bɛzan lé maa a bélié.

WENÉNÉ LE JAN A GYE (Évangile selon Jean) 6:68

Simɔn Piɛri lé a lɛ léé: ’I, Mizan, de ɛ va lé ko dan go lɛɛ? Vole é yuɛma lé a glɛ ’ka lo, a dérenu a i ’léé,

Kelewenu 5:20

’Ka go, ’ka dɔ Balebangikɔn gi, yé ka mibéliwe ’ko gi faa fe munu lɛ.

Rom munu 10:17

A zo lé blivole we lɛ éé sié we lé mi a maan, yee ɛ va. Yé we lé mi a maan, éé sié Krist dére ɛ va.

Rom munu 2:25

Dé i bélidɔwe tawe kɛla, ’té ganedɔle tɔnɔ a, naa, dé i bélidɔwe sɛra, ’té é a bélé fɛan zo lé i gane ’ka é dɔle lo, a zo.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

1 Korent munu 15:45

Bɛwemalé é a é gyɛle sɛbɛ gi léé: Mi vininzan Adam a mibozen yuɛmale nya; Adam voélazan a mibéliléli nya.

Galasi munu 5:25

Dé kaa voo é yuɛma Kazambale Léli nya, kaa tawo é ziin Kazambale Léli lé we yɛrama ma.

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Galasi munu 6:15

Naa, dé mi gane a é dɔleoo, dé a gane ’ka é dɔle looo, ’bɛ ’ka we do kpen nya lo; kɛlɛle mi dɛrɛ nya ɛ ke we nya.

Bélidɔwesɛbɛ Fiézan 32:47

Naa, é ’ka boadére nya ka vazia lo; ka vo é yuɛma we lé; ’bɛ nya lé kalé yinu é dan kɛlɛ lɛ kiɛre, tɛrɛ lé é dan kɛlɛ lɛ kazé nya, kalé Juudɛn kinile zuo, ana.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

1 Timoté 4:8

Kazambale lé zi ta tawole ’é i kun ma. Mi kɔlɛ lé we kɛlɛle yé é a kun, a tɔnɔ a sɛ, naa, Kazambale lé zi ta tawole ɛ tɔnɔ ke yifaama; a ma blivolɛdére lé ke léé, éé mi bélié tɛrɛ la ’ko, yé gale zuo éé mi bélié é ziin.

Ébrunu 13:9

Té ka we paale dɛrɛ bɛnu nyi si lo. Naa, mi bli dɔle gligli zin nya fila vɔ é mini fɛblelenu lé, wo tɔnɔ ’ka é blemunu ma lo, wo ta.

Ébrunu 4:12

Naa, Kazambale dére a é yuɛma, yé a ’lɛ a, yé a ’lɛ mini gwɔun‐o gwɔun‐an a ’léé ke fié, a ta, yé éé wɔraan fɔɔ yé éé mi boen valé é léli kini‐é ékema, yé éé mi wɔlɛ vɔna é ke ’léénu valé mi zununu kinié ékema yé éé migiblinu lé we valé mi bɔn‐in bɔrɔlenu lé we va sié.

SEBE LÉ JAK A GYE (Épitre de Jacques) 1:18

É kaa yaa élé blibɔmawe yɛrama webozen dére nya, kaa kɛlɛle a kɛlɛfɛ vininzannu nya we gi.

1 Piɛri 1:23

Naa, wo ’ka ka yaa lɛ é dɛrɛ fɛwɔlɛ lé éé vɔn‐o, a nya lo, wo ka yaa é dɛrɛ fɛwɔlɛ lé é ’ka vɔn‐o lo, a nya, Kazambale dére yuɛmale lé éé voo lɛɛfaama, a nya.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.