WENÉNÉ LE JAN A GYE (Évangile selon Jean) 6:46 - Kazambale lé Sebe Sauunu 1979

⁴⁶ É ’ka kɛlɛ lɛ léé, mi do kpen an Ti ye lo, ’té dé é ’ka maa lé an si Kazambale va, an nya lo; maa ɛ an Ti ye.

WENÉNÉ LE JAN A GYE (Évangile selon Jean) 6:46 ပူးပေါင်းရင်းမြစ်များ

Fwile 24:10

Wo Izraɛl lé Bale ye; a gane wuofɛ a bélé safiigɔlɛ wezan lé woo yɛrɛ yé a zi, a zo; a gi a é bɔle bélé la boen zo.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LÉ LUK A GYE (Évangile selon Luc) 10:22

An Ti fɛnu faa nɔ an lɛ, yé mi lé maa, a Be ke a nya, mi do kpen ’ka a dɔɔa lo, ’té dé é ’ka an Ti nya lo; yé mi lé an Ti ke a nya, mi do kpen ’ka a dɔɔa lo, ’té dé é ’ka maa, a Be nya lo; é valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 14:7

Dé é vo léé, ka an dɔɔ, ’té ka an Ti dɔɔ é ziin. Yé a pélisia sin ka a dɔɔ, yé ka a ye.

WENÉNÉ LE JAN A GYE (Évangile selon Jean) 15:24

Nyanamanu lé mi bɛ do kpen ’ka a pa lɛ lo, dé maa ’ka wo pa lɛ wo méléna lo, ’té wolé wenyané ’ka kɔɔn lo; naa, sin, wa ye, yé maa koo, an Ti koo, ko za a wo gi.

WENÉNÉ LE JAN A GYE (Évangile selon Jean) 5:37

Yé an Ti lé é an pa zia, yeebozen ɛ an ma we fe. Yé ka ’ka tan a dére ’ma lɛ monomono lo; yé ka ’ka tan a yara ye lɛ monomono lo,

WENÉNÉ LE JAN A GYE (Évangile selon Jean) 7:29

Naa, maa a dɔɔ; a va lé an si, yé yee ɛ an pa zia.

WENÉNÉ LE JAN A GYE (Évangile selon Jean) 8:19

Yé wo lé a lɛ léé: I Ti a kyɛɛn? Jézu lé wo lɛ léé: Ka ’ka an dɔɔa lo, yé ka ’ka an Ti dɔɔa lo. Dé é a lé ka an dɔɔ, ’té ka an Ti dɔɔ é ziin.

WENÉNÉ LE JAN A GYE (Évangile selon Jean) 8:55

Ka ’ka a dɔɔa lo; dé é a maa nya, maa a dɔɔ. Yé dé maa a fe léé, maa ’ka a dɔɔa lo, ’té maa kɛlɛ viéwozan nya bélé ka zo. Naa, maa a dɔɔ, yé an tawoo a dére ta.

Kolɔs munu 1:15

Jézu valé Bale lé, mi ’ka a yé lo, wo bɔ ékema, yé yee ɛ ke Bale kɛlɛfɛnu faa va né vinin nya.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

1 Jan 4:12

Mi do kpen ’ka tan Kazambale ye lɛ monomono lo. Dé kaa sɔ kaa ke lɛ, Kazambale a kaa gi, ’té alé sɔlɛle boen a kaa gi.