WENÉNÉ LE JAN A GYE (Évangile selon Jean) 6:39 - Kazambale lé Sebe Sauunu 1979

³⁹ Yé mi lé é an pa zia, alé blibɔmawe lé é ke léé, munu faa lé é wo nɔ an lɛ, té wo va mi do kpen é san an lee lo, naa, ’maa wo nwa gamunu va yi voélazan nya.

WENÉNÉ LE JAN A GYE (Évangile selon Jean) 6:39 ပူးပေါင်းရင်းမြစ်များ

Jérémi 23:4

Yé mi pazannu lé wo dan fɛ nɔ lɛ wo lɛ, maa dan wo dɔ lɛ. Wo ’ka dan kana lɛ é ziin lo; di ’ka dan kini lɛ wo gi é dɛrɛ lo, yé fɛ ’ka dan kele lɛ wo va mi do kpen ma lo.

Matio 10:15

Webleyi nya, fla ’ko zé kleblele é dan mini lɛ Sɔdɔm valé Gɔmɔɔ zé ta. Maa fe ka lɛ.

Matio 18:14

A zo duo léé, ka Ti lé é ke la gi, é ’ka alé blibɔmawe nya léé, nunukénénénu va né do kpen ’é san lo.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

WENÉNÉ LE JAN A GYE (Évangile selon Jean) 12:48

Mi lé éé sɔn vɔa an ma, yé é ’ka tawoo an dérenu ta lo, alé weblezan ana; dérenu lé maa wo fe, wo ta lé Bale é dan alé we ble lɛ yi voéla nya.

WENÉNÉ LE JAN A GYE (Évangile selon Jean) 17:12

Bléyian va lé maa ke wo va tɛrɛ la, an yuɛ pa wo va i tɔ gi. Munu lé i wo nɔ an lɛ, an wo ta béli dɔ. Dé é ’ka sanzan do kpen nya lo, wo va mi do kpen ’ka san lɛ lo, we lé wa gyɛ Kazambale lé sɛbɛ gi, a lɛsɔɔle we ma.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 17:6

Munu lé i wo si tɛrɛlamunu méléna yé i wo nɔ an lɛ, maa i tɔ gɔɔn wo lɛ. Wa izé nya, yé i wo nɔ an lɛ, yé wo tawo i dére ta.

WENÉNÉ LE JAN A GYE (Évangile selon Jean) 17:9

Wo tɔ ma lé an ke bazorona. Maa ’ka bazorona tɛrɛlamunu tɔ ma lo, naa, munu lé i wo nɔ an lɛ, wo tɔ ma lé an ke bazorona. Wa izé nya, ’bɛzama.

WENÉNÉ LE JAN A GYE (Évangile selon Jean) 18:9

É we ’ko fe, dére lé é a fe é kyɛn, a lɛsɔɔle we ma; é léé: Munu lé i wo nɔ an lɛ, wo va mi do kpen ’ka san lɛ an lee lo.

WENÉNÉ LE JAN A GYE (Évangile selon Jean) 5:28

Té ka gi é vuru ’bɛ ma lo. A bléyi é dan bɔ lɛ yé yɛrɛgimunu faa é dan an dére ’ma lɛ, yé wo dan bɔra lɛ yɛrɛ gi;

WENÉNÉ LE JAN A GYE (Évangile selon Jean) 6:37

Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LE JAN A GYE (Évangile selon Jean) 6:40

An Ti lé blibɔmawe lé é ke ’ko: dé miomian é an ye a Be nya, yé a bli vo an lɛ, vole é yuɛma lé a glɛ ’ka lo, é wɔra ’bɛ gi, yé maa dan a nwa lɛ gamunu va yi voélazan nya.

WENÉNÉ LE JAN A GYE (Évangile selon Jean) 6:44

an Ti lé é an pa zia, dé é ’ka mi sia lɛ ana lo, mi do kpen ’ka bɔa dale lɛ an va lo; naa, mian é da an va, maa dan ’bɛzan nwa lɛ gamunu va yi voélazan nya.

WENÉNÉ LE JAN A GYE (Évangile selon Jean) 6:54

Mi lé éé an wi blé yé éé an nyɛ minian, vole é yuɛma lé a glɛ ’ka lo, é a azé nya, yé maa dan a nwa lɛ gamunu va yi voélazan nya.

Rom munu 8:11

Mi lé é Jézu nwa gamunu va, dé ’bɛzan Léli a é nyanale ka gi, ’té mi lé é Krist nwa gamunu va é dan kalé gakɔlɛ béli lɛ é ziin, a Léli lé é ke é nyanale ka gi bɛ, a nya.

1 Korent munu 6:14

Yé Kazambale lé é Mizan nwa gale va, é dan kaa nwa lɛ é ziin élé plɛplɛ nya.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

SEBE LÉ JAK A GYE (Épitre de Jacques) 5:15

Yé ba lé wa zoro blipale nya é dan gyɛkɛlɛzan béli lɛ, yé Mizambale é dan a nwa lɛ, yé dé é wenyanénu kɛlɛ, Bale é dan a ma we vo lɛ.

1 Piɛri 1:5

Ka bli a Kazambale lɛ amalé alé plɛplɛ éé ka tabin‐é fɔɔ yé ka béliwe lé Kazambale a ma’lɛrɛle nyaa, yé ’é a nagɔɔn bléyi voéla nya.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

1 Samuɛl 25:29

Dé mi do nwa i zuo binle we gi, ilé tɛrɛla nyaale we gi, ’té anzan léli ta a é dɔle Gakelebale, ilé Bale lé fɛwezan pakɛsu gi, yé é dan i nyanézannu léli vuli lɛ bélé fɛan zo lé mi éé siagigɔlɛ vulian, a zo.