WENÉNÉ LE JAN A GYE (Évangile selon Jean) 6:37 - Kazambale lé Sebe Sauunu 1979

³⁷ Munu faa lé an Ti éé wo no an lɛ, wo dan da lɛ an va, yé mi lé é da an va, an ’ka dan sɔn vɔ lɛ a ma monomono lo.

WENÉNÉ LE JAN A GYE (Évangile selon Jean) 6:37 ပူးပေါင်းရင်းမြစ်များ

Lɛrɛvɔ Sɛbɛ 102:17

Iin, Gakelebale é dan Siɔn dɔ lɛ é ziin. É dan ébo gɔɔn lɛ munu lɛ élé fua nya.

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Ézai 41:9

Bii lé, maa i si tɛrɛ glɛ sina Yé maa i laa, ’té i a tɛrɛ baa ta, Yé maa lé i lɛ léé, bii a an wuozan nya, Maa i si a va, yé maa ’ka dan sɔn vɔ lɛ i ma lo.

Ézai 42:3

Kyɛbɔ bale lé a goi ke dɔna, é ’ka dan a diri lɛ lo; É dan wetegele fe lɛ weboen yɛrama.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Matio 11:28

Ka faa lé, ka wɔlɛ gi ke é nyaale ka ma, yé kɔné blɛn ke ka nwiin bɛ, ’ka da an va, yé maa flinle nɔ ka lɛ.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

WENÉNÉ LE JAN A GYE (Évangile selon Jean) 17:11

Maa ’ka tɛrɛlamunu méléna é dɛrɛ lo; naa, wa tɛrɛlamunu méléna yé maa a gona i va. An Ti sauun, munu lé i wo nɔ an lɛ, ’i yuɛ pa wo va i tɔ nya, wo kɛlɛle mi do nya ko zo lé we ma.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 17:24

An Ti, é sɔ an lɛ léé, fɛana lé an ke, munu lé i wo nɔ an lɛ, ’wo kɛlɛ an va ana, anlé fua tɔbɔle lé bé nɔ an lɛ, wolé a yele we ma. An sɔ i lɛ tɛrɛ bɔrale ’lɛ, ’bɛ lé we ma.

WENÉNÉ LE JAN A GYE (Évangile selon Jean) 17:6

Munu lé i wo si tɛrɛlamunu méléna yé i wo nɔ an lɛ, maa i tɔ gɔɔn wo lɛ. Wa izé nya, yé i wo nɔ an lɛ, yé wo tawo i dére ta.

WENÉNÉ LE JAN A GYE (Évangile selon Jean) 6:39

Yé mi lé é an pa zia, alé blibɔmawe lé é ke léé, munu faa lé é wo nɔ an lɛ, té wo va mi do kpen é san an lee lo, naa, ’maa wo nwa gamunu va yi voélazan nya.

WENÉNÉ LE JAN A GYE (Évangile selon Jean) 6:65

Amalé é we taa fe wo lɛ léé: Bɛwemalé maa lé ka lɛ léé, dé an Ti ’ka zi nɔ lɛ mi lɛ lo, é ’ka bɔa dale lɛ an va lo.

WENÉNÉ LE JAN A GYE (Évangile selon Jean) 9:34

Yé wa zi pa a lɛ léé: Wo i yaa wenyanékɛlɛzan nya tegele boenwo yé bii ɛ we paan ko gii? Yé wa bin.

Rom munu 5:20

Naa, bélidɔwe da, léé, wesɛrɛle ’é kɛlɛ di, yé fɛana lé wenyané kɛlɛ di, ana lé zin kɛlɛ di é minini,

Filip munu 1:29

Naa, Bale blɛ kɛlɛ ka lɛ Krist pli zi, léé, ka bli ’é vo Krist lɛ, yé ’bɛ saa kaan lo; ’bɛ ta loru, é blɛ kɛlɛ ka lɛ léé, ka nyané ble Krist lé we ma.

1 Timoté 1:16

Naa, yee we ’ko ma lé Bale nyanai zén an ta, léé, Jézu Krist élé bli tiéé nagɔɔn an ta, léé, munu lé wo dan wo bli vo lɛ Jézu lɛ, ’wo vo é yuɛma lɛɛfaama a glɛ ’ka lo, yé ’an kɛlɛ wolé wekɛlɛmazan nya.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

Ébrunu 4:15

Balebanmunu ’lɛzan lé é ’ka bɔaléé, é nyanai zén kaa lé kaa ke tɔɔtɔɔ, kaa ta lo, ’bɛzan ’ka kaazé nya lo. Naa, fɛan zo lé woo kaa gi daan, a zo duo lé wa é gi dan bɛ faa ma, yé é ’ka wenyané do kpen kɛlɛ lɛ duowo lo.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.