WENÉNÉ LE JAN A GYE (Évangile selon Jean) 6:26 - Kazambale lé Sebe Sauunu 1979

²⁶ Jézu lé wo lɛ léé: Maa fe ka lɛ kyɔ webozen nya, gyɛzorowenu yele saa lé we ma‐an ka ke an naginina lo. Naa, ka buru ble yé ka kan, bɛwemalé ka ke an naginina.

WENÉNÉ LE JAN A GYE (Évangile selon Jean) 6:26 ပူးပေါင်းရင်းမြစ်များ

Lɛrɛvɔ Sɛbɛ 78:37

Wo bli ’ka é dɔle gligli alé we gi lo, Yé wo ’ka yara pa lɛ alé gipawe kɛlɛle ta lo.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

WENÉNÉ LE JAN A GYE (Évangile selon Jean) 3:3

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ é dɛrɛ lo, é ’ka dan kɛlɛ lɛ munu lé Kazambale ke é plale wo nwiin, wovazan do nya lo.

WENÉNÉ LE JAN A GYE (Évangile selon Jean) 3:5

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ ’yi valé Kazambale Léli nya lo, é ’ka bɔa gole lɛ Kazambale lé fla lo.

WENÉNÉ LE JAN A GYE (Évangile selon Jean) 6:14

Gyɛzorowe lé Jézu a kɛlɛ bɛ, dé munu ’konu a ye, wo léé: Balelayezan lé, wo léé, é dan da lɛ tɛrɛ la, yee lé é ke mi ’ko nya webozen nya.

WENÉNÉ LE JAN A GYE (Évangile selon Jean) 6:15

Yé Jézu a gi dɔɔ aan wo léé, wo dan ’é si lɛ yé wo ’é dɔ ’wo nwiinzan nya, é si wo va é ziin yé é go gɔ nwiin é do kpen.

WENÉNÉ LE JAN A GYE (Évangile selon Jean) 6:2

Gyɛzorowenu lé Jézu ke a kɛlɛna gyɛamamunu lɛ, munu a ye, amalé mi gu blɛn go a zuo.

WENÉNÉ LE JAN A GYE (Évangile selon Jean) 6:24

mi gu a ye aan wo léé, wo ’ka aan wo Jézu valé é zuomunu yena lo, wobozen wo vɔ ’yitagoro ’konu gi, yé wo go Kapɛnaum Jézu naginile we gi.

WENÉNÉ LE JAN A GYE (Évangile selon Jean) 6:30

Wo lé a lɛ léé: Naa, mɛ we lé bé kɛla yé ko ye yé ko bli é vo i lɛɛ? Mɛ fɛ lé bé kɛlaa?

WENÉNÉ LE JAN A GYE (Évangile selon Jean) 6:36

Naa, maa lé ka lɛ léé, ka an ye, yé ka bli ’ka vona an lɛ lo.

WENÉNÉ LE JAN A GYE (Évangile selon Jean) 6:47

Maa fe ka lɛ kyɔ webozen nya, mi lé a bli vo an lɛ, vole é yuɛma lé a glɛ ’ka lo, é wɔra ’bɛ gi.

WENÉNÉ LE JAN A GYE (Évangile selon Jean) 6:53

Jézu lé wo lɛ léé: Maa fe ka lɛ kyɔ webozen nya, dé ka ’ka maa blami Be wi blé lo, dé ka ’ka an nyɛ minian lo, ka ’ka voo é yuɛma monomono lo.

WENÉNÉ LE JAN A GYE (Évangile selon Jean) 6:64

Naa, mi kenu ana ka va, yé wolé blipale ’ka monomono lo. Naa, a pélisiana, munu lé wo bli ’ka dan vo lɛ Jézu lɛ lo, é wo dɔɔ yé mi lé ’bɛ é dan a pa lɛ munu lee, é ’bɛzan dɔɔ.

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

Filip munu 2:21

Munu faa a ’wobozen lé tɔnɔ naginina, wo ’ka Jézu Krist zé ginina lo.

Filip munu 3:19

Wozé nyaana é dan kɛlɛ lɛ wo sanle nya; wolé Bale lé ke wo bɔn nya, yé we lé é ke yaragyɛwenu nya, a gi lé woo baama; yé tɛrɛlawenu saa ma lé woo bɔn‐in bɔrɔan.

1 Timoté 6:5

yé munu lé wo ke é vɔnle we ’male gi, ’té wo ke é vurule webozen ma, ’té é a wo gi léé, wo dan tɔnɔ ye lɛ wolé tawole Kazambale lé zi ta we ma, ’bɛnu zé zavɔlenu lé wo ’ka nyaan lo, woo sié yee ’wuo duo gi é ziin.