WENÉNÉ LE JAN A GYE (Évangile selon Jean) 5:39 - Kazambale lé Sebe Sauunu 1979

³⁹ É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

WENÉNÉ LE JAN A GYE (Évangile selon Jean) 5:39 ပူးပေါင်းရင်းမြစ်များ

Lɛrɛvɔ Sɛbɛ 1:2

Naa, ’té é ’élé ginanawe yé Gakelebale lé bélidɔwe gi, ’Té éé bɔn‐in bɔrɔan a ma é yiéyi valé é béli, ’bɛzan zé a néné.

Lɛrɛvɔ Sɛbɛ 119:11

Maa i dére paan an bli gi, Té an wenyané kɛlɛ i ma lo we gi.

Lɛrɛvɔ Sɛbɛ 133:3

É a béle Eɛmɔn lé lolu zo, Yee ɛ zén‐é Siɔn gɔ nwiin; Naa, ana lé Gakelebale éé mi drɔɔ voo, Vole é yuɛma lé a glɛ ’ka lo, yee lé.

Lɛrɛvɔ Sɛbɛ 16:11

I dan vole é yuɛma zi gɔɔn lɛ an lɛ. Ginanale kiɛre boen ana i yara, Yé ginanamawenu lé woo ’ka nyaan lo, wa i bɛyila.

Lɛrɛvɔ Sɛbɛ 21:4

Naa, i da ilé zin drɔɔvolenu nya a lɛ, I kyan tegele wo a ’wuo ma tɔkoro nya.

Lɛrɛvɔ Sɛbɛ 36:9

Ilé kɔngifɛ kiɛre wo kaan, Ilé fɛ néné no wo lɛ yé lɔrɔ éé sié wo ma.

Wegɔnévɔlenu 6:23

Naa, weplale a kyɛbɔ nya, yé wepaale a kyɛsan nya, yé mi drɔ dérenu a mibélizi nya.

Ézai 34:16

’Ka Gakelebale lé sɛbɛ gi gini, ’ka a ta fe. Wi ’konu faa é dan kɛlɛ lɛ ana, a do kpen ’ka dan vuru lɛ ana ma lo; naa, Gakelebale ɛ fe; yee ɛ dan wo zén lɛ ékema.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Jérémi 8:9

Yara wedɔɔmunu gyɛ; di kini wo gi yé wo wo kun. Wo nyé yélié Gakelebale dére ma. Wedɔɔle kaa ɛ ke wo lee?

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

Matio 22:29

Jézu lé wo lɛ léé: Ka ’ka Kazambale lé sɛbɛnu dɔɔa lo, yé ka ’ka Kazambale lé plɛplɛ dɔɔa lo, amalé ka saan.

Maak 10:3

Yé é a zi pa wo lɛ léé: Moizi lé ka lɛ nɔɔ?

Maak 12:10

Dére ’ko lé wa gyɛ Kazambale lé sɛbɛ gi, ka ’ka tan a ta fe lɛ loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya.

WENÉNÉ LÉ LUK A GYE (Évangile selon Luc) 16:29

Abraam lé a lɛ léé: Moizi valé balelayemunu dére a wo lee; ’wo wo dére ’ma ma.

WENÉNÉ LÉ LUK A GYE (Évangile selon Luc) 16:31

Yé Abraam lé a lɛ léé: Dé wo ’ka ’wo tɔné dɔ lɛ Moizi valé balelayemunu dérenu lɛ lo, dé mi nwa gale vaoo, wo ’ka dan ’wo bli nɔla lɛ ’bɛzan dére ta lo.

WENÉNÉ LÉ LUK A GYE (Évangile selon Luc) 24:25

Yé Jézu lé wo lɛ léé: Éé munu, ka bɔn‐in ’ka ka ma lo yé we faa lé balelayezannu a fe, a gini ’ka dɔa ka gi é pu lo.

WENÉNÉ LÉ LUK A GYE (Évangile selon Luc) 24:27

Yé é a pélisia Moizi valé balelayemunu lé sɛbɛnu faa gi yé ébo tawe gɔɔn wo lɛ sɛbɛnu faa gi.

WENÉNÉ LÉ LUK A GYE (Évangile selon Luc) 24:44

A zuo yé é lé wo lɛ léé: Bléyian va lé maa ke yi la ka va, maa a fe ka lɛ léé, we lé wa gyɛ an ma we nya Moizi lé bélidɔwe koo, balelayemunu lé sɛbɛnu koo, lɛrɛvɔ sɛbɛ koo, wo gi, é a lé wo faa lɛ é sɔɔ. Yeean é kɛlɛ ’ko loo?

WENÉNÉ LE JAN A GYE (Évangile selon Jean) 1:45

Filip valé Natanaɛl kee, yé Filip lé a lɛ léé: Mi lé Moizi alé we gyɛ bélidɔwe gi yé balelayezannu a mawe fe, ko a ye, Nazarɛtzan Jézu, Jozɛfu be lé.

WENÉNÉ LE JAN A GYE (Évangile selon Jean) 5:32

Mi bɛ ɛ ke anlé wenayezan nya, yé maa a gi dɔɔ léé, an mawe lé é ke a fena, ’bɛ a webozen nya.

WENÉNÉ LE JAN A GYE (Évangile selon Jean) 5:36

We lé ’bɛ an ma we fé, ’bɛ blɛn mini Jan lé an ma we fele ta; nyanamanu lé an Ti a nɔ an lɛ léé, maa wo pa, nyanama ’ko bozennu lé maa ke a pana, woo ɛ an ma we fé léé, an Ti ɛ an pa zia.

WENÉNÉ LE JAN A GYE (Évangile selon Jean) 5:40

Yé é ’ka sɔ lɛ ka lɛ léé, ka da an va ka vole é yuɛma we gi lo.

WENÉNÉ LE JAN A GYE (Évangile selon Jean) 5:46

Naa, Moizi anlé we gyɛ sɛbɛ gi, bɛwemalé dé ka a é pale Moizi ta weboen nya, ’té ka dan pa lɛ an dére ta é ziin.

WENÉNÉ LE JAN A GYE (Évangile selon Jean) 7:52

Wa zi pa a lɛ léé: Bii é ziin, i a Galilé mi nyaa? ’I go ’i sɛbɛ gi gini do, yé i dan a ye lɛ léé, balelayezan do kpen ’ka dan si lɛ Galilé tɛrɛ la lo.

Kelewenu 13:27

Naa, Jérusalɛm munu valé wo nwiinmunu wo ’ka Jézu dɔɔ lɛ lo. Balelayemunu dére lé, wa ta fé flinyi faa nya, wo ’ka ’bɛ gi ’ma lɛ lo yé wo yee sɛbɛgiwe lɛ sɔɔ we dɔle Jézu nwiin nya.

Kelewenu 17:11

Juifinu ’ko, ’bɛnu bli a é zima é mini Tɛsalɔnik munu zé ta. ’Bɛnu dére ’ko nyi si é kele yé ’bɛnu vo Bale lé sɛbɛ gi ginina yi do do ma, we lé wa fena ’wo lɛ, dé weboen léé? yé wa ye.

Kelewenu 26:27

Minwiinzan Agripa, i pa balelayemunu dére taa? Maa a gi dɔɔ léé, i pa wo ta.

Rom munu 1:2

Wenéné ’ko, Kazambale a ma blivolɛdére fe é kyɛn balelayemunu lɔlu nya, Kazambale lé sɛbɛ gi.

Rom munu 3:2

É a blɛn bɛ faa ma; a vininzan lé ke ’ko: Kazambale é dérenu bɛ pa Juifinu lee.

Bélidɔwesɛbɛ Fiézan 18:15

Gakelebale, kalé Bale é dan balelayezan do nwa lɛ ka bwenu méléna bélé maa zo; ’ka tɔné dɔ ’bɛ lɛ.

Bélidɔwesɛbɛ Fiézan 18:18

É léé, ’é dan balelayezan do nwa lɛ ka lɛ ka bwenu méléna bélé maa zo, ’é dan ’é dére pa lɛ ’bɛ ’léé, yé we faa lé ’é a fé ’bɛ lɛ, ’bɛ é dan a fe lɛ ka lɛ.

Bélidɔwesɛbɛ Fiézan 29:29

Weyɔɔlenu a Gakelebale, kolé Bale zé nya; wenagɔɔnlenu a ko valé kolé nénu zé nya, yifaama, léé, ko tawo bélidɔwe ’konu faa ta.

Bélidɔwesɛbɛ Fiézan 32:47

Naa, é ’ka boadére nya ka vazia lo; ka vo é yuɛma we lé; ’bɛ nya lé kalé yinu é dan kɛlɛ lɛ kiɛre, tɛrɛ lé é dan kɛlɛ lɛ kazé nya, kalé Juudɛn kinile zuo, ana.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 11:35

Lomu ’wolé mi ke ye é nwale gale va é ziin; a kenu ’wobo nɔ nyanéblele lɛ; wo ’ka a nyi si lɛ léé, ’wo sɔn vɔ ga ma monomono lo, nwale gale va bozen yele we gi.

Jozué 1:8

Té bélidɔwe lé sɛbɛ ’ko é si i lɔ ma baa lo; bé bɔrɔ i bɔn‐in bladi nyanadi, wenu faa lé wa gyɛ a gi, ilé wo kɛlɛle yarapalale nya we ma; ’bɛ zo lé, we lé bé kɛlɛle pélisia, a nyian é dan wo lɛ yé i dan a ’wuoplana ye lɛ.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.