WENÉNÉ LE JAN A GYE (Évangile selon Jean) 5:30 - Kazambale lé Sebe Sauunu 1979

³⁰ Maa ’ka bɔa we do kɛlɛle lɛ anbo ’wuo gi lo. We lé maa a maan, a yɛrama lé maa we blé; yé maa ’ka anbo lé blibɔmawe kɛlɛna lo; naa, mi lé é an pa zia, alé blibɔmawe lé maa ke a kɛlɛna, bɛwemalé an we blé tegele.

WENÉNÉ LE JAN A GYE (Évangile selon Jean) 5:30 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Ézai 28:6

É dan we tegele kɛlɛbli vɔ lɛ, munu lé wo ke é nyanale weblena, wo gi; é dan plɛplɛ nɔ lɛ munu lé wo ’wo nyanézannu nyunu fɔɔ yé wo bɔ wo nya wolé flagɔrɔ ’léé, wo lɛ.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Matio 26:39

Yé é go é ’lɛ sɛ, yé ébo dia é bli la yé é bazoro ’ko zo, léé: An Ti, dé é bɔalɛ ’é kɛlɛ, ’yiminikana ’ko ’é si an lee ma. Naa, té é kɛlɛ an sɔlɛwe nya lo, ’é kɛlɛ i sɔlɛwe nya ma.

WENÉNÉ LE JAN A GYE (Évangile selon Jean) 14:10

Maa a an Ti gi yé an Ti a an gi, i ’ka paan ’bɛ ta loo? Dérenu lé maa wo fé ka lɛ, anbo dére kaan lo. An Ti lé é ke an gi, yee ɛ ke élé nyanamanu pana.

WENÉNÉ LE JAN A GYE (Évangile selon Jean) 17:4

Maa i tɔ kɛlɛ blɛn tɛrɛ la, yé nyanama lé bé nɔ an lɛ léé, maa a pa, maa a pale lɛ sɔɔ.

WENÉNÉ LE JAN A GYE (Évangile selon Jean) 18:11

Jézu lé Piɛri lɛ léé: ’Ilé gwɔun wɔra é kɔlɛ gi é ziin. Kana lé an Ti a nɔ an lɛ, i léé, té maa a gifɛ mini loo?

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

WENÉNÉ LE JAN A GYE (Évangile selon Jean) 5:19

Bɛwemalé Jézu kun wefele ma é ziin, yé é lé wo lɛ léé: Maa fe ka lɛ kyɔ webozen nya, maa Bale Be, an ’ka bɔa we do kpen kɛlɛle lɛ anbo ’wuo gi lo; we lé maa an Ti ye a kɛlɛna, yee saa lé maa a kɛla. Yé we faa lé an Ti ke a kɛlɛna, yee duo lé maa a Be ke a kɛlɛna é ziin.

WENÉNÉ LE JAN A GYE (Évangile selon Jean) 6:38

An ’ka si lɛ la gi yé an da anbo lé blibɔmawe kɛlɛle we ma lo, naa, an si la gi yé an da, mi lé é an pa zia, alé blibɔmawe kɛlɛle we ma.

WENÉNÉ LE JAN A GYE (Évangile selon Jean) 8:28

Jézu lé wo lɛ léé: Yian nya lé ka dan maa blami Be dun lɛ, ’bɛ yi la, dé mi lé maa ke a nya, ka dan a dɔɔ lɛ, yé ka dan a dɔɔ lɛ léé, maa ’ka we do kpen kɛlɛna anbo ’wuo gi lo, naa, we lé an Ti a paa an gi, yee saa lé maa ke a fena.

WENÉNÉ LE JAN A GYE (Évangile selon Jean) 8:42

Jézu lé wo lɛ léé: Dé é vo léé, Kazambale ɛ ke ka ti nya, ’té an dan sɔ lɛ ka lɛ. Kazambale gi lé an si, yé an da; an ’ka da lɛ anbo ’wuo gi lo, naa, yee ɛ an pa zia.

WENÉNÉ LE JAN A GYE (Évangile selon Jean) 8:50

Maa ’ka an tɔbɔle naginina lo; mi lé ’bɛ an tɔbɔle naginian, ’té ’bɛ a va sié, ’bɛzan ana.

Rom munu 15:3

Yé é ziin, Krist ’ka ébozen sɔlɛwe kɛlɛ lɛ lo; naa, é a é gyɛle sɛbɛ gi ’ko zo, léé: Munu lé woo i sɔnɔan, maa lé wo an sɔnɔ.

Rom munu 2:2

Ko a gi dɔɔ léé, munu lé wo ke we ’ko zoɛnu kɛlɛna, Kazambale lé wolé we blele a webozen nya.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,