WENÉNÉ LE JAN A GYE (Évangile selon Jean) 5:28 - Kazambale lé Sebe Sauunu 1979

²⁸ Té ka gi é vuru ’bɛ ma lo. A bléyi é dan bɔ lɛ yé yɛrɛgimunu faa é dan an dére ’ma lɛ, yé wo dan bɔra lɛ yɛrɛ gi;

WENÉNÉ LE JAN A GYE (Évangile selon Jean) 5:28 ပူးပေါင်းရင်းမြစ်များ

Ézai 26:19

Amalé, ’ilé migalenu vuo ma; ’I anlé migalenu nwa ma. Ka lé ka ke vun va, ’ka vuo, ka gi ’é nana, Naa, Bale lé fli a mivoéyuɛma fli nya, Yé é dan vɔ lɛ migalenu ta.

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

OZÉ (Osée) 13:14

Maa dan wo si lɛ gamunu nyanana lé plɛplɛ lee; maa dan wo si lɛ ga boen lee. Gaoo ga, ilé bawurumagyɛ a kyɛɛn? Gamunu nyanana, ilé mi guru zanale a gi a kyɛɛn? Naa, maa ’ka wo bli nɔlale yé lo.

WENÉNÉ LE JAN A GYE (Évangile selon Jean) 3:7

Dé maa a fe i lɛ léé, é a lé wo ka yaa é dɛrɛ, té ’bɛ i gi vuru lo.

WENÉNÉ LE JAN A GYE (Évangile selon Jean) 4:21

Jézu lé a lɛ léé: Lezan, maa fe i lɛ webozen nya, bléyi do é dan bɔ lɛ, ’bɛ bléyi va ka ’ka dan Ti bɔ lɛ gɔ ’ko nwiin lo, yé ka ’ka dan a bɔ lɛ Jérusalɛm lo.

WENÉNÉ LE JAN A GYE (Évangile selon Jean) 4:23

Naa, bléyi do é dan bɔ lɛ yé é bɔ sin, a nya lé Balebɔmunu bozennu wo dan Ti bɔ lɛ léli valé webozen nya. Balebɔmunu lé, Ti ke wo naginina, wo lé ke bɛ.

WENÉNÉ LE JAN A GYE (Évangile selon Jean) 5:20

Naa, maa Bale Be, an sɔ an Ti lɛ, yé we faa lé an Ti ke a kɛlɛna, é wo gɔɔn an lɛ, yé koɛnu lé wo ke blɛn é mini a ’konu ta, é dan wo gɔɔn lɛ an lɛ, yé ’bɛ é dan ka ’léé ma lɛ ka ma.

WENÉNÉ LE JAN A GYE (Évangile selon Jean) 5:25

Maa fe ka lɛ kyɔ webozen nya, a bléyi é dan bɔ lɛ yé é bɔ sin, ’bɛ bléyi va gamunu é dan maa Kazambale Be dére ’ma lɛ, yé woan wo dan a ’ma lɛ bɛ, wo dan béli lɛ.

Kelewenu 24:15

Mi tegelenu valé munu lé wo ’ka tegele lo, wo dan nwa lɛ gale va. An bli a Kazambale lɛ a we ma, bélé fɛan zo lé wo bli ke a lɛ, a zo.

Kelewenu 3:12

Piɛri we ’ko ye aan wo, é lé munu lɛ léé: ’Kaa Izraɛl munu, mɛmalé ka gi vuru we ’ko maa? Mɛmalé ka a ko ginina bélé fɛan zo lé kobozen lé plɛplɛ valé kobozen lé wezin kɛlɛle nya lé ko mi ’ko kɛlɛ tawozan nya, a zoo?

1 Korent munu 15:22

Yé fɛan zo lé Adam da ga nya yé mi faa éé gaan, a zo duo lé Krist da bélile nya yé munu faa é dan béli lɛ,

Filip munu 3:21

É dan kaa kɔlɛ ple tavɔɔ lɛ, plɛplɛ lé éé fɛnu faa plaan ’é wuo a nya bɛ, yee plɛplɛ duo nya, yé é kaa kɔlɛ kɛlɛ bélé ézé kɔlɛ bile planplan zo.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.