WENÉNÉ LE JAN A GYE (Évangile selon Jean) 5:19 - Kazambale lé Sebe Sauunu 1979

¹⁹ Bɛwemalé Jézu kun wefele ma é ziin, yé é lé wo lɛ léé: Maa fe ka lɛ kyɔ webozen nya, maa Bale Be, an ’ka bɔa we do kpen kɛlɛle lɛ anbo ’wuo gi lo; we lé maa an Ti ye a kɛlɛna, yee saa lé maa a kɛla. Yé we faa lé an Ti ke a kɛlɛna, yee duo lé maa a Be ke a kɛlɛna é ziin.

WENÉNÉ LE JAN A GYE (Évangile selon Jean) 5:19 ပူးပေါင်းရင်းမြစ်များ

Wepélisiananu 1:1

Fɛkɛlɛle pélisia bléyi va, dé Kazambale la valé tɛrɛ kɛlɛ,

Wepélisiananu 1:26

’Bɛ zuo Kazambale léé: Kaa mi kɛlɛ kaa dɔbɛ gi, kaa bɔmazan nya, yé ’é pla wɛyi va pɔnu koo, lagi mianénu koo, winu koo, tɛrɛlafɛnu faa koo, tawoplɛlawinu faa lé woo giéan tɛrɛ la koo, wo faa nwiin.

Lɛrɛvɔ Sɛbɛ 138:3

Yian nya lé maa i laa, i an dére ’ma, I an bli ta dɔ plɛplɛ, i an boen dɔ gligli.

Lɛrɛvɔ Sɛbɛ 27:14

’I bli vo Gakelebale lɛ. ’I dɔ gligli, yé ’i bli ta dɔ plɛplɛ ma. ’I bli vo Gakelebale lɛ.

Lɛrɛvɔ Sɛbɛ 50:6

Yé lanu é dan alé we tegele zana dɔɔ lɛ, Naa, Bale ɛ ke weblezan nya. Ka ye do.

Fwile 4:11

Gakelebale lé a lɛ léé: De ɛ mi ’léé kɛlɛɛ? De ɛ mi kɛla bobogyɛzan nya yé de ɛ mi kɛla tɔnéwiizan nyaa? De ɛ mi kɛla yɛrɛye?-?zan nya yé de ɛ mi kɛla yuɛwiizan nyaa? Maa, Gakelebale kaan loo?

Wegɔnévɔlenu 2:6

Naa, Gakelebale ɛ wedɔɔle no mi lɛ; a ’léé lé wedɔɔdére valé gikinidére éé sié;

Ézai 44:24

I tabozan Gakelebale lé É i ma’lɛrɛle sia i yaabléyi va, é léma: Maa Gakelebale, maa fɛ faa kɛlɛ; Maa lanu fwila an do kpen, An tɛrɛ pla an do kpen.

Ézai 45:24

Wo dan a fe lɛ an lɛ léé: Gakelebale do kpen gi lé wetegele valé plɛplɛ ke; Munu faa lé wo bli fli a ma, Wo dan da lɛ a va, wo gi blinle wo ma we gi.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Matio 26:39

Yé é go é ’lɛ sɛ, yé ébo dia é bli la yé é bazoro ’ko zo, léé: An Ti, dé é bɔalɛ ’é kɛlɛ, ’yiminikana ’ko ’é si an lee ma. Naa, té é kɛlɛ an sɔlɛwe nya lo, ’é kɛlɛ i sɔlɛwe nya ma.

WENÉNÉ LÉ LUK A GYE (Évangile selon Luc) 21:15

naa, dére valé wedɔɔle lé ka nyanézannu ’ka bɔa dɔle lɛ a ma plɛplɛ lo, yé wo ’ka bɔa a nɔlale lɛ lo, maa dan wo nɔ lɛ ka lɛ.

WENÉNÉ LE JAN A GYE (Évangile selon Jean) 10:18

Mi do kpen ’ka an gya lo, naa, maa anbo no gale lɛ. A se a an lɛ léé, an ga yé a se a an lɛ léé, an nwa é ziin. ’Ko zo lé an Ti an béli dɔ.

WENÉNÉ LE JAN A GYE (Évangile selon Jean) 12:49

Wean maa a fe, anbo ’léé dére kaan lo, naa, we lé é a lé maa a fe, é valé dérenu lé é a lé maa a fe, an Ti lé é an pa zia, yeebozen ɛ a pa an ’léé.

WENÉNÉ LE JAN A GYE (Évangile selon Jean) 12:50

Yé maa a gi dɔɔ léé, a dére éé mi voo é yuɛma, ’bɛ glɛ ’ka lo. Bɛwemalé, wenu lé maa ke wo fena, maa a wo fena fɛan zo lé an Ti wo pa an ’léé, a zo.

WENÉNÉ LE JAN A GYE (Évangile selon Jean) 14:10

Maa a an Ti gi yé an Ti a an gi, i ’ka paan ’bɛ ta loo? Dérenu lé maa wo fé ka lɛ, anbo dére kaan lo. An Ti lé é ke an gi, yee ɛ ke élé nyanamanu pana.

WENÉNÉ LE JAN A GYE (Évangile selon Jean) 2:19

Jézu a zi pa wo lɛ léé: Dé ka Balebangikɔn ’ko zana, maa dan a dɔ lɛ é pa gi yi yaa.

WENÉNÉ LE JAN A GYE (Évangile selon Jean) 3:3

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ é dɛrɛ lo, é ’ka dan kɛlɛ lɛ munu lé Kazambale ke é plale wo nwiin, wovazan do nya lo.

WENÉNÉ LE JAN A GYE (Évangile selon Jean) 5:21

Naa, fɛan zo lé an Ti éé munu nwaan gamunu va ’té éé wo bélié, a zo duo lé mi lé é sɔ an lɛ léé, maa a béli, ’bɛzan lé maa a bélié.

WENÉNÉ LE JAN A GYE (Évangile selon Jean) 6:38

An ’ka si lɛ la gi yé an da anbo lé blibɔmawe kɛlɛle we ma lo, naa, an si la gi yé an da, mi lé é an pa zia, alé blibɔmawe kɛlɛle we ma.

WENÉNÉ LE JAN A GYE (Évangile selon Jean) 8:28

Jézu lé wo lɛ léé: Yian nya lé ka dan maa blami Be dun lɛ, ’bɛ yi la, dé mi lé maa ke a nya, ka dan a dɔɔ lɛ, yé ka dan a dɔɔ lɛ léé, maa ’ka we do kpen kɛlɛna anbo ’wuo gi lo, naa, we lé an Ti a paa an gi, yee saa lé maa ke a fena.

WENÉNÉ LE JAN A GYE (Évangile selon Jean) 9:4

Bléyian va lé fɛna a é kinile, mi lé é an pa zia, é a lé maa alé nyanama pa; béli a dana tan lɛ, ’té mi do kpen ’ka bɔa nyanama pale lɛ lo.

Kelewenu 2:24

Gale ’ka bɔ lɛ Jézu lɛ lo, naa, Kazambale a nwa gale va, gabale fuole nya a ma.

Rom munu 6:4

Kaa ga wo nya yé Bale kaa pa wo nya, kaa batizéwole nya, léé, fɛan zo lé Ti lé plɛplɛ Krist nwa gamunu va, a zo duo lé kaa é ziin, kaa tawo tawobɛ dɛrɛ nya.

Rom munu 8:11

Mi lé é Jézu nwa gamunu va, dé ’bɛzan Léli a é nyanale ka gi, ’té mi lé é Krist nwa gamunu va é dan kalé gakɔlɛ béli lɛ é ziin, a Léli lé é ke é nyanale ka gi bɛ, a nya.

1 Korent munu 15:12

Yé dé ko fe léé, Krist nwa gale va, é kɛlɛ kaa yé ka va mi kenu léé, mi ’ka nwaan gale va loo?

2 Korɛnt Munu 4:14

Ko a gi dɔɔ léé, mian é Mizan Jézu nwa gamunu va, ’bɛzan é dan ko nwa lɛ é ziin Jézu va, yé é dan é ziin ko valé kanu bɔra lɛ é yara.

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

Éfez munu 3:16

’é Léli wɔra kabozen nya bélé nyɔnɔbɔ zo, yé ka dɔ gligli boenwo alé fuasan yɛrama ma;

Filip munu 3:21

É dan kaa kɔlɛ ple tavɔɔ lɛ, plɛplɛ lé éé fɛnu faa plaan ’é wuo a nya bɛ, yee plɛplɛ duo nya, yé é kaa kɔlɛ kɛlɛ bélé ézé kɔlɛ bile planplan zo.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Kolɔs munu 1:11

yé ’ka dɔ plɛplɛ we faa gi alé plɛplɛ tɔbɔle nya, yé ’ka kɛlɛ yifaama yarapawelazannu valé bli tiéézannu nya, ’té ka gi éé nanaan.

Kolɔs munu 1:16

Naa, fɛnu faa lé wa kɛlɛ la gi valé tɛrɛ la bɛ, Jézu gi lé wa kɛlɛ, fɛnu lé wa yé koo, fɛnu lé wo ’ka wo yé lo koo, webleblinnu koo, tɔmunu koo, wemaplɛplɛzannu koo, fɛ lé wa lɛdɔama koo, woo lé. Yee ɛ wo faa kɛlɛ yé wa kɛlɛ yee ɛzé nya.

1 Tɛsalɔnik munu 4:14

Dé ko dɔ a ta léé, Jézu ga yé é nwa é ziin, é a lé ko dɔ a ta é ziin léé, munu lé wo ga Jézu gi, Kazambale é dan wo pa lɛ Jézu va yé é da wo nya.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.