WENÉNÉ LE JAN A GYE (Évangile selon Jean) 4:20 - Kazambale lé Sebe Sauunu 1979

²⁰ Ko tranu Kazambale bɔ gɔ ’ko ɛ nwiin, yé ka léé, é a lé ’wo Kazambale bɔ Jérusalɛm ɛ na.

WENÉNÉ LE JAN A GYE (Évangile selon Jean) 4:20 ပူးပေါင်းရင်းမြစ်များ

1 Minwiinzannu 9:3

Yé Gakelebale lé a lɛ léé: Ilé bazorole valé zanté lé bé vɔ an lɛ, maa maan; kɔn ’ko lé bé dɔ an tɔ pale a ma yifaama we gi, maa a kɛlɛ sauun yé an yuɛ valé an bli é dan kɛlɛ lɛ ana yifaama.

Minwiinzannu lé Wezuofe Sɛbɛ 21:26

David Gakelebale banna kɛlɛ ’bɛna, yé balebanwi lé wa kyɛ blé, é ’bɛ valé bɔvɔ sarakanu bo Gakelebale lɛ. É Gakelebale tɔ laa, yé Gakelebale a zi pa kyɛ nya, é si la gi yé é zun balebanna lé woo wi kyɛ blé a ta, a ta.

Minwiinzannu lé Wezuofe Sɛbɛ 22:1

Yé David léé: Bale, Gakelebale lé kɔn é dan kɛlɛ lɛ fɛ ’ko ɛ na, yé balebanna lé woo balebanwi kyɛ blé ana, é dan kɛlɛ lɛ fɛ ’ko ɛ na.

2 Minwiinmunu lé Wezuofe Sɛbɛ 6:6

naa, maa Jérusalɛm si a va léé, an tɔ ’é kɛlɛ ana, yé an David si a va léé, ’é pla anlé munu Izraɛl nwiin.

2 Minwiinmunu lé Wezuofe Sɛbɛ 7:12

Gakelebale bɔra Salomɔn va é béli, yé é lé a lɛ léé: Maa ilé bazoro dére ’ma, yé maa fɛkona si a va léé, ’wo saraka bo ana an lɛ.

2 Minwiinmunu lé Wezuofe Sɛbɛ 7:16

Sin, an kɔn ’ko si a va yé maa a pa é yɛrama léé, an tɔ ’é kɛlɛ ana yifaama, yé an yuɛ valé an bli é dan kɛlɛ lɛ ana lɛɛfaama.

Lɛrɛvɔ Sɛbɛ 132:13

Iin, Gakelebale Siɔn si ézé nya, É sɔ a lɛ léé, ’é kɛlɛ é nyanana nya.

Lɛrɛvɔ Sɛbɛ 78:68

É Juda bɛn si a va ézé nya, Siɔn gɔblɛn lé, é sɔ a lɛ, é a si.

Ézai 66:1

Gakelebale léma: La a an nyanala blin nya, yé tɛrɛ a a ganedɔralafɛ nya. Mɛ kɔn lé ka dɔa an lɛ yé fɛ kyɛnna lé ka ana nɔ an lɛ an nyanana nyaa?

WENÉNÉ LÉ LUK A GYE (Évangile selon Luc) 9:53

A yara a é dɔle Jérusalɛm zia, amalé Samari munu ’ka a vole ’wo va nyi si lɛ lo.

WENÉNÉ LE JAN A GYE (Évangile selon Jean) 4:12

Ko tra Jakɔb lé, é ’yiguru ’ko nɔ ko lɛ, ’té yeebozen koo, a benu koo, alé trubɛnu koo, wo ’yi mini a gi bɛ, i blɛn mini a lɛɛ?

Bélidɔwesɛbɛ Fiézan 11:29

Dé Gakelebale, kalé Bale ka wɔra tɛrɛ lé ka dan a si lɛ kazé nya, a ta, ’ka mi drɔɔ vo dére fe, ’té ka a é dɔle Garizim gɔ nwiin, yé ka bale pa dére ’konu fe, ’té ka a é dɔle Ébal gɔ nwiin.

Bélidɔwesɛbɛ Fiézan 27:12

Dé ka Juudɛn kini, Siméɔnnu koo, Lévinu koo, Judanu koo, Isakaanu koo, Jozɛfunu valé Bɛnjamɛnnu koo, ’wo dɔ Garizim gɔ nwiin, munu drɔɔ vole we gi;