WENÉNÉ LE JAN A GYE (Évangile selon Jean) 4:14 - Kazambale lé Sebe Sauunu 1979

¹⁴ Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 4:14 ပူးပေါင်းရင်းမြစ်များ

Ézai 49:10

Lɔrɔ ’ka dan wo gyɛ lɛ lo, yé ’yiminilɔrɔ ’ka dan wo gyɛ lɛ lo; Wo ’ka dan nyané ble lɛ tɛrɛ kyɛ dɔle valé yiri lee lo; Naa, mi lé a nyanai é zén wo ta, é dan kɛlɛ lɛ wolé zigɔɔnzan nya, Yé é dan go lɛ wo nya ’yibɔnanu na.

Ézai 55:1

’Kaa faa lé ’yiminilɔrɔ ke ka gyɛna, ’ka da ’yi va, Dé gɔɔli ’ka mian lee looo, ’Ka da fɛ lɔ yé ka ble. ’Ka da, ’ka nwɛ valé dirinyɔyi lɔ, gɔɔli we kaan lo, yé a banwowe ’ka a gi lo.

Ézai 58:11

Gakelebale é dan zi gɔɔn lɛ i lɛ yifaama. É dan i boen kan lɛ fɛna gale na; é dan i wi faa dɔ lɛ plɛplɛ; i dan kɛlɛ lɛ bélé féi lé wo ’yi zén a ta, a zo, bélé ’yi’wuo lé a gi ’yi ’ka bélié lo, a zo.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Jérémi 31:25

Naa, munu lé ’yiminilɔrɔ wo vo tɔɔtɔɔ, maa dan ’yiminilɔrɔ si lɛ wo ma, yé munu lé lɔrɔ blɛn wo fuu si wo ta, maa dan wo kan lɛ.

Ézékiɛl 47:9

Fɛ yuɛmalenu faa lé wo ke ’yi va, wo dan vo lɛ é yuɛma, fɛ faa na lé ’yi ’ko é dan bɔ lɛ, ana. Pɔ é dan kɛlɛ lɛ a va kiɛre, naa, fɛana lé ’yi ’ko é dan bɔ lɛ, wɛ ’ka dan kɛlɛ lɛ ana ’yi ma lo. Yé fɛana lé ’yiyoro ’ko é dan bɔ lɛ, fɛ faa é dan vo lɛ é yuɛma ana.

Lévinu 11:36

’Yibɔna valé ’yiguru lé, ’yi kiɛre ke a gi, ’bɛnu saa gi é dan vo lɛ é bɔle; naa, mi lé é mane wo gale ma, a tiri dɔ.

Matio 25:46

Yé munu ’ko, wo dan go lɛ kle lé é ’ka nyaan lo, a ble lɛ, naa, mi tegelenu é dan go lɛ vole é yuɛma lé é ’ka nyaan lo, a ye lɛ.

Matio 5:6

Munu lé, we tegele lɔrɔ ke wo ma bélé ’yiminilɔrɔ zo, wa bɛan ’bɛ gi bɛ, ’bɛ a é zima wozé nya, naa, Bale é dan lɔrɔ si lɛ wo ma.

WENÉNÉ LE JAN A GYE (Évangile selon Jean) 10:10

Kyeenwozan éé dan kyeenwole koo, fɛ gyɛle koo, fɛ sɛrɛle koo, wo saa ɛ we ma; an da ’blanu vole é yuɛma we gi, é valé wo fuu dɔle wo ta we ma fɔɔ yé é gié é glɛ ta.

WENÉNÉ LE JAN A GYE (Évangile selon Jean) 11:26

Yé dé miomian vo é yuɛma yé a bli vo an lɛ, é ’ka dan ga lɛ monomono lo. I dɔ ’bɛ taa?

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:11

Lezan lé a lɛ léé: Mizan, fɛ do kpen ’ka i lee ’yitɔfɛ nya lo, yé ’yiguru gi a baa. I dan mibéli’yi ’ko ye lɛ fɛ kyɛnnaa?

WENÉNÉ LE JAN A GYE (Évangile selon Jean) 4:13

Jézu lé a lɛ léé: Dé miomian é ’yi ’ko mini, ’yiminilɔrɔ é dan a gyɛ lɛ é ziin.

WENÉNÉ LE JAN A GYE (Évangile selon Jean) 4:36

Woo ’sagyɛzan gooli paan, yé éé féi ma tɔnɔ yé vole é yuɛma lé a glɛ ’ka lo, azé nya, ’savɔzan valé ’sagyɛzan gi nanale ékeva we gi.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

WENÉNÉ LE JAN A GYE (Évangile selon Jean) 6:35

Jézu lé wo lɛ léé: Maa lé ke mibéliburu nya. Mi lé é da an va, lɔrɔ ’ka dan a gyɛ lɛ monomono lo, yé mi lé a bli vo an lɛ, ’yiminilɔrɔ ’ka dan a gyɛ lɛ monomono lo.

WENÉNÉ LE JAN A GYE (Évangile selon Jean) 6:58

Buru lé é si la gi, yee lé é ke an nya ’ko. Buru lé ka tranu a ble yé wo ga, an ’ka bélé ’bɛ zo lo. Mi lé éé buru ’ko blé, é dan vo lɛ é yuɛma lɛɛfaama, a glɛ ’ka dɔa lo.

WENÉNÉ LE JAN A GYE (Évangile selon Jean) 7:37

Fɛti yi nyaana nya, yee lé é ke fɛti yi blɛn nya, Jézu dɔ loru, yé é siaa léé: Mian ’yiminilɔrɔ ke a gyɛna, ’é da an va ma, yé ’é ’yi mini ma.

Rom munu 5:21

léé, fɛan zo lé wenyané pla munu nwiin gale nya, a zo duo lé zin éé plaan munu nwiin kɛlɛle tegele nya, yé a ’wuo éé plaan vole é yuɛma lé a glɛ ’ka lo, a nya, Kozan Jézu Krist lé we ma.

Rom munu 6:23

Yé wenyané ma ban lé ke ga nya, naa, Kazambale lé blɛ pla lé ke vole é yuɛma lé a glɛ ’ka lo, a nya, Kaazan Jézu Krist gi.

2 Korɛnt Munu 1:22

yee ɛ fɛ dɔ ko ma é ziin, yee ɛ fɛ pla ko ta é Léli nya.

Éfez munu 4:30

Té ka Kazambale Léli ’namawe kɛlɛ lo, a nya lé Kazambale fɛ dɔ ka ma taboyi zé nya.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

Wegɔɔnle 7:16

lɔrɔ ’ka dan wo gyɛ lɛ é dɛrɛ lo, ’yiminilɔrɔ ’ka dan wo gyɛ lɛ é dɛrɛ lo, yiri valé kyɛsan do kpen ’ka dan wo gyɛ lɛ é dɛrɛ lo.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.