WENÉNÉ LE JAN A GYE (Évangile selon Jean) 4:10 - Kazambale lé Sebe Sauunu 1979

¹⁰ Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:10 ပူးပေါင်းရင်းမြစ်များ

Lɛrɛvɔ Sɛbɛ 10:17

Oo Gakelebale, i nyanéblemunu lé balekundérenu maan, I wo bli ta dɔa plɛplɛ; i tɔné dɔa wo lɛ

Fwile 17:6

Naa, maa dan dɔ lɛ i ’lɛ Orɛb gɔlɛ ta; i dan fɛ duun lɛ gɔlɛ lɛ, yé ’yi é dan bɔra lɛ a gi yé munu é dan ’yi mini lɛ. Yé Moizi a kɛlɛ ’bɛ zo, Izraɛl mi segelenu yuɛ va.

Wegɔné Ma Lɛrɛ 4:15

I a bélé ’yibɔna zo zianféi méléna, Bélé ’yi zin lé éé yoroan, a zo, Bélé Liban tɛrɛ la ’yi lé a yuɛma éé bɔa, a zo.

Ézai 12:3

Ka dan ka béli’yi’wuo tɔ lɛ Ginanale nya;

Ézai 35:6

Ganesuruzannu é dan fɔrɔ lɛ bélé gan zo, Yé bobogyɛzannu ’léé lɛ é dan so lɛ ginanale nya. Naa, ’yi é dan so lɛ nyéné saa lé fɛna, Yé ’yinu é dan yoro lɛ bwi gi.

Ézai 42:6

Maa, Gakelebale, maa i laa i sile we gi we ma, Yé maa dan kun lɛ i bɛ ma, Maa dan yuɛ pa lɛ i va, yé maa i dɔ maa valé munu gi pa do fɛ nya, I kɛlɛle bɛnnu vakinisan nya we ma,

Ézai 43:20

Bwigiwinu é dan an tɔ zin fe lɛ, Gwe valé mianéléduo é dan an tɔ zin fe lɛ, Naa, maa dan ’yi bɔra lɛ nyéné lé fɛna Yé maa yuunu bɔra bwi gi, Anlé munu lé maa wo si a va anzé nya, wolé ’yiminile we ma.

Ézai 44:3

Naa, an dan ’yi zén lɛ tɛrɛ wiéwié ta, Maa dan ’yi yoro lɛ tɛrɛ gale ta; Maa dan an léli zén lɛ i bɛn ta, Maa dan i kulu drɔɔ vo lɛ.

Ézai 49:10

Lɔrɔ ’ka dan wo gyɛ lɛ lo, yé ’yiminilɔrɔ ’ka dan wo gyɛ lɛ lo; Wo ’ka dan nyané ble lɛ tɛrɛ kyɛ dɔle valé yiri lee lo; Naa, mi lé a nyanai é zén wo ta, é dan kɛlɛ lɛ wolé zigɔɔnzan nya, Yé é dan go lɛ wo nya ’yibɔnanu na.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 2:13

Naa, anlé munu wenyané gɔnɔ fié kɛlɛ: Maa lé, an ke bélé ’yi’wuo lé éé mi voo é yuɛma, a zo, wo an vo Yé ’yigurunu lé ’yi ’ka voo wo gi lo, wa bo wozé nya.

Ézékiɛl 16:35

Amalé, gɔné gini le, ’i tɔné dɔ Gakelebale dére lɛ.

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

Zakari 14:8

’Bɛ yi la, ’yi zin é dan si lɛ Jérusalɛm, yé a lɛ do é dan yoro lɛ yirinwana wɛyi vazia, yé a lɛ do é dan yoro lɛ yirivɔna wɛyi vazia. É dan kɛlɛ lɛ a zo lɛɛdabléyi valé yiribibléyi va.

WENÉNÉ LÉ LUK A GYE (Évangile selon Luc) 11:13

Naa, ka‐an ka ke é naané, dé ka fɛ zin nɔle gi dɔɔ kalé nénu lɛ, ka Lagi Ti ’ka dan Léli Sauun nɔ lɛ munu lé wa laan a lee, wo lɛ loo?

WENÉNÉ LE JAN A GYE (Évangile selon Jean) 16:3

Wo ’ka an Ti dɔɔa lo, yé wo ’ka an dɔɔa lo, bɛwemalé wo dan kɛlɛ lɛ a zo.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 6:35

Jézu lé wo lɛ léé: Maa lé ke mibéliburu nya. Mi lé é da an va, lɔrɔ ’ka dan a gyɛ lɛ monomono lo, yé mi lé a bli vo an lɛ, ’yiminilɔrɔ ’ka dan a gyɛ lɛ monomono lo.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

Kelewenu 9:11

Yé Mizan lé a lɛ léé: ’I nwa, ’i go fla worona zi lé wa laama Drɔle, a ta, yé Taase mi do lé wa laama Sɔl, bé gini Judas lé kɔn gi.

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 10:4

yé Balenɔyi lé wo faa a mini. Balenɔgɔlɛ lé é tawo wo zuo, a gi ’yi lé wo faa a mini. Yé gɔlɛ ’ko a Krist nya. Bwenu, we ’ko sele ’é dɔ ka gi ma.

2 Korɛnt Munu 9:15

’Wo Kazambale bɔ vɔ, blɛ lé é a kɛlɛ kaa lɛ, ’té a gifedére ’ka bɛ lo, alé we ma.

Éfez munu 2:8

Bale lé zin ma lé é ka si we gi, ka blipale a lɛ we ma, yé we ’ko ’ka si lɛ ka va lo; Kazambale lé blɛ lé.

Ébrunu 6:4

Munu lé, wo wo bɔn gi kini, ’té wo lagi blɛ ye, ’té wo ’wozé ye Léli Sauun va,

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.