WENÉNÉ LE JAN A GYE (Évangile selon Jean) 3:5 - Kazambale lé Sebe Sauunu 1979

⁵ Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ ’yi valé Kazambale Léli nya lo, é ’ka bɔa gole lɛ Kazambale lé fla lo.

WENÉNÉ LE JAN A GYE (Évangile selon Jean) 3:5 ပူးပေါင်းရင်းမြစ်များ

Matio 18:3

Maa lé ka lɛ webozen nya léé, dé ka ’ka ka bli nɔlaan lo, dé ka ’ka kinin‐é bélé né kiénénu zo lo, ka ’ka dan go lɛ Kazambale lé fla lo.

Matio 19:24

Maa lé ka lɛ é ziin léé, fuablezan plale Kazambale wuo a tɔntɔn é mini nyɔgɔmé wɔrale sɔ béé sééné yɛrɛ gi lɛ.

Matio 21:31

Woo mi fié ’ko, a kyɛnzan ɛ é ti lé blibɔmawe kɛlɛɛ? Wa zi pa léé: A vininzan lé. Yé Jézu lé wo lɛ léé: Maa lé ka lɛ webozen nya léé, vagɔɔlisimunu valé gɔnéginilomu é dan wɔra lɛ Kazambale lé fla ka ’lɛ.

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Matio 3:11

Maa ka batizéwo ’yi nya ka bli nɔlale we gi, naa, mian é dan da lɛ an zuo, a plɛplɛ mini an ta, yé a yara ’ka an yara lé maa alé sawala si lo. Yee ɛ dan ka batizéwo lɛ Léli Sauun valé kyɛ nya.

Matio 5:20

Maa lé ka lɛ léé, dé kazé Kazambale zuo tawole tegele ’ka minié sɛbɛgifemunu valé Farizimunu zé ta lo, dé Kazambale lé plale mi faa nwiin da bléyian va, kazé ’ka dan kɛlɛ lɛ a va lo.

Maak 10:14

Jézu a ye aan wo, é ’na a ma, yé é lé é zuomunu lɛ léé: ’Ka daan nunukénénénu ma, ’wo da an va. Té ka wo dale yi ga lo; naa, munu lé wo ke bélé nénu zo, Kazambale a é plale wo ɛ nwiin.

Maak 16:16

Mian é bli vo a lɛ yé wa batizéwo, é dan si lɛ we gi. Mian é ’ka é bli vo lɛ a lɛ lo, alé we é dan a gyɛ lɛ.

Maak 9:47

Yé dé i yuɛ i vɔ wenyané gi, bé bɔra a gi; a fila vɔ léé, i wɔra Kazambale lé fla i yuɛ do kpen nya é mini wolé i vulile i yuɛ fié nya jéɛna kyɛ va ta,

WENÉNÉ LÉ LUK A GYE (Évangile selon Luc) 13:24

’Ka kwa kuli é zima léé, ’ka wɔra zi ’léé kiéné na; naa, maa fe ka lɛ, mi kiɛre é dan wɔrale ana gi dan lɛ yé wo ’ka dan bɔ lɛ a lɛ lo.

WENÉNÉ LÉ LUK A GYE (Évangile selon Luc) 13:3

Maa lé ka lɛ léé, gba. Naa, dé ka ’ka ka bli nɔlaan lo, ka faa é dan zamaga wo lɛ é ziin.

WENÉNÉ LÉ LUK A GYE (Évangile selon Luc) 13:5

Maa lé ka lɛ léé, gba. Naa, dé ka ’ka bli nɔlaan lo, ka faa é dan zamaga wo lɛ é ziin.

WENÉNÉ LE JAN A GYE (Évangile selon Jean) 1:13

Wo ’ka wo yaa lɛ tɛrɛla né yaabɛ nya lo, wo ’ka wo yaa lɛ blaminu lé sɔlɛwe nya lo, wo ’ka wo yaa lɛ mi lé blibɔmale nya lo, naa, wo wo yaa Kazambale lé blibɔmale nya.

WENÉNÉ LE JAN A GYE (Évangile selon Jean) 3:3

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ é dɛrɛ lo, é ’ka dan kɛlɛ lɛ munu lé Kazambale ke é plale wo nwiin, wovazan do nya lo.

WENÉNÉ LE JAN A GYE (Évangile selon Jean) 3:4

Nikodɛm lé a lɛ léé: Dé mi a segele, wo bɔa a yaale lɛ kaa? Mi é bɔaléé, ’é wɔra é bu bɔn gi é ziin, yé wa dɛrɛ yaa?

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

1 Korent munu 15:50

Bwenu, we lé maa a fé, yee lé ke ’ko: mi ’ka bɔa lagi tɔnɔ blele lɛ tɛrɛlakɔlɛ ’ko nya é ta lo; yé vɔnfɛ ’ka bɔa vole lɛ é yuɛma lɛɛfaama lo.

1 Korent munu 2:12

Dé é a kaa nya, léli lé kaa a ye, é ’ka tɛrɛlamunu léli nya lo, naa, léli lé éé sié Kazambale va, yee lé kaa a ye, wenu lé Kazambale a nɔ kaa lɛ élé zin lé we ma, wo dɔɔle we ma.

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

Galasi munu 6:15

Naa, dé mi gane a é dɔleoo, dé a gane ’ka é dɔle looo, ’bɛ ’ka we do kpen nya lo; kɛlɛle mi dɛrɛ nya ɛ ke we nya.

Éfez munu 5:26

a kɛlɛle sauun we gi, yé é a gi bɔ ’yi valé é dére nya.

1 Piɛri 1:2

Tibale ka si a va élé tɛlɛ tɛlama wedɔɔle yɛrama, yé Léli Sauun ka pa é yɛrama Bale zé nya, kalé Jézu Krist lɛdɔmale valé ka kɛlɛle a nyɛ nwɛɛn ta munu nya we gi. Bale lé zin kɛlɛle ka lɛ valé Bale lé ka vole drɔɔ gi ’é gyɛ ma.

1 Piɛri 3:21

’Yi ’ko a batizé lé éé ka sié we gi sin, a tɔmase nya. Batizé ’ka ka kɔlɛ zurule we nya lo, dé kalé wevasibli ’ka we dɔa ka nwiin Kazambale yara lo, yee lé ke batizé nya, yé é ka sié we gi Jézu Krist nwale gale va nya.

1 Jan 2:29

Dé ka a gi dɔɔ léé, Kazambale a tegele, ka a gi dɔɔ é ziin léé, mian éé we tegele kɛla, é a Kazambale lé né nya.

1 Jan 5:1

Mi faa lé wo bli ke a lɛ léé, Jézu a Krist nya, wa Kazambale lé nénu nya, yé dé mi yaati sɔ miomian lɛ, ’té a giné éé sɔa a lɛ é ziin.