WENÉNÉ LE JAN A GYE (Évangile selon Jean) 3:36 - Kazambale lé Sebe Sauunu 1979

³⁶ Mi lé éé bli voo Be lɛ, é dan vo lɛ é yuɛma lɛɛfaama, ’bɛ glɛ ’ka lo, naa, mi lé éé Be lɛgaanma, é ’ka dan vo lɛ é yuɛma lo, naa, Kazambale bli é dan vo lɛ flina a ma. A zo lé Jan a fe wo lɛ.

WENÉNÉ LE JAN A GYE (Évangile selon Jean) 3:36 ပူးပေါင်းရင်းမြစ်များ

JOB (Job) 33:28

Kazambale an boen tabo, léé, té an go guru gi lo, Yé é an fuo fɛnafu va bélé luvwi bile zo.

Lɛrɛvɔ Sɛbɛ 2:12

’Ka a be tuu gyɛ ma, dé a bli é da nwa Yé ka zamagawo kalé zi ta, Naa, a bli éé flian é kele bélé kyɛblele zo. Munu faa lé woo paan a ta, wozé a néné.

Lɛrɛvɔ Sɛbɛ 36:9

Ilé kɔngifɛ kiɛre wo kaan, Ilé fɛ néné no wo lɛ yé lɔrɔ éé sié wo ma.

Lɛrɛvɔ Sɛbɛ 49:19

Alé tɛrɛla gi, é a ye léé, ézé a néné, Yé munu i tɔ zin fe léé, i wezin kɛlɛ ibo lɛ.

Abaku 2:4

Bé ye, é blii boblɛn nya; a bli ’ka tegele lo. Naa, mi tegele éé voo é yuɛma élé blipale ma.

Mi Nɔnɔle 32:11

Munu lé wo si Éjipiti tɛrɛ la, ’té wo lɛɛ gié lɛɛ yɔ do ta, tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, wo va mi do kpen ’ka dan a ye lɛ lo. Wo ’ka tawo lɛ an zuo yarapalale nya lo,

Matio 25:46

Yé munu ’ko, wo dan go lɛ kle lé é ’ka nyaan lo, a ble lɛ, naa, mi tegelenu é dan go lɛ vole é yuɛma lé é ’ka nyaan lo, a ye lɛ.

Maak 16:16

Mian é bli vo a lɛ yé wa batizéwo, é dan si lɛ we gi. Mian é ’ka é bli vo lɛ a lɛ lo, alé we é dan a gyɛ lɛ.

WENÉNÉ LÉ LUK A GYE (Évangile selon Luc) 2:30

Naa, an yuɛ ilé mibélizan ye,

WENÉNÉ LÉ LUK A GYE (Évangile selon Luc) 3:6

Yé mi faa é dan Bale lé mibélile ye lɛ.

WENÉNÉ LE JAN A GYE (Évangile selon Jean) 1:12

Naa, munu faa lé wa si ’wozé nya, ’té wo bli vo a tɔ lɛ bɛ, é a se kɛlɛ wo lɛ léé, ’wo kinin Kazambale lé nénu nya.

WENÉNÉ LE JAN A GYE (Évangile selon Jean) 10:28

Vole é yuɛma lé a glɛ ’ka lo, maa wo wɔra ’bɛ gi, yé wo ’ka dan zamaga wo lɛ monomono lo; yé mi do kpen ’ka dan wo si lɛ an lee gla nya lo.

WENÉNÉ LE JAN A GYE (Évangile selon Jean) 3:3

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ é dɛrɛ lo, é ’ka dan kɛlɛ lɛ munu lé Kazambale ke é plale wo nwiin, wovazan do nya lo.

WENÉNÉ LE JAN A GYE (Évangile selon Jean) 4:36

Woo ’sagyɛzan gooli paan, yé éé féi ma tɔnɔ yé vole é yuɛma lé a glɛ ’ka lo, azé nya, ’savɔzan valé ’sagyɛzan gi nanale ékeva we gi.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

WENÉNÉ LE JAN A GYE (Évangile selon Jean) 6:58

Buru lé é si la gi, yee lé é ke an nya ’ko. Buru lé ka tranu a ble yé wo ga, an ’ka bélé ’bɛ zo lo. Mi lé éé buru ’ko blé, é dan vo lɛ é yuɛma lɛɛfaama, a glɛ ’ka dɔa lo.

WENÉNÉ LE JAN A GYE (Évangile selon Jean) 8:51

Maa fe ka lɛ kyɔ webozen nya, dé mian éé tawoo an dére ta, é ’ka dan ga lɛ monomono lo.

Kelewenu 14:2

Juifi mi kenu lé wo bli ’ka we ’ko lɛ lo, wo bɛn bɛnu bli nwa léé, ’wo wenyané kɛlɛ bwenu lɛ.

Rom munu 4:15

Naa, bélidɔwe éé dan bliflile nya yé dé bélidɔwe ’ka lo, a sɛrɛwe ’ka lo é ziin.

Rom munu 5:9

Ko kɛlɛ tegele sin a nyɛ nya ’naan, é ’ka dan ko si lɛ bliflile wuo é ziin loo?

Rom munu 8:1

Amalé sin, we do kpen ’ka é dɔle Jézu Krist gimunu nwiin lo.

Galasi munu 3:10

Munu faa lé wo ke bélidɔwe kɛlɛwenu va, bale a é pale wo ma; naa, é a é gyɛle Kazambale lé sɛbɛ gi léé: We lé ke é gyɛle bélidɔwe sɛbɛ gi bɛ, dé mian é ’ka a faa kɛla yarapalale nya lo, bale a é pale a ma.

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

1 Tɛsalɔnik munu 1:10

Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.

1 Tɛsalɔnik munu 5:9

Naa, Kazambale ’ka kaa kɛlɛ lɛ léé, é bli é fli kaa ma lo; naa, é kaa kɛlɛ léé, Jézu Krist ’é kaa béli.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Ébrunu 3:18

Dé é ’ka munu lé wo Kazambale lɛgama, wo nya lo, ’té denu lɛ lé Kazambale ébo ’nyɔɔn léé, ’é ’ka dan ’élé flinle nɔ lɛ wo lɛ loo?

Ébrunu 3:19

’Ko zo lé ko yé léé, wo bli ’ka é pale lo, amalé wo ’ka bɔ lɛ flinle ’ko yele lɛ lo.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.