WENÉNÉ LE JAN A GYE (Évangile selon Jean) 3:29 - Kazambale lé Sebe Sauunu 1979

²⁹ Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

WENÉNÉ LE JAN A GYE (Évangile selon Jean) 3:29 ပူးပေါင်းရင်းမြစ်များ

Wegɔné Ma Lɛrɛ 3:11

’Kaa Siɔn lomu, ’ka bɔra, ’Ka nwiinzan Salomɔn nagini, Alé tɔkoro lé a bu a wo a ’wuo ma Alé lesiyi la, A ginanayi nya, ’ka nagini. —

Wegɔné Ma Lɛrɛ 5:1

An buru, an bwɛ, an wɔra anlé féi, An mirélia valé bla ginzannu so, Maa anlé zɔrɔnyɔnɔ valé a yoduo ble, Maa anlé dɔrɔ valé nɔnɔ mini. — An béénu, ’ka ble, ’ka mini, sɔlɛle ’é ka gyɛ bélé nwɛ zo.

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 66:11

A tɔrɔpaale ’É kɛlɛ kalé fɛblele valé ka kanfɛ nya, Yé alé fuasan tɔ blɛn ’É ka ’léli sele ka ’léé a néné zi.

Jérémi 2:2

’I go, yé ’i siaa Jérusalɛm munu tɔné gi léma: Gakelebale léma: An sɔ i lɛ i boroné la bléyi va fɛan zo, a sele a an gi. Ko ke si é dɛrɛ bléyian va, an wea i lee fɛan zo, ’Té i go an zuo bwi gi, Féi ’ka fɛana lo, ana, a sele a an gi.

Ézékiɛl 16:8

An gié i punma yé maa i nagini. Yé bé ye, ’té izé bléyi bɔ; izé sɔlɛle bléyi bɔ. Maa anlé varɔ lɔlu zén i ta; an sɔ zén i porole ta. Maa anbo ’nyɔɔn léé, bii do ɛ ke anzé nya, an gi pa do i va yé i kɛlɛ anzé nya. A zo lé Mizan, Gakelebale a fe.

OZÉ (Osée) 2:19

Maa dan Baalnu tɔ si lɛ i ’léé, yé i ’ka dan wo tɔ bɔra lɛ é dɛrɛ i ’léé lo.

Matio 22:2

Kazambale plale mi nwiin a bélé minwiinzan lé, é ’é be lé lesile lé fɛti kɛlɛ, a zo.

Matio 25:1

Kazambale plale mi nwiin a bélé blɛn vu lé gɔné ’ka tan wo dɔɔ lɛ le nya lo, wolé we zo.

Matio 9:15

Jézu lé wo lɛ léé: Dé ledɛrɛsizan a é béénu va, wo bli kyɛ éé dɔa kaa? Bléyi do é dan bɔ lɛ yé wo dan ledɛrɛsizan si lɛ wo va; ’bɛ bléyi nya lé wo dan lɔrɔ sɔn lɛ.

WENÉNÉ LÉ LUK A GYE (Évangile selon Luc) 15:6

yé dé é bɔ kɔn ’léé, yé é é béénu valé é punma munu laan yé é lé wo lɛ léé: Anlé ’bla lé é san an lee, maa a ye, amalé ka gi ’é nana an va ma. É ’ka yee ɛ zo loo?

WENÉNÉ LE JAN A GYE (Évangile selon Jean) 15:11

Maa we ’konu fe ka lɛ anlé gi nanale kɛlɛle ka gi we ma, ’é valé ka gi nanale tegelee we ma.

WENÉNÉ LE JAN A GYE (Évangile selon Jean) 16:24

Fɔɔ bléyi ’ko va, ka ’ka tan we do kpen laa lɛ an tɔ gi ’lo. ’Ka fɛ laa, yé ka dan a ye lɛ, ka gi nanale tegelee we ma.

WENÉNÉ LE JAN A GYE (Évangile selon Jean) 17:13

Yé sin, maa a gona i va, yé maa we ’konu fé tɛrɛ la, léé, an gi boen a é nanale tegele fɛan zo yé wo gi é nana a zo.

WENÉNÉ LE JAN A GYE (Évangile selon Jean) 3:30

É a lé yee ɛ kɛlɛ blɛn yé maa ɛ kɛlɛ kiéné.

2 Korɛnt Munu 11:2

Maa ka pu dɔ lesizan do kpen ɛ lɛ, yé maa ka nɔ Krist lɛ, blɛn lé é ’ka tan gɔné dɔɔa lo, a nya, bɛwemalé maa a ka ta maawona bélé Kazambale lé maawole zo.

Filip munu 2:2

kalé zanté, ’ka anlé ginanale lɛ sɔɔ ’ko zo: ka gibɔrɔle ’é kɛlɛ do; ’ka sɔ ka ke lɛ; ka bli ’é kɛlɛ do. Kalé blibɔmawe ’é kɛlɛ do.

1 Jan 1:4

Yé ko a we ’konu gyɛna kaa gi nanale tegele we ma.

2 Jan 1:12

É sɔ an lɛ léé, maa we kiɛre fe ka lɛ, naa, é ’ka sɔ lɛ an lɛ léé, maa wo gyɛ sɛbɛ ta nankréyi nya lo. An bli a a lɛ léé, maa go ka va, yé kaa we fe kaa ke yara, kaa ginanale ékeva tegele we ma.

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.