WENÉNÉ LE JAN A GYE (Évangile selon Jean) 3:21 - Kazambale lé Sebe Sauunu 1979

²¹ naa, mi lé éé we kɛla webozen yɛrama, yee ɛ dan san va, a nagɔɔnle we gi léé, ’é kɛlɛwenu a Kazambale lé blibɔmale nya.

WENÉNÉ LE JAN A GYE (Évangile selon Jean) 3:21 ပူးပေါင်းရင်းမြစ်များ

Lɛrɛvɔ Sɛbɛ 119:105

I dére a kyɛbɔ nya, a nya lé an wuo yé, Yé éé san nwɛɛn‐an anlé zi ta.

Lɛrɛvɔ Sɛbɛ 119:80

Té gun é vo an ma i déretawenu ma lo, Té yara an gyɛ lo we ma.

Ézai 26:12

Gakelebale i vole drɔɔ no ko lɛ; Naa, we faa lé ko kɛla, Bii ɛ ke a lɛsɔɔzan nya ko lɛ.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

WENÉNÉ LE JAN A GYE (Évangile selon Jean) 1:47

Jézu Natanaɛl ye aan wo dana é va, é a mawe fe léé: Izraɛl mi do lé, dabli we do kpen ’ka a gi lo, yee lé é ke ’ko webozen nya.

WENÉNÉ LE JAN A GYE (Évangile selon Jean) 3:20

Miomian éé wenyané kɛla, san za a a gi yé é ’ka dan san va monomono lo, dé wo da é kɛlɛwenu ye;

WENÉNÉ LE JAN A GYE (Évangile selon Jean) 5:39

É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

1 Korent munu 15:10

Maa ke fɛan nya ’ko, Kazambale lé zin ɛ an kɛlɛ a nya. Yé Kazambale ’ka élé zin sɛrɛ lɛ an ma lo, naa, an nyanama pa é baba, é mini wo faa ta. ’Té é ’ka maabozen nya lo, naa zin lé Kazambale a kɛlɛ an lɛ, yee lé.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Galasi munu 6:8

Mian éé fɛ vɔa é dɔbɛ kyɛn zé nya, é dan fɛ vɔnle ye lɛ ézé tɔnɔ nya; naa, mian éé fɛ vɔa Kazambale Léli zé nya, vole é yuɛma lé a glɛ ’ka lo, é dan a ye lɛ léli zé tɔnɔ nya.

Éfez munu 5:9

Naa, mi va kinile tɔnɔ lé ke wezin gɔnɔ faa koo, we tegele gɔnɔ faa koo, webozen gɔnɔ faa koo, wo nya.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

Kolɔs munu 1:29

We ’ko ma lé maa nyanama paan, guli boen nya, Krist lé plɛplɛ lé é ke nyanama pana an gi plɛplɛ, a nya.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

1 Jan 1:6

Dé kaa fe léé, kaa a wo nya mi do, yé ’té kaa tawoo gunuti va, ’té vié lé kaa ke a wona, ’té kaa ’ka we kɛlɛna webozen yɛrama lo.

3 Jan 1:11

An béé zin, té i wenyané zuosona lo, naa, ’i wezin ɛ zuosona ma. Mian éé wezin kɛla, é a Kazambale zé nya; mian éé wenaané kɛla, é ’ka Kazambale ye lɛ lo.

Wegɔɔnle 3:15

Maa i kɛlɛwenu dɔɔ. I ’ka drɔɔdrɔɔ lo, yé i kyɛ ’ka lo. É sɔ an lɛ léé, i kyɛ ’é kɛlɛ; dé ’bɛ kaan lo, ’i kɛlɛ drɔɔdrɔɔ.