WENÉNÉ LE JAN A GYE (Évangile selon Jean) 20:17 - Kazambale lé Sebe Sauunu 1979

¹⁷ Jézu lé a lɛ léé: Té i buvɔ an ma lo. Maa ’ka tan go lɛ an Ti va lo. Naa, ’i go an zuanénu va; bé fe wo lɛ léé, maa a gona kaa Ti lé é ke kaalé Bale nya, a va.

WENÉNÉ LE JAN A GYE (Évangile selon Jean) 20:17 ပူးပေါင်းရင်းမြစ်များ

2 Minwiinzannu 4:29

Élizé lé Géazi lɛ léé: ’I sɔ dɔ i gyɛn, ’i anlé tawomayili sia yé ’i go. Dé ka valé mi do kee, té i we a va lo; dé mi do we i va, té i we lo. ’I anlé tawomayili pla né yara.

2 Minwiinzannu 7:9

A zuo wo lé ’wo ke lɛ léé: Ko ’ka we kɛlɛna é zima lo. Yi ’ko a we néné feyi nya; dé ko vo ’ko zo, yé ko ’ka a fe lɛ lo yé tu kini a zo, we tɔntɔn é dan bɔ lɛ ko ma. ’Ka da, kaa go we ’ko zuo fe minwiinzan blɛn lé kɔn ’léé.

Lɛrɛvɔ Sɛbɛ 22:22

’I an si golizra lɔ ma, ’I an si du bélinu ’léé.

Lɛrɛvɔ Sɛbɛ 43:4

An dan go lɛ Bale banna vazia, Bale lé éé an gi nanaan, ginanale lé éé giéan é glɛ la, a nya, a banna vazia. Baleoo, Bale, anlé Bale, maa dan i tɔ nwa lɛ kɔnɔ gyɛle nya.

Lɛrɛvɔ Sɛbɛ 48:14

A zi gɔrɔnu lé wo boro ke, ’ka nagini. ’Ka alé fuakɔnnu gi gini é zima, A zuo fele mi kulunu lé wo dan da lɛ bɛ, wo lɛ we ma.

Lɛrɛvɔ Sɛbɛ 68:18

Woo Gakelebale lé goronu nɔnɔan baa vu vu ’léé, Baa wuru é wuru ’léé nya; Mizan a wo worona, é si Sinai gɔ nwiin yé é wɔra é nyanana ’lɛzan na.

Lɛrɛvɔ Sɛbɛ 89:26

Maa dan a bɛ pla lɛ wɛyi ta, Yé a bɛyi é dan pla lɛ yuunu ta.

Ézai 41:10

Té i kana we do kpen lee lo, naa, maa a i va; Té i we do kpen gi bɔrɔ pa lo, naa, maa a ilé Bale nya. Maa i fuu dɔa i ta, maa bɔa i va, Maa, guliwuovolɛzan, maa dɔ i zuo.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 32:38

Wo dan kɛlɛ lɛ anlé munu nya, yé maa dan kɛlɛ lɛ wolé Bale nya.

Ézékiɛl 36:28

Tɛrɛ lé maa a nɔ ka tranu lɛ, ka dan nyana lɛ a ta; ka dan kɛlɛ lɛ anlé munu nya, yé maa dan kɛlɛ lɛ kalé Bale nya.

Ézékiɛl 37:27

An nyanana é dan kɛlɛ lɛ wo va. Maa dan kɛlɛ lɛ wolé Bale nya yé wo dan kɛlɛ lɛ anlé munu nya.

Matio 12:50

Naa, an Ti lé é ke la gi, dé miomian éé alé blibɔmawe kɛla, ’té yee ɛ ke an zuané koo, an buru koo, an bu koo, wo nya.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

Matio 28:7

yé ’ka go fiéfié yé ’ka fe a zuomunu lɛ léé, é nwa gale va. Yé é go ka ’lɛ Galilé tɛrɛ la; ana lé ka dan a ye lɛ. Yee lé maa a fe ka lɛ.

Maak 12:26

Dé é a gamunu nwale lé we nya, we lé Kazambale a fe Moizi lɛ yiliné kyɛblena, ka ’ka tan a ta fe lɛ Moizi lé sɛbɛ gi loo? É léé: Abraam koo, Izak koo, Jakɔb koo, maa a wolé Bale nya.

Maak 16:19

Mizan we fe aan wo wo lɛ faa, yé Bale a sia yé é goan la gi, yé é nyana Kazambale bɛyila.

WENÉNÉ LÉ LUK A GYE (Évangile selon Luc) 10:4

Gɔɔlipabala koo, bala koo, sawala koo, té ka go wo do kpen nya ka lee lo, yé té ka we mi do kpen va zia lo.

WENÉNÉ LE JAN A GYE (Évangile selon Jean) 13:1

Taboyi lé fɛti ’lɛ, Jézu a gi dɔɔ léé, a bléyi bɔ yé é dan si lɛ tɛrɛ la yé é go é Ti va. Azé munu lé wo ke tɛrɛ la, wo sɔ a lɛ fɔɔ yé alé tɛrɛla nyaa a zo.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 14:2

Nyanana kiɛre ana an Ti lé kɔn gi. Dé ’bɛ kaan lo, ’té maa a fe ka lɛ. Maa a gona ka nyanana ma’lɛrɛ lɛ ka lɛ.

WENÉNÉ LE JAN A GYE (Évangile selon Jean) 14:28

Ka a ’ma an ta léé, maa a gona, yé maa dan da lɛ é ziin ka va. An Ti blɛn mini an ta; bɛwemalé, dé an sɔ ka lɛ, ka gi é dan nana lɛ an gole an Ti va we ma.

WENÉNÉ LE JAN A GYE (Évangile selon Jean) 14:6

Jézu lé a lɛ léé: Maa lé ke zi koo, webozen koo, vole é yuɛma koo, wo nya. Mi do kpen ’ka dan an Ti va lo, ’té dé é ’ka gié lɛ an va lo.

WENÉNÉ LE JAN A GYE (Évangile selon Jean) 16:28

An si an Ti va, yé an da tɛrɛ la; sin, maa a sina tɛrɛ la yé maa go an Ti va.

WENÉNÉ LE JAN A GYE (Évangile selon Jean) 17:11

Maa ’ka tɛrɛlamunu méléna é dɛrɛ lo; naa, wa tɛrɛlamunu méléna yé maa a gona i va. An Ti sauun, munu lé i wo nɔ an lɛ, ’i yuɛ pa wo va i tɔ nya, wo kɛlɛle mi do nya ko zo lé we ma.

WENÉNÉ LE JAN A GYE (Évangile selon Jean) 17:25

An Ti tegele, tɛrɛlamunu ’ka i dɔɔa lo, naa, maa i dɔɔ, yé an vamunu ’ko a gi dɔɔ léé, bii ɛ an pa zia.

WENÉNÉ LE JAN A GYE (Évangile selon Jean) 17:5

Yé sin, bii an Ti, ’i an tɔ kɛlɛ blɛn ibozen va, fua lé é ke an lee é kyɛn i va, ’té tɛrɛ ’ka tan lo, a nya.

WENÉNÉ LE JAN A GYE (Évangile selon Jean) 20:27

Yé é lé Tɔmas lɛ léé: ’I bɛnwɔlɛ bié ze yé ’i an bɛlaanu nagini a nya. ’I bɛ bié é ziin yé bé wɔra an sɛe gi. I bli ’é vo we lɛ, té i kɛlɛ wezavɔzan nya lo.

WENÉNÉ LE JAN A GYE (Évangile selon Jean) 7:33

Jézu léé: Maa dan vo lɛ ka va bléyi sɛ nya é ziin; ’bɛ zuo, yé maa dan go lɛ, mi lé é an pa zia, a va.

Rom munu 8:29

Munu lé é wo dɔɔ ézé nya é vinin, é wo dɔ é kyɛn é Be bɔmazannu nya é ziin, a Be kɛlɛle né vininzan nya bwe kiɛre worona we gi.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Galasi munu 3:26

Naa, ka faa a Kazambale benu nya, blivole Jézu Krist lɛ we ma.

Ébrunu 11:16

Naa, sin, tɛrɛ zin baba do ma lé wo bli bɔ, ’bɛ ɛ ke lagi tɛrɛ nya. Bɛwemalé yara ’ka Kazambale gya ébo laale ma wolé Bale lo, naa, é fla blɛn do pa wozé nya.

Ébrunu 8:10

Naa, Mizambale léé: Gipawe lé maa dan a kɛlɛ lɛ Izraɛl munu va Yi ’konu zuo, yee lé é ke ’ko: Maa dan anlé bélidɔwenu pa lɛ wo ’wuo gi, Maa dan wo gyɛ lɛ wo bli gi Yé maa dan kɛlɛ lɛ wolé Bale nya, Yé wo dan kɛlɛ lɛ anlé munu nya.

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

1 Jan 3:2

Ka lé ka sɔ an lɛ, kaa a lao Kazambale lé nénu nya. Kaa dan kinin lɛ fɛan nya, wo ’ka tan ’bɛ gɔɔn lɛ kaa lɛ lo. Naa, kaa gi dɔɔ léé, dé wo ’bɛ gɔɔn kaa lɛ bléyian va, kaa dan kɛlɛ lɛ bélé Jézu bozen zo; fɛan zo lé Jézu ke, a zo duo lé kaa dan a ye lɛ, azama.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.

Wegɔɔnle 21:7

Mian we ’ko ’wuo vo a lɛ, é dan fɛ ’konu ye lɛ ézé tɔnɔ nya; maa dan kɛlɛ lɛ alé Bale nya yé é dan kɛlɛ lɛ an be nya.