WENÉNÉ LE JAN A GYE (Évangile selon Jean) 20:16 - Kazambale lé Sebe Sauunu 1979

¹⁶ Jézu lé a lɛ léé: Mari. É nɔla yé é lé a lɛ Ébru dére gi léé: Rabuni, ’bɛ gi léé, anzan blɛn.

WENÉNÉ LE JAN A GYE (Évangile selon Jean) 20:16 ပူးပေါင်းရင်းမြစ်များ

Wepélisiananu 22:1

We ’konu zuo Kazambale Abraam gi dan yé é lé a lɛ léé: Abraam. Yé é léé: Maa lo.

Wepélisiananu 22:11

Yé Gakelebale lé lanje a laa la gi yé é léé: Abraam! Abraam! Yé é léé: Maa lo.

Wepélisiananu 45:12

Ka ye ka yuɛ nya, yé an zuané Bɛnjamɛn a ye ’é yuɛ nya léé, maabozen ɛ ke we fena ka lɛ.

Fwile 3:4

Gakelebale a ye léé, é nɔla a naginile we gi, yé Kazambale a laa yiliné méléna, yé é léé: Moizi! Moizi! Yé é we léé: Maa lo.

Fwile 33:17

Gakelebale lé Moizi lɛ léé: I an yuɛi bɔ, yé maa i dɔɔ i tɔ nya, amalé we lé bé laa an lee, maa dan a kɛlɛ lɛ.

Wegɔné Ma Lɛrɛ 3:4

Ko gié é ke la tɔɔn, yé maa an sɔlɛzan ye; Maa a kun yé an ’ka daan lɛ a ma lo, Fɔɔ yé maa go a nya an bu lé kɔn gi, Mi lé é an bɔn si, a yiikɔn gi. —

Wegɔné Ma Lɛrɛ 5:2

Maa a yibla, naa, an bli a é vuole; Maa an sɔlɛzan dére ’ma kɔkɔ gyɛna: — É léé: An buru, an bwɛ, Anlé plala, anlé gun‐amalozan, ’i kɔn lɛ so an lɛ; Naa, fli vɔ an ’wuo ma, An nwin a é fanle lolu nya. —

Ézai 43:1

Jakɔb‐oo Jakɔb, Gakelebale lé é i kɛlɛ, é a wefena sin; Izraɛloo Izraɛl, mi lé é i bɔra, é léma: Maa i tabo, amalé té i kana we do kpen lee lo, Maa i laa i tɔ nya; bii a anzé nya.

Matio 14:27

Kele tɔɔn Jézu we fe wo lɛ yé é léé: ’Ka bli ta dɔ plɛplɛ. Maa lé. Té ka kana lo.

Maak 10:51

Jézu a laa a lee léé: É sɔ i lɛ léé, maa mɛ ɛ kɛlɛ i lɛɛ? Yuɛwiizan a zi pa a lɛ léé: Anzan, an yuɛ ’é fuo ma.

WENÉNÉ LÉ LUK A GYE (Évangile selon Luc) 10:41

Mizan a zi pa a lɛ léé: Maate, Maate, i yuɛ gi kyɛ a, yé i we kiɛre gi bɔrɔ paan.

WENÉNÉ LE JAN A GYE (Évangile selon Jean) 1:38

Jézu nɔla yé é a ye aan wo léé, wa dana ’yee ɛ zuo, é lé wo lɛ léé: Mɛ fɛ lé ka ke a gininaa? Yé wo lé a lɛ léé: Rabi, ’bɛ gi léé, ’wozan, i nyanaan kyɛɛn?

WENÉNÉ LE JAN A GYE (Évangile selon Jean) 1:49

Natanaɛl lé a lɛ léé: Anzan, bii a Kazambale Be nya. Bii a Izraɛl munu nwiinzan blɛn nya.

WENÉNÉ LE JAN A GYE (Évangile selon Jean) 10:3

’Blagɔrɔtabinzan éé gɔrɔ lɛ soo a lɛ, yé ’blanu a dére maan. ’Blanu lé wo ke azé nya, éé wo laan ’wo tɔ nya, ’té éé goo wo nya béera.

WENÉNÉ LE JAN A GYE (Évangile selon Jean) 11:28

Maate we fe aan wo ’ko zo, yé é go. Yé é zuané Mari laa kyeen gi yé é lé a lɛ léé: Kozan da; é a i ma laana.

WENÉNÉ LE JAN A GYE (Évangile selon Jean) 13:13

Ka an laan Kazan valé Mizan, yé ka a fé webozen nya, maa a ’bɛ nya.

WENÉNÉ LE JAN A GYE (Évangile selon Jean) 20:28

Tɔmas lé a lɛ léé: Anzan valé anzé Bale.

WENÉNÉ LE JAN A GYE (Évangile selon Jean) 3:2

É da Jézu va é béli, yé é lé a lɛ léé: Anzan, ko a gi dɔɔ léé, bii a wepaamigizan lé é si Kazambale va, a nya. Gyɛzorowenu lé bé kɛla ’ko, dé Kazambale ’ka mi va lo, é ’ka bɔa wo kɛlɛle lɛ lo.

WENÉNÉ LE JAN A GYE (Évangile selon Jean) 5:2

’Té ’yiguru do a Jérusalɛm, ’blanu bɔrana zi ’léé sɔnɔ, wa laama Ébru dére gi Bétɛsɛda. Ban soru a é dɔle a zi.

WENÉNÉ LE JAN A GYE (Évangile selon Jean) 6:25

Wo Jézu ye aan wo wɛyi zi, yé wo lé a lɛ léé: Kozan, bléyi kyɛn va lé i da ’koo?

Kelewenu 10:3

Yiri tɛnlale nya é Kazambale lé lanje do ye wéiin yuɛzi gi, yé ’bɛ wɔra a va, yé ’bɛ lé a lɛ léé: Kɔɔnéi.

Kelewenu 9:4

É dia tɛrɛ va, yé é dére do ’ma yé ’bɛ lé a lɛ léé: Sɔl, Sɔl, mɛmalé i nyané paan an taa?

1 Samuɛl 3:10

Gakelebale da a va yé é a laa bélé é vinin zo: Samuɛl! Samuɛl! Yé Samuɛl a zi pa léé: Bé fe, naa, i wuozan tɔné a i lɛ.

1 Samuɛl 3:6

Gakelebale Samuɛl laa é ziin. Samuɛl nwa yé é go Éli va yé é léé: An da, naa, i an laa. Éli léé: An be, maa ’ka i laa lɛ lo. ’I go yia.