WENÉNÉ LE JAN A GYE (Évangile selon Jean) 19:30 - Kazambale lé Sebe Sauunu 1979

³⁰ Jézu a gi dɔrɔ tɔndɔle mini aan wo, é léé: We faa lɛ sɔɔ. Yé é ’wuo tua, yé a lɛ bo.

WENÉNÉ LE JAN A GYE (Évangile selon Jean) 19:30 ပူးပေါင်းရင်းမြစ်များ

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Lɛrɛvɔ Sɛbɛ 22:15

Maa a bélé ’yi lé éé yoroan, a zo, Yé an wɔlɛnu faa éé kinié ékema; An bli a bélé zɔrɔnyɔnɔ pa zo, Yé a ’yi éé boo an bɔn‐in.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Ézai 53:12

Bɛwemalé maa dan azé nɔ lɛ a lɛ mi blɛnnu va; Maa dan gulizarafɛ guli lɛ yee valé mi plɛplɛnu ma, Ébo nɔ ga lɛ Yé wa pa wenaané kɛlɛzannu va, ’bɛzama; É mi kiɛre lé wenyanénu si Yé é dɔ wegyɛzannu lé we gi, ’bɛzama.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Daniɛl 9:26

Flɛyi yɔ yaa wɔlɛ fié ’konu giéle zuo, wo dan Nyɔnɔzénnwiinzan gyɛ lɛ yé a pagizan ’ka dan ye lɛ lo. Minwiinzan do é dan da lɛ yé alé munu é dan fla valé fɛna plɛplɛ kɛlɛ lɛ é ’bin nya yé azé nyaale é dan kɛlɛ lɛ bélé ’yiyoro plɛplɛ zo. Naa wa fe léé, wo dan vo lɛ é sɛrɛle fɔɔ yé gulidanle é nyaa, a zo.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Matio 27:50

Jézu siaa plɛplɛ é ziin do yé a lɛ bo.

Matio 3:15

Jézu a zi pa a lɛ léé: ’I bli si izé lɛ, ’i anzé kɛlɛ. Naa, é a é zima léé, ko Bale dére tawe faa kɛlɛ tegele. Yé Jan ’ka we bɛ fe lɛ é dɛrɛ lo.

Maak 15:37

Naa, Jézu siaa plɛplɛ, yé é ga.

WENÉNÉ LÉ LUK A GYE (Évangile selon Luc) 22:37

Naa, maa lé ka lɛ léé, dére ’ko lé wa gyɛ sɛbɛ gi é a lé a lɛ é sɔɔ an nya; é léé: Wa nɔnɔ wenyanékɛlɛzannu va. An ma we lé wa gyɛ sɛbɛ gi, é vo sɛné yé a faa kɛlɛle lɛ é sɔɔ.

WENÉNÉ LÉ LUK A GYE (Évangile selon Luc) 23:46

Jézu siaa dére plɛplɛ nya léé: An Ti, maa an léli bɛ pa i lee. Dére ’konu fele nya lé é ga.

WENÉNÉ LE JAN A GYE (Évangile selon Jean) 10:11

Maa a ’blatabinzan zima nya. ’Blatabinzan zima éé gaan ’élé ’blanu ta.

WENÉNÉ LE JAN A GYE (Évangile selon Jean) 10:18

Mi do kpen ’ka an gya lo, naa, maa anbo no gale lɛ. A se a an lɛ léé, an ga yé a se a an lɛ léé, an nwa é ziin. ’Ko zo lé an Ti an béli dɔ.

WENÉNÉ LE JAN A GYE (Évangile selon Jean) 17:4

Maa i tɔ kɛlɛ blɛn tɛrɛ la, yé nyanama lé bé nɔ an lɛ léé, maa a pa, maa a pale lɛ sɔɔ.

WENÉNÉ LE JAN A GYE (Évangile selon Jean) 19:28

’Bɛ zuo, Jézu a ye léé, we faa kɛlɛle lɛ sɔɔ, yé é léé: ’Yiminilɔrɔ a an gyɛna. É ’bɛ fe Kazambale lé sɛbɛ giwe lɛsɔɔle we ma.

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

Rom munu 10:4

naa, Krist a bélidɔwe ’wuoplana nya, munu faa lé wo bli voo a lɛ, wo kɛlɛlɛ tegele we ma.

Rom munu 3:25

Kazambale Jézu dɔ wenyané ’yibofɛ nya, a nyɛ lé we ma, blipaalɛmunu zé nya. Kazambale we ’ko kɛlɛ a gɔɔnle we gi léé, ’é a tegele. Wenyanénu lé munu a kɛlɛ é vinin, Kazambale bli tiéé bléyi va, Kazambale fii pla ’bɛnu ta,

1 Korent munu 5:7

’Ka lévɛn kwa bɔra ka bli gi, ka kɛlɛle buruyɔɔ dɛrɛ pla nya we gi. Naa, wo kaa taboblané gyɛ é kyɛn, yee lé ke Krist nya, amalé webozen nya, lévɛn ’ka ka gi lo.

Filip munu 2:8

Yé é ’ébozen kɛlɛ blami nya, yé é ’ébozen kɛlɛ kiéné, yé é kɛlɛ lɛdɔ?-?mazan nya fɔɔ yé é ga, yé é dunuzén?-?mita ga wo yiliblan ta.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 9:22

Weboen lé, dé é a bélidɔwe nya, é vo sɛ yé fɛnu faa gi é bɔ nyɛ nya, yé dé nyɛ zanale ’ka lo ’té mi ma we vole ’ka lo.