WENÉNÉ LE JAN A GYE (Évangile selon Jean) 18:1 - Kazambale lé Sebe Sauunu 1979

¹ We ’konu fele zuo, Jézu valé é zuomunu go Sédrɔn yuu zi, fɛana lé zian féi ke, ana, yé é wɔra yee féi gi, yee valé é zuomunu nya.

WENÉNÉ LE JAN A GYE (Évangile selon Jean) 18:1 ပူးပေါင်းရင်းမြစ်များ

Wepélisiananu 2:15

Bale, Gakelebale mi si yé é a nyana Édɛn féi, yuɛpale a va valé féi pale we gi.

Wepélisiananu 3:23

Yé Bale, Gakelebale mi bin Édɛn féi, léé, ’é go féi pa, tɛrɛ lé wa kɛlɛ kɔɔn a nya bɛ, a va.

2 Samuɛl 15:23

Fɛkona munu faa yuɛyi so, ’té woo wuvɔa plɛplɛ munu gié bléyi va. Minwiinzan Sédrɔn yuu kini yé munu faa gié zi lé é go bwi gi zia, a ta.

1 Minwiinzannu 15:13

A bu segele Maaka miyili kɛlɛ Asataté zé nya amalé dé é a a bu segele nyaoo, é kɛlɛle minwiinle nya se si a lee. Aza alé miyili sɛrɛ yé é a kyɛ ble Sédrɔn yuu ma.

1 Minwiinzannu 2:37

Bé gi dɔɔ é zima léé, dé i bɔra yé i Sédrɔn yuu kini yian ma, i dan ga lɛ ’bɛ yi duo nya; i nyɛ é dan dɔ lɛ ibo nwiin.

2 Minwiinzannu 23:12

Yobannanu lé Juda nwiinzannu a kɛlɛ Akaz lé kɔn nwiin kɔngwa ta, wo valé yobannu lé Manasé a kɛlɛ Gakelebale lé kɔn gɔrɔ fié gi, minwiinzan wo sɛrɛ; wo sɛrɛle zuo é wo si ana yé é wo yee nwɛɛn Sédrɔn yuu va.

2 Minwiinzannu 23:4

Balebanmunu ’lɛzan Ilkija koo, Balebanzannu palu fiézan koo, kɔn ’léé tabinzannu koo, minwiinzan blɛn lé wo lɛ léé, kananu lé wa kɛlɛ Baal koo, Asataté koo, lagifɛnu faa koo, wozé nya, ’wo wo bɔra Gakelebale lé kɔn gi, yé ’wo wo kyɛ ble Jérusalɛm gini ma, Sédrɔn féinu ta, yé ’wo go wo yee nya Bétɛl.

2 Minwiinzannu 23:6

É Asataté miyili bɔra Gakelebale lé kɔn gi, yé é go a nya Jérusalɛm gini ma Sédrɔn yuu ma; é a kyɛ ble Sédrɔn yuu gɔ la yé a yee bo yé é a yee nwɛɛn mi vunnu ta.

2 Minwiinmunu lé Wezuofe Sɛbɛ 15:16

Minwiinzan blɛn Aza naa Maaka miyili kɛlɛ Asataté zé nya, amalé é kɛlɛle mi nwiin le nya se si a lee. Aza alé miyili sɛrɛ, yé é a pun bo, yé é a kyɛ ble Sédrɔn yuu yorole plɛplɛ sɔnɔ.

2 Minwiinmunu lé Wezuofe Sɛbɛ 29:16

Balebanzannu wɔra Gakelebale lé kɔn gi a ’lɛdɔle we ma. Fɛ tiridɔlenu faa lé wa ye Gakelebale lé kɔn gi, wa bɔra yé wa vuli Gakelebale lé kɔn gɔrɔ gi, yé Lévinu a si yé wa vuli Sédrɔn yuu ma.

2 Minwiinmunu lé Wezuofe Sɛbɛ 30:14

Wo nwa, yé miyili bannanu lé munu éé saraka boo wo ta Jérusalɛm, yee valé a faa lé woo miyili baan lasikɔrɔ nya wo ta bɛ, wo wo si ana yé wo wo vuli Sédrɔn yuu va.

Néémi 2:15

An gié é béli ’yiyorona plɛplɛ na, yé an fla zi gɔrɔ ma nagini. ’Bɛ zuo, yé an wɔra flagɔrɔ ’léé lé wa laama gɔworona, ana, yé an bɔ an pa gi.

Jérémi 31:40

Gɔ worona lé ke fɛ galenu valé kyɛyee vulina, ’bɛ faa koo, féinu faa lé woo goo fɔɔ yé wo bɔ Sédrɔn ’yiyoro ma, fɔɔ yé é bɔ flagɔrɔ ’léé lé wa laama wisoonu, a ma, yirinwanazia, ’bɛ faa koo, wo dan fɛkonanu kɛlɛ lɛ Gakelebale zé nya, yé wo ’ka dan wo sɛrɛ lɛ lo; wo ’ka dan wo guru zana lɛ a gi lo.

Lévinu 2:6

I dan a bɔi lɛ é kurunu nya, yé i nyɔnɔ zén a ma; Bale lé fɛblele lé.

Matio 26:30

Dé wo lɛrɛ vɔ faa yé wo go Ɔlivi gɔ nwiin.

Matio 26:36

A zuo, Jézu go fɛ lé wa laan Jɛtsémané, ana, yé é lé é zuomunu lɛ léé: ’Ka ’é nyana ’ko, yé an ’é go bazoro lɛ mun.

Maak 14:26

Dé wo lɛrɛ vɔ faa, yé wo go Ɔlivi gɔ nwiin.

Maak 14:32

’Bɛ zuo Jézu valé é zuomunu go fɛ lé wana laama Jɛtsémané, ana. Yé Jézu lé é zuomunu lɛ léma: ’Ka nyana ’ko, yé an bazoro ma.

Maak 14:42

’Ka nwa, kaa go. Ka ye, mi lé é ke an pana wo lee, yee lé é dan bɛ.

WENÉNÉ LE JAN A GYE (Évangile selon Jean) 14:31

Naa, é a lé tɛrɛlamunu a gi dɔɔ léé, an Ti sɔ an lɛ yé maa a dére tawe kɛla. ’Ka nwa fɛkona, kaa go.

WENÉNÉ LE JAN A GYE (Évangile selon Jean) 18:26

Balebanmunu ’lɛzan wuozan do, mi lé Piɛri a tɔné bɔi bɛ, ’bɛ lele lé, ’bɛ lé Piɛri lɛ léé: Maa ’ka i ye lɛ a va zian féi loo?

Kelewenu 21:11

yé ’bɛ bɔ ko ma. É Pɔl lé kyɛsidi si, yé ébo ganenu valé ébo bɛnu yere a nya yé é léé: We lé Léli Sauun a fe, yee lé é ke ’ko: Mi lé é ke kyɛsidi ’ko zan nya, fɛan zo lé maa anbo yere ’ko, a zo duo lé Juifinu é dan azan yere lɛ Jérusalɛm yé wo dan a pa lɛ bɛn bɛnu lee.